Isaiah 8:10 - Bible Ni Thothup

¹⁰ Mu tanom niged rogon ni ngam gelgad, machane dabi fel’. Mu feked gubin e tin gimed ba’adag! Machane rib m’ayfan, ya Got e bay romad.

Isaiah 8:10 Referans Kwoze

Lamentations 3:37

Tiriggil rok Somol e gubin ngiyal’ nma yan ni bfel’ rogon ni dabiyag i thilyeg.

Roma 8:31

Mang e bay ni kagadad ra weliy u murung’agen e pin’ey? Fa’anra bay Got u ba’ rodad, me mini’ e rayag rok ni nge togopluw ngodad?

BABYOR NI JOB 5:12

Ma wageynag e makath rok e pi’in yad ma ban, mma thabeynag e pi’in gonop ngar awgad ko liyab rorad, nge yan i par ndariy ban’en ni yad ra rin’ nra fel’ rogon;

Proverbs 21:30

Gonop ko girdi’, nge tamilangan’, nge nangan’ — e dabi ayuwegnem ni fa’anra ba togopluw SOMOL ngom.

Psalms 46:11

SOMOL ni Gubin ma Rayag Rok e bay rodad; fare Got rok Jakob e ir e yoror rodad!

2 Samuel 15:31

Nap’an nnog ngak David nike un Ahithofel ko ba’ rok Absalom e girdi’ ni ngar togopluwgad ngak, me ga’ar David, “SOMOL, wenig ngom, mu pingeg e fonow rok Ahithofel nge par ni thin ko balyang!”

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Psalms 46:7

I SOMOL ni Gubin ma Rayag Rok e bay rodad; fare Got rok Jakob e ir e yoror rodad!

2 Kronicles 13:12

I Got ni ir e ma gagiyeg nagmad ma prist rok e yad ba’aray ni bay e rappa rorad, ni ka ra fal’eged rogorad ni ngar thoyed miyad piningmad ni nggu maelgad ngomed. Girdi’ nu Israel, dab mu chamgad nib togopluw ngak SOMOL ni Got rok e pi chitamngimed! Dabyag ni ngam gelgad!”

Deuteronomy 20:1

“Nap’an ni gimed ra yan ni mael ngak e pi to’ogor romed mi gimed guy e chariot nma girengiy e os, nge os, nge barba’ i salthaw ni yad bayo’or ngomed, ma dab mu rusgad ngorad. Ya SOMOL ni Got romed nike fekmed nga wuru’ yu Egypt e bay romed.

2 Samuel 17:23

Ma fa’ani guy Ahithofel nda nfol ko tin keyog, me af nga daken e dongki rok nge sul ko birok e binaw. Me fal’eg rogon e tirok ban’en, nge mu’ me uchiliy k’angan. Mi ni yan ni chibgiliy ko re low ni ba’aram ni yima chibgiliy girdi’en e tabinaw rok ngay.

Joshua 1:5

Joshua, dariy be’ nrayag rok ni nge gel ngom u n’umngin nap’an e yafos rom. Bay gu un ngom ni bod rogon ni ug un ngak Moses. Mar dab gu pagem.

Psalms 46:1

I Got e ir e manaf rodad me ir gelngidad, gubin ngiyal’ nike fal’eg rogon ke par nra yib e oloboch ngodad me ayuwegdad.

Roma 8:13

Ya fa’anra um ngongolgad nrogon nib m’agan’ e dowef romed ngay ma gimed ra yim’; machane fa’an gimed ra li’ ngem’ e ngongol romed nib denen nga gelngin fare Kan ni Thothup, ma gimed ra fos.

1 John 4:4

Machane gimed, pifakag, e bmil famed ngak Got, ma kam gelgad ko fapi profet ni go’ bogi ban’en; ya fare Kan Nthothup ni bay u fithik’med e kab gel ngak fare kan ni bay u fithik’ e pi’in nib mil farad ngaray nga fayleng.

