Isaiah 65:13 - Bible Ni Thothup

¹³ Ma ere nggog ngomed ni pi’in ma meybil ngog mma fol rog e ra yo’or garad nge n’en ni ngu’ur garbodgad ngay, machane gimed e bay um m’ad ko bilig nge balel. Bay ur felfelan’gad, machane gimed e bayi m’ay famed.

Isaiah 65:13 Referans Kwoze

Malaki 3:18

Girdi’ rog e bay kur guyed bayay e n’en nib thil u thilin e pi’in yad mmat’aw nge pi’in yad be ngongliy e kireb, ngu thilin e en ni be pigpig ngog nge en nder pigpig ngog.”

Isaiah 66:14

Nap’an ni gimed ra guy ni arrogon ma gimed ra felfelan’; ma ra sulweg gelngimed mi gimed gol bayay. Ma aram e gimed ra nang ni Gag SOMOL ni gu be ayweg e pi’in be fol rog, ma gu be dag e damumuw rog ngak e pi to’ogor rog.”

Isaiah 66:5

Motoyil ko mang e be yog SOMOL, gimed e pi’in bay madgun romed ma gimed ma fol rok: “Bochan e gimed ba yul’yul’ ngog aramfan ni boch e girdi’ romed e ke dabuymed ni dakriy ban’en ni ba’adag romed. Yad be moning nagmed yad be ga’ar, ‘Mu paged SOMOL nge dag feni ga’ me aywegmed, ya ngug guyed ni kam felfelan’gad.’ Machane yad e bayi m’a’y farad!

Isaiah 61:7

Tamra’ ni um ted nge moning ni un tay ngomed e bayi m’ay. Bay um pired ko nam romed, ma pi machaf romed e bayi mun daken; ma felfelan’ romed e bay i par ndariy n’umngin nap’an.

Isaiah 44:9

Urngin e girdi’ ni yad be ngongliy e liyos nma meybil yugu boch e girdi’ ngay e mm’ay farad, ma pi got nrib t’uf rorad e dariy farad. Pi’in yad be meybil ngak e pi got nem e yad mmalmit ma de tamilangan’rad, ma bay ra tamra’gad.

Daniel 12:2

Ma pire’ e pi’in karm’ad ni bay ra fosgad ko yam’. Bochi yad e bay i par nib felfelan’ ndariy n’umngin nap’an, ma bochi yad e bay ur pired ndariy n’umngin nap’an ni yad be tamra’ ma dakuriy farad.

Isaiah 1:19

Fa’an gimed ra fol rog, ma gimed ra kay e pin’en ni bfel’ ni be tugul ko nam romed.

Psalms 34:10

Mus ngak e pi layon ni m’ay garad nge yib e bilig ngorad, ma pi’in yad be fol rok SOMOL e gubin ban’en ni bfel’ ma bay rorad.

Isaiah 41:17

“Ra gafgow e girdi’ rog ko ran miyad gay e ran, nike mlik’ e k’onganrad ni bochan e belel, me gag SOMOL e bay gu fulweg taban e meybil rorad; I gag fare Got nu Israel e ri dab gu n’agrad.

Isaiah 5:13

ere bay ni kolmed ngan fekmed nga wuru’ e nam ni gimed bogi kalbus. Pi’in yad ma yog e thin romed e bayi chugur ni nge li’rad e bilig, ma yug girdi’ e bayi chugur ni ngarm’ad ni balel.

Isaiah 8:21

Girdi’ e bay uranod u lan e re nam ney nike mulan’rad ma karm’ad ko bilig. Ere bay ra damumuwgad ngu u rogned e thin nib kireb ngak e pilung rorad nge ngak e Got rorad. Yad ra sap ngalang,

Isaiah 41:18

Bay gu gagiyegnag e lul’ nge yib ko yochi burey ndariy ban’en riy, ma ran ko alublub e bay i yan u lan e pi loway. Daken e ted ni desert e bay gu pingeg nge ngal’ ni lipath, mu gu gagiyegnag e but’ nib mlik e yib e ran ni alublub riy.

Isaiah 42:17

Urngin e pi’in yad be toer ngak e pi liyos, ni kar ted e liyos nike mang got rorad e bay ra tamra’gad nike m’ayfarad.”

Isaiah 44:11

Urngin e girdi’ ni yad ma meybil ngay e bay ra tamra’gad. Pi’in yad ma ngongliy e liyos e yad e girdi’ ma gathi kan. Yad ra yib nga p’eowcheg ma ri yad ra rus miyad gafgow ko tamra’.

Isaiah 49:10

ni dabki yib e bilig nge belel ngorad. Yal’ nge gowelngin e yal’ u lan e ted ni desert e dab ku ra gafgowgad riy, ya fa’anem ni yad bt’uf rok e bay i pow’iyrad. Bayi pow’iyrad nga bogi alublub.

Isaiah 50:11

Gimed gubin e pi’in gimed ma makathnag ni ngam kireb niged boch e girdi’ e gimed e gimed ra gafgow ko pi makath romed. I SOMOL e ir e ra gagiyegnag nge yodro’; gimed ra gafgow ngarim bilged t’ay e gafgow.

Isaiah 62:9

Ya gur ni mu yung e grain mag t’ar wom’ngin ga ra kay e flowa ma ga pining e magaer ngak SOMOL. Me gur nim yung e grape mu’um kunuy e ga ra unum e wayin u lan e yoror ko Tempel rog.”

Jeremiah 22:22

Pi tayugang’ rom e bayi changag nagrad e nifeng, mi ni fek e pi’in gimed ngabang ngar manged kalbus ko mael, binaw rom e ke m’ayfan ma bay ni tamra’nag ni bochan e gubin e kireb ni ka mu rin’.

Hosea 4:10

Bay mu ked e biromed e f’oth ko maligach, machane dabi m’ay e mak’iy romed. Bay um ted fan fapi got ko yong’ol, machane dabiyag e bbitir ngomed, ni bochan e ka mu pi’ed keru’med ngog ka mu leked boch e got.”

Proverbs 13:25

Pi’in nib mat’aw e ba gaman garad, machane pi’in kireb e gubin ngiyal’ ni yad be yim’ ko bilig.