Isaiah 66:1 - Bible Ni Thothup

¹ Be ga’ar SOMOL, “Tharmiy e tagil’ig, ma fayleng e gu ma gifeg e rifrif u eg ngay. Ere be mang e mit i naun e ngam toyed ni nggu par ngay?

Isaiah 66:1 Referans Kwoze

Acts 17:24

I Got ni ir e sunumiy e fayleng nge urngin ban’en ni bay riy, e ir e Somol u tharmiy ngu but’, ma der ma par u lan e Tempel ni girdi’ e toy.

1 Kings 8:27

“Machane gur, rayag ni nge par Got u fayleng? Tharmiy ni ga’ngin e dab mu taw nga langgin, ere dabiyag ni ngam taw ngalan e re Tempel ney ni kug toy.

Psalms 132:7

Me lungumad, “Ngdarod ko naun rok SOMOL; mired ngdarod ngad liyorgad ngak u p’eowchen ko gin ntagil’!”

Psalms 11:4

SOMOL e bay u lan e tempel rok nib thothup; ma tagil’ e bay u tharmiy. Be yaliy e girdi’ u gubin yang ma manang e n’en ni yad be rin’.

2 Kronicles 6:18

“Machane, Got, mog rayag rom ni ngarim par u roy u fayleng u fithik’ e pumo’on nge ppin? Mus ngalan e tharmiy ni ga’ngin ma dab mu taw nga langgin, ere bu uw rogon ma ga taw ngalan e re Tempel ney ni kug toy?

1 Kronicles 28:2

Me sak’iy David nga p’eowcherad me ga’ar ngorad: “Gimed e pumo’on ko nam rog, motoyilgad ngog. Kug leamnag ni nggu toy tafen fare Kahol ko M’ag, ni nge tagl’iy rifrifen ay SOMOL ni Got rodad. Ku gu t’ar madlin ba tempel ni ngan toy ni ngu’un liyor ngak riy,

Psalms 99:9

Mu pininged e sorok ngak SOMOL ni Got rodad, mi gimed liyor ngak ko fare burey rok nib thothup! I SOMOL ni Got rodad e ba thothup.

Matthew 24:2

Me ga’ar Jesus, “Bfel’ ni ngam fal’eged i yaliy e pi naun ney. Ba’aray bbugithin ni nggog ngomed: dariy ta’reb e malang u roy ni yira pag u tagil’, ya gubin ni bay nin’ nga but’.”

Malaki 1:11

Girdi’ u gubin yang u fayleng e yad be liyor ngog. Gubin yang ni yad be urfiy e incense riy ngar pi’ed ngog ma yad be pi’ e tin ni bfel’ e maligach. Yad gubin ni yad be liyor ngog!

Matthew 12:6

Nggog ngomed ni bay ban’en u roy ni ka ba ga’ ko Tempel.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Jeremiah 23:24

Dariy bang nrayag ni nge mith be’ ngay nge dab gguy. Mogned, da mu nanged ni gu bay u gubin yang u tharmiy ngu but’?

2 Kronicles 2:5

Ku gu tafinaynag ni nggu toy ba tempel nib ga’ ni bochan e Got romad e ba ga’ ngak gubin e pi got.

Isaiah 60:13

“Ren ko gek’iy ni pine nge juniper nge cypress, Ni tin th’abi fel’ e ren ni yibe fek ko Loway nu Lebanon, E bay ni fek i yib nga ni fulwegem nga rogom, i gur Jerusalem, Ya nga ni ngongliy e Tempel rog nge fel’ ya’an, Mi ni fal’eg e binaw rog nge maluplup’.