Isaiah 7:9 - Bible Ni Thothup

⁹ Yu Israel e de gel ko fare binaw ni tochuch rok nu Samaria, ma yu Samaria e de gel ngak Pekah ni Pilung. “Fa’anra dabi muduwgil e michan’ romed, ma dab mmuduwgilgad.”

Isaiah 7:9 Referans Kwoze

Hebrews 11:6

Dariy be’ nra fel’ u wan’ Got ni fa’anra de mich Got u wan’. Ya en nra yib ngak Got e thingari mich u wan’ ni bay Got mra tow’athnag e pi’in yad be gay Got.

Roma 11:20

Er rogon; nt’arrad ni bochan e de mich Jesus u wun’rad, mi gur e mpar u luwam ko re ke gek’iy nem ni bochan e mich Jesus u wun’um. Machane dab mu uf ngay; ya ngam tamdag.

2 Kronicles 20:20

Me yan i kakadbul riy me yan fapi girdi’ nga daken e ted u charen yu Tekoa. Nap’an ni aram e kar tababgad ko yan ma ba’aray e pi thin ni yog Jehoshafat ngorad: “Gimed e girdi’ nu Judah ngu Jerusalem! Mu ted e pagan’ romed nga daken SOMOL ni Got romed, ma aram e rayag ni ngam gelgad. Nge mich u wun’med e n’en keyog e pi profet rok, ma aram e gimed ra gel.”

1 John 5:10

Ere en nra michan’ ngak e en ni Fak Got e bay e re mich ney u laniyan’; machane en nde mich Got u wan’ e aram e ke yog ni Got e be lifith l’ugun, ya de mich u wan’ e tin keyog Got ni murung’agen Fak.

Acts 27:25

Ere mu athamgilgad! Ya ba pagan’ug ngak Got ni bay yan i aw ni bod rogon ni kanog ngog.

Acts 27:11

Machane fa’anem nib tolang ko salthaw e ke pagan’ ko tin nike yog gabitey nge en ni ir e suwon e barkow, ma de pagan’ ko tin nike yog Paul.

2 Kings 15:27

U lan e duw ni wugem nge l’agruw ko gagiyeg rok Uzziah ni Pilung nu Judah, me mang Pekah nib mo’on ni fak Remaliah e pilung nu Israel, me yog e thin u Samaria ni rliw’ e duw.

Isaiah 5:24

Ere chiney, e ri bod e kenggin e uchel nge pan nike mlik ni be yik’ u fithik’ e nifiy, lik’ngimed e bayi malad ma mak’uf romed e bayi fengfeng nge changag ngabang, ni bochan e ka mu n’iged SOMOL ni Gubin ma Rayag Rok, ni fare Got nib thothup nu Israel.

Isaiah 7:4

Mog ngak nge par nike fal’eg rogon’, ma dabi wagagey laniyan’, ma dabi rus ara magafan’. Damumuw rok Rezin ni Pilung nge yu Syria ni girdi’ rok, nge damumuw rok Pekah ni Pilung e dabi rus ngay, ya dariy ban’en nra rin’, ya bod rogon e ath ni be yib u l’agruw ley i l’ud.

Isaiah 7:10

Me pi’ SOMOL bbugithin nge yan ngak Ahaz bayay ni ga’ar:

Isaiah 8:4

Ra dawori yag ni nge pining e re tir nir e Nina’ nge Papa’ ma urngin e pi machaf nu Damaskus nge urngin e chugum nu Samaria e bayi fek e pilung nu Assyria u fithik’ e yargal.”

Isaiah 9:9

Urngin e girdi’ nu Israel, ni gubin e pi’in ma par u Samaria, ni bay ra nanged nike rin’ ni aray rogon. Machane riyad ba tolngan’ ma yad ba ufanthin. Ra ga’argad,

Jeremiah 43:2

Ma aram e Azariah nib mo’on ni fak Hoshayah nge Johanan nib mo’on ni fak Kareah nge gubin e girdi’ nib tolangan’rad e ra ga’argad ngog, “Ga be ban. I SOMOL ni Got romad e de l’oegem ni ngamog ngomad ni dab gu warod gu pired nga Egypt.

Mikah 1:5

Urngin e pin’ey ni bay yib ya girdi’ nu Israel e kar denen gad ma kar togopluwgad ngak Got. I mini’ e ba kireb e rok ko togopluw ni be tay piyu Israel? Yu Samaria, ni aram e tochuch ko fare gi nam. I mini’ e kireb rok ni yibe tayfan e liyos u Judah? Yu Jerusalem!

Isaiah 28:1

Nam nu Israel e kan turguy e gechig ni nge aw ngak! Fla’ab rok e be chuw ni bod yu kiy i te’eliyaw ni floras ni bay u lolugen e pi’in yad be yog e thin riy ni karm’ad ko rrum. Lolugrad nib uf e ka ni floridanag ni bfel’ rogon, machane kar thiggad nga but’ ni kar balyanggad ko rrum.