Isaiah 66:24 - Bible Ni Thothup

²⁴ “Nap’an ni yad ra chuw miyad guy e ldow ko pi’in ur tagopluwgad ngog. Fakl’ud ni be longuyrad e dariy e ngiyal’ nra yim’, ma nifiy ni be urfiyrad e dariy e ngiyal nra math. Ya’arad e ba sosonogor u owchen gubin e girdi’.”

Isaiah 66:24 Referans Kwoze

Isaiah 14:11

Un tay fam ko musik ni harp, machane chiney e gabay u roy u lan e fayleng ko yam’. Kamthig nga chob ni fakl’ud ma kam gulgul ko blanket ni alolay.’”

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”

Daniel 12:2

Ma pire’ e pi’in karm’ad ni bay ra fosgad ko yam’. Bochi yad e bay i par nib felfelan’ ndariy n’umngin nap’an, ma bochi yad e bay ur pired ndariy n’umngin nap’an ni yad be tamra’ ma dakuriy farad.

Matthew 3:12

Ma bay talin e maruwel rok ni nge chuweg urngin fitiyru’ i wom’ngin e woldug ni grain; me kunukunuy limngun ni yima ngongliy e flowa riy nge tay nga naun rok, me urfiy fapi fitiyru’ u fithik’ ba nifiy ni dabi math bi’id!”

Zekariah 14:12

I SOMOL e bayi pag e m’ar ni ubchiya’ nge yib ngak urngin e pi nam ni yad ma mael ngak yu Jerusalem. Ufin u dowrad e bayi malad nge chuw u nap’an ni kayad bfos; lan owcharad nge balwothrad e ku ra malad nge chuw.

Isaiah 66:16

Nifiy nge saydon e bay i gechignag gubin e girdi’ ngay nu fayleng nike pir’eg nib buch e rorad, ma bo’or i yad e yira thang e fan rok.

Isaiah 34:10

Bayi gak’ ni rran nge nep’, ma be yan e ath riy ngalang ni dariy n’umngin nap’an. Fare but’ e bayi par ni dakriy e fel’ riy u reb e mfen ngu reb, ma dariy be’ ni bay ki milekag u rom bingyal’.

Isaiah 65:15

Ma girdi’ rog ni kug mel’eg e bay u rogned fithngamed nib yabo’. I Gag, fare SOMOL ni Th’abi Tolang, e bay gu thang e pogofan romed. Machane bay gu pi’ reb e ngachal nib be’ech ngak e pi’in yad ma fol rog.

Isaiah 1:31

Rogon feni mlik’ e chabung ni aw k’affin e nifiy ngay me yik’, e aram rogon e girdi’ nib gel gelingrad ni bayi kireb nagrad e pi ngongol rorad ni buchan’, ma dariy be’ nrayag rok ni nge taleg e re riya’ nem u puluwrad.

Psalms 110:6

Bayi gechignag e pi nam, ma bayi suguy tagil’ e mael ko lldow; bayi gel ko gubin e pilung u ga’ngin e fayleng.

Isaiah 1:28

Machane bayi pirdi’iy e pi’in yad be denen ma yad be togopluw ngak; bayi thang e pogofan rok e pi’in kar pi’ed keru’rad ngak.

Isaiah 5:25

I SOMOL e ke damumuw ko girdi’ rok ma ke k’iyag pa’ ni nge gechig nagrad. Pi burey e bayi rur ma downgin e pi’in karm’ad e bay nn’ag ni bod e dow u lan e pi kanawo’. Yug aram rogon ma damumuw rok SOMOL e dawori mus, ya ka be par pa’ nib k’iy ni nge gechig.

Isaiah 24:20

Fayleng e ra thigthig ni bod be’ nib ching, ni be un ko nifeng ni bod bochi ta’ang u tan e yoko’. Fayleng e ke tomalnag e pi denen; bayi aw nga but’ ni dakriy e ngiyal’ nra suwon.

Isaiah 26:11

Pi to’ogor rom e dar nanged ni ga ra gechig nagrad. SOMOL, mu tamra’ nagrad ma ga pagrad ngar gafgowgad; mu pagrad ngar gafgowgad u tan e gechig ni ka mu fal’eg rogon kam tay. Mu dag ngorad feni t’uf rom e girdi’ rom.

Isaiah 34:3

Pi ldow rorad e dab ni k’eyag, ma bayi par downgirad u but’ nge meal nge kireb bon; pi burey e bayi row ko racha’ rorad.

Isaiah 51:8

ya bay ram’aygad ngabang ni bod e mad nike longuy e ngael! Machane nganpuf kodenen ni kug fek i yib e rapar ndariy n’umngin nap’an; gel ni nggu tay e ra par ni dabimus bi’id.”

Isaiah 48:22

Be ga’ar SOMOL, “Dariy ban’en nra ayweg e pi’in tadenen.”