Isaiah 7:23 - Bible Ni Thothup

²³ “Ra taw ko ngiyal’nem ma yungi woldug ni grapes ni bfel’ nra bang ma bbiyu’ kaen e woldug ni grape ni bay riy, mra bang ma bbiyu’ yang e silber nni pi’ ngay, e bayi sug e pan riy ni bay rachangalen.

Isaiah 7:23 Referans Kwoze

Isaiah 5:6

Mu gu pag nge yib e pan ngay ni bay rchanglen. Dab kug theth’ab papa’ngin ni nge tamilang fithik’ ara ug gi’ e but’ riy, ya bay gu pag nge tugul e pan riy ni bay rchanglen nge upunguy. Mu gog ngak e manileng nge dabki aw e n’uw ngay.”

Matthew 21:33

Me ga’ar Jesus, “Kum telmed nga reb e fanathin. Immoy be’ ni bay e binaw ntafen ni yung bangi grape ngay, me yororiy, nge mu’ me ker ba low ni luwan ban’en ni nge uduy wom’ngin e grape riy, me tay tafen e damit riy nib tolang. Me pi’ fa gi woldug ngak e pi’in kar ninged ngak ni ngu’ur ayuweged ma yad be fek boch i wom’ngin, ma yad be pi’ boch ngak e en ni ir e milay’ rok ni puluwon. Ma aram me yan ko milekag.

Hebrews 6:8

Machane fa’anra tugul e rachangal u daken nge pan ma dabi yib fan, ma rayag ni nge kirebnag Got wa’athan, me urfiy ko nifiy.

Jeremiah 4:26

But’ nib yungol e ke mang bang i daken e ted; binaw riy e darkiy woton u but’ ni bochan e damumuw rok SOMOL nib tinowey. (

Isaiah 5:10

Yuke grape ni be tugul u daken bang i binaw ni ragag e acres ga’ngin e kemus ni lal galon e wayin e rayag riy. Ma ragag e barril e awoch niyra yung ma ra k’uf ma kemus ni ta’reb e barril e grain.”

Isaiah 7:24

Dariy be’ nra yan ngay ndabi fek e gat’ing nge gan. Ya nam ni ga’ngin e bayi sug ko pan ni bay rachangalen.

Isaiah 32:10

Kam pired e chiney ni bfel’ rogomed, machane ngiyal’ney ko binem e duw e bay mpired nike magafan’med, ya dariy wom’ngin e woldug romed ni grape ni ngam t’ared ngam ayuweged nga naun.

Ezekiel 12:20

Pi binaw nike sug ko girdi’ e chiney e bay ni gathay, ma fare nam e bayi par ni dakriy e wulgo’ riy. Ma aram e bay ra nanged ni Gag fare SOMOL.”

Hosea 2:12

Bay gu kirebnag e woldug rok ni grape nge fa yu ke gek’iy rok ni fig, ni i yog ni pi ilingen e ra pi’ed ngak ni bochan e i pigpig ngorad. Bay gu pingeg e yungi grape nge gek’iy ni fi’in nge par nike ba chuwo’ i gerger, ma bay yib e gamanman ni malboch nge kirebnag.

Hosea 9:6

Nap’an nra yib e riya’ me wear e girdi’, me yib piyu Egypt ngar kunuyedrad — ngar k’eyagedrad u Memfis! Machaf rorad ni silber nge yungi n’en ni immoy taferad riy e bayi mogoth nge sug ko pan ni bay e rachangal riy.

Genesis 3:18

ma bayi tugul e pan nge rachangal, ma bay um koy e woldug nu mapan.