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Isaiah 7:14

I SOMOL e bayi pi’ ba pow ngomed. Be’ ni bpin ni ka ba rugod nike diyen. Bayi gargel ni bochi pagel ma bayi tunguy fithingan ni Immanuel.

Matthew 1:23

“Fare pin ndawori nang e pumo’on e bayi diyen nge gargeleg bochi pagel, ma bay ni pining Immanuel ngak” (ni fan e re ngachal nem e, “Bay Got rodad”).

Isaiah 9:6

Ka ni gargeleg bochi tir ngodad! Ka ni pi’ bochi pagel ngodad! Me ir e bayi mang pilung rodad. Ma bay nog fithingan ni “Tafonow nrib Manigil,” nge “Got ni Gubin ma Rayag Rok,” nge “Chitamangiy ni Manemus,” nge “Pilung ko Gapas.”

Isaiah 8:8

Bayi walguy daken yu Judah ni bod e lul’ ni bod tolngin lik’ipoy nike tharey urngin ban’en.” Got e bay rodad! Pon nike pithig e ke mang yoror ko nam.

2 Samuel 17:4

Me finey Absalom nge urngin e pi tolang nu Israel ni yad bay u tan pa’ ni bfel’ e re bugithin nem ni keyog Ahithofel.

Genesis 21:22

Ngiyal’nem me yan Abimelek nike un Fikol ngak ni be’ nib tolang ko salthaw rok, me ga’ar ngak Abraham, “I Got e bay rom ko urngin e tin ga be rin’.

Isaiah 28:18

Tha’ ni mu ngongliyed u thilmed e yam’ e bayi math’, ma m’ag romed e fayleng ko yam’ e bay nthang. Ma nap’an nra ngolol e riya’, me pirdi’iymed nga but’.

Isaiah 43:5

Dab mu rus, ya gu bay rom! “Bay gu fek e girdi’ rom i yib nga taferad, ni mus u lan e ngek nib mal’af nge yan i mus ngalan e ngal nib orel.

Jeremiah 42:11

Ngam taleged e marus ngak fare pilung nu Babylon. Gu bay romed, ma bay gu laegmed u tan gelngin.

Jeremiah 46:28

Bay gub ngomed nggu ayuwegmed. Bay gu thirif gubin e nam u but’ ko yungi n’en ni gu weregmed riy i yan, machane dab gu thang owchamed. Ma dab gu pagmed ngam marod ni dab ni gechig nagmed; machane gu ra gechig nagmed, mab mat’aw rogon ni gu ra rin’. I Gag SOMOL e kugog e pi thin ney.”

Joel 3:9

“Mogned e pi thin ni ba’aray ngak e pi nam ni nge lungumed: ‘Mfal’eged rogomed ko mael, mu pininged e pi’in ni falu’ ko mael, mu kunuyed urngin e salthaw ngam marod!

Numbers 14:9

Dab mu togopluwgad ngak SOMOL, ma dab mu rusgad ngak e girdi’ ni be par u rom. Rib mom ni gadad ra gel ngorad. I SOMOL e ba’ rodad ma ke gel ngak e pi kan ni be yoror rorad; ere dab mu rusgad.”

2 Kings 6:12

Me ga’ar bagyad, “Pilung, gathi bagamad, ya Elisa ni fare profet e ir e be weliy ngak e pilung nu Israel e thin ni ga be yog, ni mus ko pin’en ni ga be yog u lan e senggil rom.”

Psalms 21:12

Bayi pag gan e gat’ing rok ngorad ngar chelgad ngar milgad.

Psalms 46:8

Mired, ngam guyed e n’en ke rin’ SOMOL! Mu guyed e pin’en ni yira ngat ngay nike ngongliy u daken e fayleng!

Isaiah 14:27

I SOMOL ni Gubin ma Rayag Rok e turguy ni nge rin’ e ran’ey; ke k’iyag pa’ ni nge gechig, ni dariy be’ nrayag ni taleg.

Haggai 1:13

Ma aram me yog Haggai e thin rok SOMOL ngak fapi girdi’: “Gube micheg ni bay gu par romed.”