Isaiah 66:4 - Bible Ni Thothup

⁴ Ere bay gu fek i yib e riya’ nga dakenrad ni pin’en nri yad ma rus ngay, ni bochan e dariy be’ ni fulweg lungug ko ngiyal’ ni kug pong ara motoyil ngog ko ngiyal’ ni gu be non. Kar turguyed ni nge dab ra folgad rog ngar rin’ed e kireb.”

Isaiah 66:4 Referans Kwoze

Isaiah 65:12

Wolen pa’med ni ngam m’ad ko saydon, ni bochan e damur fulweged lungug ara mmotoyilgad ko ngiyal ni gu be non ngomed. Ya kam turguyed ni dab mu folgad rog ma ngam rin’ed e kireb.

Jeremiah 7:13

Urngin fapi denen ni kug weliy ma go’ ka mu rin’ed. Yugu aram rogon ni ku gu non ngomed bayay nge bayay, ma dabumed ni ngam motoyilgad, ma ra gu piningmed ma damur fulweged lungug.

Proverbs 10:24

Pi’in mat’aw e ma yag ngorad e n’en ni yad be finey, ma pi’in kireb e ra yib ngorad e n’en th’abi riyad mmarus ngay.

Proverbs 1:24

Ka faram i yib ni ug piningmed ni ngambad ngog, machane da mu motoyilgad ngog, ya dariyfan u wun’med e pong ni gu be tay.

2 Kings 21:6

Me maligachnag be’ nib pagel ni fak nib maligach ni mo’oruf. Mi i un i yi’iynag e n’en ni bayi buch me un ko pig nge pi sathuw, tmanwol, nge pi tapong thagith. I denen nrib gel nib togopluw ngak SOMOL me pug e damumuw rok.

2 Kings 21:2

Me un i rin’ e pin’en nib sonogor ni be rin’ e pi nam nike tulufrad SOMOL nga wuru’ fare nam nap’an ni be yan e tirok e girdi’ i yan ngay, Manasseh e denen nib togopluw ngak SOMOL.

Psalms 81:12

Ere ku gu pagrad ngranod u farad gel’an ngu’ur rin’ed e tin yad ba’adag.

Matthew 24:24

Ya bayi m’ug boch e Messiah nge profet ni yigo’o bogi ban’en; ma bay ur ngongliyed e maang’ang nge bogi n’en ni yira ngat ngay, ni bochan e fa’an mang e rayag miyad bannag e pi’in girdi’en Got ni Got e ke mel’egrad.

Isaiah 65:3

Darir tamra’gad ngay ni kar pired ni yad be k’aring e damumuw ngog. Yad be pi’ e gamanman ni maligach ko yungin ni bay yu chuwo’ i gek’iy riy ni taliw rok e pi’in ndar nanged gag, ma yad be urfiy e incense u daken e pi altar rok e pi’in ndar nanged gag.

Isaiah 50:2

“Mang ni de sap e girdi’ rog ngog nnap’an ni gu wan ni nggu aywegrad? Mang ni gu piningrad ma dar fulweged lungug? Gur kayiggu waer ni nggu ayuwegrad? Ta’abbug e thin e gu ra yog me mlik’ e regur me pig e yupa’ i lul’ nge bod daken e ted nib fengfeng; nig ni bay riy e ra yim’ ya dakriy e ran riy.

1 Samuel 8:19

Ma fapi girdi’ e dar motoyilgad ko tin keyog Samuel ngorad. Miyad fulweg ngak ni lungurad, “Danga’! Gamad ba’adag reb e pilung,

Isaiah 59:7

Kay gum par ni ga be tanomnag e kireb, mada kumur ayal ni ni ngam rin’. Damur tuntun ni nga mu fek e fan rok e girdi’ ni dariy ban’en nike bucheg. Gubin yang ni ga be yan riy ma be kireb be mogothgoth,

Isaiah 65:7

puluwon e denen rorad nge denen ko pi chitamangirad ni kakrom. U ra urfiyed e incense u tagil’ e meybil u daken e burey ngak boch e got ma u rogned gag nga kireb. Ere bay gu gechig nagrad nib m’ag ko pi ngongol rorad ni kakrom.”

Jeremiah 7:30

“Girdi’ nu Judah e ka ra ngongliyed ban’en nib kireb. Fapi liyos rorad ndabug e ka ra feked ka ra ted ngalan e Tempel rog ka ra ta’ay niged.

Jeremiah 35:17

Ere chiney, I Gag, fare SOMOL ni Gubin ma Rayag Rok, ni Got rok yu Israel, e bay gu fek nga daken e girdi’ nu Judah ngu Jerusalem gubin fapi riya’ ni kug micheg. Bay gu rin’ ni aray rogon ni bochan e damur motoyilgad ko ngiyal’ ni gu be non ngomed, ma damur fulweged lungug ko ngiyal’ ni gu be piningmed.”

Ezekiel 11:8

Gimed ma rus ko saydon? Bay gu fek boch e pumo’on ni bay e saydon rorad ngar cham gad ngomed.

Ezekiel 14:4

“Mu non e chiney ngorad ngamog ngorad e n’en ni Gag fare SOMOL ni Th’abi Tolang e gu be yog ngorad: Arorad yu Israel nike m’on e liyos u lanyan’ kemang liyos e be waliy i yan ko denen, ma be yib i fith lanin’ug ngak reb e profet, e fulweg rog ngak — e fare fulweg nib m’ag ni nge aw ngak e pi liyos.

Ezekiel 20:25

“Ma aram ma gu pi’ e motochiyel ngorad nde fel’ nge thin ndar ma pi’ e yafos.

Isaiah 59:15

Ke buchu’uw e yul’yul’ ni en ra tal i ngongliy e kireb e ra pir’eg ni ir e ra l’ag e oloboch ngak.” Ke guy SOMOL e ran’ey, ma ke kireb u wan’ nike math mit e mat’aw.

Isaiah 65:2

Gubin ngiyal’ ni ug par ni gu be sonnag e pi girdi’ ney ni ngarbad ngog, ni girdi’ ni kar gel niged lanin’rad yad be rin’ e kireb ma tin yad be finey e yad be rin’.