Isaiah 7:18 - Bible Ni Thothup

¹⁸ “Ra taw ko ngiyal’nem, me falgernag SOMOL yu Egypt ni ngarbad ni yad bod e lal ko fa yu pa’ i lul’ nrib orel ni yib ko fare lul’ ni Nile fithingan, ma ku bayi yodoromnag yu Assyria ngarbad ngaray ko nam rorad ni yad bod e ngul.

Isaiah 7:18 Referans Kwoze

Isaiah 5:26

I SOMOL e be pi’ e pow ni be pining ba nam nib palog nga orel. Ni be felger nagrad ni ngarbad u tungun e fayleng. Ma yad e ray ni karbad ni papay ni kemus payngirad.

Isaiah 31:1

Pi’in yad ra yan ko man ayuw nga Egypt e kar riya’gad! Yad be toer nga gelngin yu Egypt, ni os, nge chariot nge salthaw. Ya darir toergad ngak SOMOL, ni fare Got nu Israel nib thothup, ara ra weniggad ngak ni nge ayuwegrad.

Joshua 24:12

Mu gu gagiyegnag ngar rusgad u nap’an ni gimed be yan i yan nga m’on ni bochan e nge mil fa gal pilung ko pi Amorite ngar chuwgow ko nam rorow. Saydon romed nge gat’ing romed e gathi ir e gagiyegnag nge yodrom.

Deuteronomy 7:20

I SOMOL ni Got romed e ra k’aring e marus ngorad nib gel, me thang owchen e pi’in yad ra thay ngar mithgad.

Deuteronomy 1:44

Ma piyu Amor ni yad ma par u daken e fapi burey e rabad ngomed ni bod ba ran’ i ngul. Mar tulufed gimed ngam mada’gad nga Hormah mar gelgad ngomed u rom ko fare nam nu Edom.

Isaiah 13:5

Yad be yib u bogi nam nib palog u tungun e fayleng. SOMOL e be yib u fithik’ e damumuw rok ni nge gathay e nam ni ga’ngin.

Isaiah 7:17

“I SOMOL e bayi girengiy nga dakenam nge nga daken e girdi’ ko nam rom nge nga daken girdi’en e tabinaw rom nib pilung, boch e rran ni kab gel e gafgow riy ko gafgow nike yib ni ka nap’an ni ki’ yu Israel rok yu Judah, ya bayi fek e pilung nu Assyria i yib!

Psalms 118:12

Ra mu’ulunggad ngog ni bod e ngul, machane ra gak’gad ni bod feni pay e pan ni gak’; gelngin SOMOL e gu li’rad ngay!

Exodus 8:24

Me rin’ SOMOL e ren’ey, me yib e lal ni pire’ ni pire’ ngalan e naun rok Farao, nge ngalan e naun rok e pi tolang ni yad bay u tan pa’, nge nam nu Egypt ni ga’ngin. Me kirebnag e lal e nam.

Exodus 8:21

Fa’anra dab mu pag e girdi’ rog ngranod, ma nggog ngom ni bay gu pi’ e lal nge yib ngom, nge ngak e pi tolang ni yad bay u tan pa’am, nge ngak e girdi’ ko nam rom, nge ngalan e pi naun rom, nge ngalan e’pi naun rok piyu Egypt, nge mus nga daken e gi but’ ni yad ba sak’iy riy ni bayi sug ko lal.

Deuteronomy 28:49

Bayi pag SOMOL ba nam nrib palog nga taban e fayleng nge togopluw ngomed, ba nam ndam nanged fan lungurad. Bay rab ra garpowgad nga dakenmed ni bod e manuw.

Zekariah 10:8

“Bay gu pining e girdi’ rog ngar mu’ulung gad nga ta’bang. Bay gu aywegrad ni dabi buch ban’en rorad ma bay gu yo’or nagrad ni bod farad yo’or kafram.

Psalms 105:31

Me non Got me sugnag e lal nge yinuk lan e nam ni ga’ngin.