Isaiah 65:5 - Bible Ni Thothup

⁵ Ma aram miyad ga’ar ngak boch e girdi’, ‘Mu pired u orel romad; ya kayiggu thothupgad ni dabiyag ni ngam mathgad ngomad!’

Isaiah 65:5 Referans Kwoze

Luke 7:39

Ma fare Farise ni ir e pining Jesus nge yib, e fa’ani guy e ren’em, me ga’ar u wan’, “Fa’anra riyul’ nre mo’on ney e ba profet, ma kenang ko mini’ e re pin ney ni be math ngak, ma kenang e re mit i ngongol nib kireb nma ngongliy!”

Proverbs 16:5

I SOMOL e dabun gubin e pi’in tolngan’; ma dariy liben me pagrad ngar thaygad ko gechig.

Luke 5:30

Ma boch e Farise nge pi tamchib ko Motochiyel ni ku yad e Farise e ra gun’gun’gad ngak pi gachalpen Jesus nra fithed ngorad ni lungurad, “Mangfan ni gimed be un ngak e pi’in yad ma kunuy e tax nge pi’in ndabun e girdi’ nu lan binaw dakenrad ko abich nge garbod?”

Deuteronomy 29:20

Dabi n’ag Got fan rok e cha’ nra rin’ e biney. Ya damumuw rok SOMOL e ra daramram nib togopluw ngak, ma urungin e pi gafgow ni kan yoloy ngalan e re ke babyor ney e go’ ra aw ngak nge mada’ ko ngiyal’ ni ka ri thirif SOMOL facha’ u but’.

Jude 1:19

Ireray e picha’ ni yad ma ruwraba’nag e girdi’, ni go’ tin ni yad be ar’arnag e ir e be gagiyeg nagrad, ma gathi Kan Nthothup e be gagiyeg nagrad.

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”

James 4:6

Ya ayuw nma pi’ Got ngodad e rib gel. Ya be yog e babyor nib thothup ni be ga’ar, “I Got e ma togopluw ngak e pi’in nib tolangan’rad, ma ma ayuweg e pi’in nib sobut’an’rad.”

Matthew 9:11

Me guy boch e pi Farise ni aram rogon me lungurad ngak pi gachalpen Jesus, “Mangfan ni be un e tamchib romed ngak e pi’in yad ma kunuy e tax nge pi’in ndabun e girdi’ nu lan binaw dakenrad ko abich?”

Proverbs 10:26

Ri dab mu fek be’ nib gamead nge marwuliy ban’en ni fanam; ya ra k’aring e ngochngochan’ ngom ni bod e mugnin ni mur’mur’nag nguwelem ara ath ni yip’ owchem.

Luke 15:2

Me tabab e pi Farise nge pi tamchib ko Motochiyel ko nonnon ni be lungurad, “Re mo’on ney e ba’adag daken e pi’in ndabuy dakenrad u lan binaw ni mus ko abich ni be un ngorad ngay!”

Proverbs 30:12

Bay boch e girdi’ ni yad ma leamnag ni yad bmachalbog ma krimusmus farad alit.