Isaiah 66:16 - Bible Ni Thothup

¹⁶ Nifiy nge saydon e bay i gechignag gubin e girdi’ ngay nu fayleng nike pir’eg nib buch e rorad, ma bo’or i yad e yira thang e fan rok.

Isaiah 66:16 Referans Kwoze

Isaiah 30:30

I SOMOL e bayi gagiyegnag nge rung’ag gubin e girdi’ lungun ni yima rus ngay’, miyad thamiy gelngin e damumuw rok. Ra yib e nifiy, nge n’uw nib tomgin nib almarin, nge malang ni bay e nifiy riy ni be mulmul, nge n’uw ni sarbul.

Isaiah 27:1

Rofen nem e SOMOL e ra fek fa gi saydon rok nib gel nma cham ngay ni nge gechignag fare Leviathan, ni fare gamanman ni be guleplep, ma aram me thang e fan rok fare gamanman nu maday.

Isaiah 3:13

I SOMOL e ke fal’eg rogon ni nge yog e tin nge buch, nike fal’eg rogon ni nge pufthinnag e girdi’ rok.

Isaiah 10:4

Bay ni li’med ngam m’ad u fithik’ e mael ara ni girngiymed i yan ni gimed ba kalbus. Ma damumuw rok SOMOL e daworimus; ma pa’ e bayi par ni ka ba k’iy ni nge gechig.

Isaiah 31:8

Assyria e bay ni m’ag e mael ngay ngan kirebnag, machane gathi gelngin e girdi’ e bayi gagiyegnag nge yodorom. Yu Assyria e bay ra milgad ko mael, ma pi pagel rorad e bay ni fekrad ni ka ra manged sib.

Isaiah 65:12

Wolen pa’med ni ngam m’ad ko saydon, ni bochan e damur fulweged lungug ara mmotoyilgad ko ngiyal ni gu be non ngomed. Ya kam turguyed ni dab mu folgad rog ma ngam rin’ed e kireb.

Jeremiah 25:31

ma fare lam e ra kumong lingan u daken e fayleng nge taw nga tungun. Ma SOMOL e bay e n’en ni nge pufthinnag ko pi nam. Ra fek gubin e girdi’ ko pufthin ma thang mit e pi’in kireb. I SOMOL e be non.’”

Jeremiah 25:33

Ra yan i rofen nem ma downgin e pi’in nike li’rad SOMOL e ba wear u daken e fayleng ni tabab u baley nge mus nga baley. Dariy be’ nra tayam’ nagrad, ma dab ni k’eyagrad. Bay ra pired u daken e but’ ni bod bo’lung i t’ay e gamanman.

Jeremiah 45:5

Mog ga be guy rogon ni gur e ngan rin’ ban’en ngom ni yugub thil ko girdi’? Dab mu rin’ ni arrogon. Ya nggu fek e riya’ nga daken gubin e girdi’, ma gur e gu ra aywegem ko yam’ u gubin yang ni ga ra yan riy. I Gag SOMOL e kugog e pi thin ney.”

Jeremiah 46:15

Ke di’in fare got romed nib gel gelngin i Apis nike thay pa’? I SOMOL e ke pirdi’iy nga but’!’

Ezekiel 5:15

“Nap’an ni gu ra damumuw nib gel nggu gechig nagem, ma urngin e nam u to’bem i yan e yad ra rus. Bay ra sapgad ngom ni ka ra sonogorgad ngu’ur gosgos niged gur.

Ezekiel 38:17

I gur e cha’ ni gu weliy murung’agem kakrom, gu weliy u daken e tapigpig rog, ni fapi profet nu Israel, ni pi rran ni bay i yib e bay gu tay be’ ni nge cham nga Israel.” I SOMOL ni Th’abi Tolang e be non.

Joel 3:2

Ma bay gu kunuy urngin e nam, nggu fekrad ko Loway ko Pufthin. Nu rom e bay gu pufthin nagrad riy ni bochan urngin e tin kar rin’ed ko girdi’ rog. Kar wereged piyu Israel u lan e pi nam i yan ma kar th’eth’abed kar f’oethed yu Israel, ni gag e nam rog.

Amos 7:4

I SOMOL ni Th’abi Tolang e piliyeg e changar rog. Mu gguy SOMOL ni be fal’eg rogon ni nge gechignag e girdi’ rok ko nifiy. Me urfiy fare nifiy fa gi day ni ba ga’ ni bay u tan e but’ nge m’ay, me tabab e re nifiy nem ni nge urfiy e nam.

Nahum 3:3

Girdi’en e yan u os e kar thay gad nga m’on ni cham, ma be mat ra’en e saydon nge sarey! Pi Idow e ke burey u but, ni bogi yam’ ni dabkiyag i the’eg urngin — be tun ay e girdi’ ngorad!

Nahum 3:15

Demturug ko mang e ga ra rin’, ma yira’ urfiyem nga mum’ fa ni thangem u fithik’ e mael. Bay ni thirif’em u but’ ni gowa woldug ni languy e asamning! Kam yo’orgad ni bod e asamning!

Zekariah 14:5

Gimed ra mil ngam thumur gad u lan e re loway ney nike ki’eg fare burey ni l’agruw guruy. Gimed ra mil ni bod e pi chitamangimed kakrom u nap’an ni yib fare durru’ fa ngiyal ni Uzziah e Pilung nu Judah. I SOMOL ni Got rog e bay yib nike un urngin e pi engel ngak.

Isaiah 34:2

I SOMOL e ke damumuw ngak gubin e nam nge gubin e salthaw rorad. Ke gechig nagrad ni ngan thang e pogofan rorad.

Ezekiel 28:18

Bochan e pi sasalap ni um rin’ ko falchuway’ nge chuway’, ma aram e yungi tagil’ e meybil rom e ke mogothgoth. Ere nggup’ e nifiy ko fare binaw nge mo’oruf nga but’. Gubin e pi’in yad be yaliyem e yad be guyem ni ga be lul’ i yan nga but’ ni kam ngal’ ni owat.