Isaiah 66:5 - Bible Ni Thothup

⁵ Motoyil ko mang e be yog SOMOL, gimed e pi’in bay madgun romed ma gimed ma fol rok: “Bochan e gimed ba yul’yul’ ngog aramfan ni boch e girdi’ romed e ke dabuymed ni dakriy ban’en ni ba’adag romed. Yad be moning nagmed yad be ga’ar, ‘Mu paged SOMOL nge dag feni ga’ me aywegmed, ya ngug guyed ni kam felfelan’gad.’ Machane yad e bayi m’a’y farad!

Isaiah 66:5 Referans Kwoze

Isaiah 66:2

I gag e gu sunumiy e fayleng nge lanelang ni ga’ngin! Bfel’ u wun’ug e pi’in nib sobut’an’rad ma kar pi’ed keru’rad ko kireb, ma yad be par ni bay madgug u wun’rad ma yad be fol rog.

Matthew 10:22

Ma gubin e girdi’ ni bay ra fanenikayed gimed ni bochag. Machane en nra athamgil nge par nge mada’ ko tomur e ra fos.

Psalms 38:20

Pi’in yad ma fulweg puluwon e fel’ ni kireb e yad be togopluw ngog ni bochan e gu be guy rogon ni nggu fel’.

John 9:34

Miyad fulweg ngak ni lungurad, “I gur e ni gargel nigem ngan chuguluyem u fithik’ e denen ma ga be guy rogon ni ngam machib ngomed?” Ma aram miyad chuweg u lan tafen e mu’ulung.

Jeremiah 36:16

Ma nap’an ni mu’ i be’eg rok ni gubin, miyad chachangar u owcherad ni kar rus gad, me lungurad ngak Baruk, “Thingar gu weliyed e pi thin nir ngak e en pilung.”

Isaiah 5:19

Gimed be ga’ar, “Nge papay SOMOL nge rin’ e tin ni be yog ni bayi rin’, ya nge yag ni ngad guyed. Got rok yu Israel nib thothup e nge rin’ e tin ke tanomnag, ma gadad guy ko mang e be tafneynag.”

Tang Ko Pitang 1:6

Dab mu lik’ath ngog ni bochan rama’eg, ya yal’ e ke butbut’ nigeg. Pi pumo’on ni walageg e ra damumuwgad ngog ra tedgag ko maruwel u milay’. Ni dakriy e ngiyal’ ni nggu aywegneg.

1 John 3:13

Pi walageg, dab mu gin gad ngay ni fa’anra fanenikaymed e girdi’ nu fayleng.

Luke 13:17

Fulweg rok ngorad e ngongliy e pi to’ogor rok ngar tamra’gad ngorad, ma aram rogon ma urngin e girdi’ ni kar felfelan’gad nga urngin e tin ni bfel’ ban’en nike ngongliy.

Proverbs 13:13

Fa’an ga ra siyeg e fonow ni bfel’, ma aram e ga be gay e oloboch; mu fol riy ma dabi buch ban’en rom.

Hebrews 9:28

Ere aram rogon ni Kristus e ku ni pi’ ni maligach nri ta’ab yay ni nge chuweg e denen rok bo’or e girdi’. Ma bayi yib i m’ug ko yay ni nge man e l’agruw yay ngay, ni gathi fan ko denen, machane bochan e nge thapeg ngak Got e pi’in yad be sonnag.

Titus 2:13

ma gadad be sonnag fare Rran ni bfel’ ni ir e ke l’agan’dad ngay, ni aram e Rofen ni bay yib i m’ug e fla’ab rok e Got rodad riy ni ir e th’abi tolang ni er Jesus Kristus ni ir e ma thapegdad ngak Got.

John 16:2

Bay rogned ndab kum uned ko mu’ulung u tafen e mu’ulung rorad. Ma bayi taw nga ba ngiyal’ ni en nra thang e fan romed e bayi finey nra rin’ ni aram rogon ma aram e be pigpig ngak Got.

Isaiah 60:15

“Ma gathi bay kum par ni kan n’agem ma yibe fanenikayem, Nib binaw ni kan n’ag ma dakuriy e girdi’ riy. Bay gu gagiyeg nigem nge gilbuguwam me fel’ ya’am, Nib binaw ni bay un felfelan’ riy ndariy n’umngin nap’an.

2 Thessalonika 1:12

Ireray kanawo’en me gilbuguwan fithingan e Somol rodad i Jesus Kristus ni bochmed, mra gilbuguwmed ni bochan e ayuw ni be pi’ e Got rodad nge Somol Jesus Kristus ngomed ni yow be runguymed.

Isaiah 65:13

Ma ere nggog ngomed ni pi’in ma meybil ngog mma fol rog e ra yo’or garad nge n’en ni ngu’ur garbodgad ngay, machane gimed e bay um m’ad ko bilig nge balel. Bay ur felfelan’gad, machane gimed e bayi m’ay famed.

Hosea 11:10

“Girdi’ rog e bay ra leked gag ko ngiyal’ ni gu ra tolul ni bod ba layon ngak e pi to’ogor rorad. Bay rabad ko ngal i yib ngog ni yad ba gur.

1 Kings 21:29

“Kam guy nga rogon nike sobut’nag Ahab ir u p’eowcheg? Bochan e ke yodoro’, ma aram e dab kug girengiy e riya’ nga daken u nap’an e yafos rok; machane ba pagel ni fak e bay gu girengiy e riya’ nga daken e tabnaw rok u nap’an e par rok ko biney e tamilang.”

2 Kings 22:10

Ma aram e ga’ar, “Ba’aray ba ke babyor nike pi’ Hilkiah ngog.” Me be’eg nge rung’ag fa en ni pilung.

2 Kronicles 34:27

ma ga pi’ keru’um ko denen rom ma ga sobut’ nigem u p’eowcheg, ni ga be guchthuy e madrom ma ga be yor, nnap’an ni mu rung’ag rogon ni kugog ni nggu gechignag yu Jerusalem nge girdi’ riy. Ku gu rung’ag e meybil rom,

Ezra 9:4

Gu par u rom ni gu be yor nge taw nga nap’an ni ngan pi’ e maligach ko blayal’, me tabab e girdi’ ko mu’ulung ni kar liyeged gag — gubin e pi’in ni kar rusgad ni bochan e n’en ke yog fare Got nu Israel ni murung’agen e denen ko pi’in kar sulod ko gin ur kalbusgad riy.

Psalms 119:120

Gu be rus ni bocham; ma ke sug nigeg e marus ni bochan e pufthin rom.

Isaiah 26:11

Pi to’ogor rom e dar nanged ni ga ra gechig nagrad. SOMOL, mu tamra’ nagrad ma ga pagrad ngar gafgowgad; mu pagrad ngar gafgowgad u tan e gechig ni ka mu fal’eg rogon kam tay. Mu dag ngorad feni t’uf rom e girdi’ rom.