Isaiah 7:4 - Bible Ni Thothup

⁴ Mog ngak nge par nike fal’eg rogon’, ma dabi wagagey laniyan’, ma dabi rus ara magafan’. Damumuw rok Rezin ni Pilung nge yu Syria ni girdi’ rok, nge damumuw rok Pekah ni Pilung e dabi rus ngay, ya dariy ban’en nra rin’, ya bod rogon e ath ni be yib u l’agruw ley i l’ud.

Isaiah 7:4 Referans Kwoze

Isaiah 35:4

Nganog ko pi’in ke mulan’rad ni ngan ga’ar, “Mu pired ni gimed ba gel ma dab mu rusgad! Got e bayib i ayuwegmed, me gechignag e pi to’ogor romed.”

Lamentations 3:26

Ere rib fel’ ngodad ni ngu’ud son gad u fithik’ e gumaen’, ni ngad son niged ni nge mat’aw nagdad ngak.

Isaiah 30:15

I SOMOL ni Th’abi Tolang, ni Ir Facha’ nu Israel nib Thothup e be ga’ar ko girdi’, “Mu sulod ngam pagan’med ngog. Ma aram e gimed ra par ni gimed ba gel ma dabki buch ban’en romed.” Machane mu siyeged ni ngam rin’ed!

Deuteronomy 20:3

‘Pumo’on nu Israel, mmotoyilgad! Daba’ e ngam marod ko mael. Dab mu rusgad ngak e to’ogor romed, fa mulan’med, fa wagagey lanin’med.

Matthew 24:6

Bay mu rung’aged lingan e mael nib chugur nge murung’agen e mael nib orel; machane mu telmed, dab mu rusgad. Ya pin’ey e thangri yib, machane gathi fan e pin’ey e aram e ke taw nga tomuren urngin ban’en.

Zekariah 3:2

Me ga’ar fare engel rok SOMOL ngak Satan, “Satan, nge mang SOMOL e nge gechig nagem! Nge mang fare SOMOL nib t’uf yu Jerusalem rok e nge gechig nagem. Re mo’on ney e bod ba lay i ren nni leag u mit e nifiy.”

2 Kronicles 20:17

Gathi gimed e ngam chamgad u fithik’ e re mael ney, kemus ni ngam fal’eged rogomed nga tagil’med mi gimed son; bay mu guyed ni SOMOL e nge gel nagmed. Girdi’ nu Judah ngu Jerusalem dab mtuntungad fa mu rusgad. Mmarod ko mael, ma bayi un SOMOL ngomed!”

Amos 4:11

“Gu thang owchen bochi gimed ni bod ni gu thang owchen yu Sodom ngu Gomorrah. Pi aromed ni de yim’ e yad bod ba ley i l’ud ni be yik’ min laeg u mit e nifiy. Machane ku da msulod ngog,” I SOMOL e be non.

Isaiah 30:7

Ayuw nra pi’ yu Egypt e mm’ay fan. Ere kug turguy fithingan yu Egypt ni fare ‘Dragon ndabiyag ni nge rin’ ban’en ngak be’.’”

Isaiah 10:24

I SOMOL ni Th’abi Tolang ni Gubin ma Rayag Rok e be ga’ar ko girdi’ rok ni yad ma par u Zion, “Dab mu dugowgad ngak yu Assyria, ni yug aram rogon ni yad be gafgow nagmed ni bod ni i rin’ yu Egypt.

Isaiah 8:4

Ra dawori yag ni nge pining e re tir nir e Nina’ nge Papa’ ma urngin e pi machaf nu Damaskus nge urngin e chugum nu Samaria e bayi fek e pilung nu Assyria u fithik’ e yargal.”

Isaiah 7:8

Mangfan? Ya yu Syria e de gel ko fare binaw nu Damaskus ni tochuch rok, ma yu Damaskus e de gel ngak Rezin ni Pilung. Ma yu Israel e ra yan i gaman nel’ i ragag nge lal e duw ma kari me’waer ndabiyag ni nge par rok ni reb e nam.

1 Samuel 17:32

Me ga’ar David ngak Saul, “Pilung rog, susun e dariy be’ ni nge rus ko re Filistine nem! Bay gu wan ngak nggu chamgow.”

Matthew 10:28

Dab mu tamdaggad ngak e pi’in yad ra li’ e dowef ngem’ machane dabiyag ni ngar li’ed lanin’uy ngem’; mu tamdaggad ngak Got, ya ir e rayag ni nge kirebnag dowey nge lanin’uy u fithik’ e nifiy.

Isaiah 41:14

Be ga’ar SOMOL, “Israel, ri gab achig ma gab me’waer, machane dab mu rus; ya bay gu ayuwegnem. I Gag fare Got nu Israel ni gu ba thothup e bay gu ayuwegnem u pa’ e to’ogor rom.

Isaiah 7:1

Ngiyal’ ni Ahaz ni Pilung u Judah, ni Jotham e chitamngin, me Uzziah e tutuw rok e ni mael. Rezin ni Pilung nu Syria, nge Pekah ni Pilung nu Israel, ni Remaliah e chitamngin e ra m’agew e mael nga Jerusalem, machane de yag ni ngar kolew.

Isaiah 7:9

Yu Israel e de gel ko fare binaw ni tochuch rok nu Samaria, ma yu Samaria e de gel ngak Pekah ni Pilung. “Fa’anra dabi muduwgil e michan’ romed, ma dab mmuduwgilgad.”

Isaiah 37:6

me pi’ e fulweg riy: “I SOMOL e be yog ni dab mu pag nge k’ar marus yu Assyria ngom ko thin ni yad be yog ni dabiyag ni nge aywegem SOMOL.

2 Kings 15:27

U lan e duw ni wugem nge l’agruw ko gagiyeg rok Uzziah ni Pilung nu Judah, me mang Pekah nib mo’on ni fak Remaliah e pilung nu Israel, me yog e thin u Samaria ni rliw’ e duw.

Isaiah 8:6

ni ga’ar, “Bochan e ke dabuy e girdi’ ko re nam ney e ran ko Lul’ nu Shiloah ni be yan nib sowath, ma yad be rus ngak fa gal pilung ni Rezin nge Pekah ma karanod ra m’aged e fager ngorow,

Habakkuk 2:3

Mu yoloy, ya dawori taw nga nap’an ni nge yib i m’ug. Machane ngal’an e be yib nib machreg, ma n’en kugog ngom e bay yib i m’ug. Bay mu leamnag nib sowath ni be yib, machane ngam sonnag; ya ra yib i m’ug ko ngiyal’ ni kug turguy, ma dabi sowath.