Isaiah 7:21 - Bible Ni Thothup

²¹ “Ra taw ko ngiyal’nem, ma fa’anra kemus ni ta’reb e garbaw nge l’agruw e kaming ni bay rok be’,

Isaiah 7:21 Referans Kwoze

Jeremiah 39:10

Kemus ni pi’in th’abi gafgow ni dariy taferad e pagrad u lan e nam nu Judah, me pi’ ngorad yung i milay’ ni grape nge flang.

Isaiah 5:17

Pifak e saf e bay ur ked e pan ma kaming ni bitir e bay ra pir’eged e gin ngar abichgad riy u lan fapi binaw nike mogoth.

Isaiah 37:30

Ma aram me ga’ar Isaiah ngak Hezekiah ni Pilung, “Irera’ pow ko tin bayi buch. Biney e duw nge bin bayib e bay um koy e grain ni yigi tugul rok, ma bin dalip e duw ngay e bayi yag rom ni ngam yung e grain ngam t’ar wom’ngin, ma ga be yung e grape ngam koy wom’ngin.

Isaiah 17:2

Pi binaw nu Syria e bay nn’ag ni manemus. Me mang tagil’ e abich ko saf nge garbaw, ni dariy be’ nra langrad u rom.

Isaiah 7:25

Ma yungi ted ni un wolduguy e bayi suguy e pan ni bay rachangalen ndakuriy be’ nra yan ngay. Bayi par ni garbaw nge saf e be kay e pan riy.”

Isaiah 14:30

I SOMOL e bayi mang matnag rok e pi gafgow u fithik’ e girdi’ rok nge aywegrad ni dabi buch ban’en rorad. Machane bayi pi’ ba uyongol nib gel nge aw ngomed piyu Filistia, ma dabi pag bigmed nge par ni kabfos.

Isaiah 27:10

Fare binaw ni kan yororiy ni fan ko mael e ke magoth ke par ni go bang i ted ni dakriy ban’en riy. Bayi par ni bang i tagil’ e garbaw nrayag ni ngu’ur toffangad riy miyad be kay e pan.

Isaiah 35:1

Bay i felfelan’ e ted ni desert, ma floras e bay i puf ko yungi binaw ni kan pag.