Isaiah 66:21 - Bible Ni Thothup

²¹ Ma bay gu tay bochi yad ni nge mang prist nge pi Levite.

Isaiah 66:21 Referans Kwoze

1 Peter 2:9

Machane gimed girdi’en fare nam nike mel’egmed Got, ni gimed e pi prist rok e en ni Pilung, ma gimed fare nam ni gimed ba thothup, ni gimed girdi’en Got, ni mel’egmed Got ni ngam wereged murung’agen e n’en nrib fel’ nike ngongliy Got, ni ir e piningmed u fithik’ e lumor ngambad nga fithik’ e tamilang rok nrib fel’.

Exodus 19:6

bay mpired ni gimed girdi’en ba nam ni gimed be pigpig ngog ni kam manged prist, ma kemus ni gag e ke mil suwmed ngog. Ireray e n’en nthingar mog ngak piyu Israel.”

Revelation 1:6

ke ngongliydad kad manged ba nam i prist ni ngad pigpiggad ngak e Got rok ni Chitamngin. Ngan tayfan minog e sorok ngak Jesus Kristus, me ir e bay rogon ni nge mil suwon urngin ban’en ngak ndariy n’umngin nap’an! Amen.

1 Peter 2:5

Mired nrogon e malang nib fos ngam pi’ed gimed ngan fanaymed ko Tempel ni yibe toy ni Tempel ni bfel’ u wan’ Got, ni ir e bay mu pigpiggad riy ni bod rogon e pi prist ni yad ba thothup, ni ngam pi’ed ngak Got lanin’med ni be gagiyegnag fare Kan Nthothup nge pi maligach nib m’agan’ Got ngay u daken Jesus Kristus.

Isaiah 61:6

Ma bay nnangmed ni gimed e pi prist rok SOMOL, Pi tapigpig ko Got rodad. bayi felan’med ko pi machaf ni felel’ rok e pi nam, me felan’med nike mil suwon ngomed.

Revelation 20:6

Pi’in yad ra fos ko yay nsom’on nra ni faseg e girdi’ ko yam’ e yad ra felfelan’ ma ri ba ga’ e fel’ rogon ni yad ra tay. Ya yay ni migid e yam’ nra yib e dariy ban’en nra ki yag ni nge rin’ ngorad; ya bay ra manged pi prist rok Got nge Kristus, ma bay ra uned ngak ko gagiyeg u lan bbiyu’ e duw.

Revelation 5:10

Kam ngongliyrad kar manged ba nam i prist ni ngu’ur pigpiggad ngak e Got rodad; ma bay ra gagiyeggad u fayleng.”

Jeremiah 33:22

Bay gu yo’ornag owchen David nge pi prist ni yib ko ganong rok Levi, ni aram e dabkiyag i the’egrad ni bod e t’uf u lanelang fa yan’ u dape’l’ay.”

Hebrews 7:12

Ya fa’ani thil e prist ma ku errogon e motochiyel ni thil.