Isaiah 65:10 - Bible Ni Thothup

¹⁰ Bay ra maybilgad ngog miyad pow’iy e saf rorad nge garbaw ko gin ngar ked e pan riy u lan e tafelfel’ u Sharon u lan e ngal ngu lan ba loway u lan e ngek ni fithingan e Loway ko Oloboch.

Isaiah 65:10 Referans Kwoze

Isaiah 35:2

Ted ni desert e bayi tang ma be tolulnag e felfelan’; bayi bod feni fel’ ya’an e Burey nu Lebanon, ma ba yong’ol e but’ riy ni bod e ted u Karmel ngu Sharon. Gubin e girdi’ ni bayi guy e muluplup rok SOMOL, nge feni ga’ nge feni gel gelngin.

Isaiah 33:9

But’ ko re nam ney e dakunir muruwliy ma kann’ag. Geargear nu Lebanon e ke mororoy, fare loway nu Sharon nib yong’ol e but’ riy e ke bod bangi ted ni desert, mu lan yu Bashan ngu daken e Burey ni Karmel e be mulmul yuwan e gek’iy riy nga but’.

Hosea 2:15

Mu gu fulweg ngak fa yungi grape ni fi’in, mu gu gagiyegnag e Loway ko Gafgow nge par ni mban e l’agan’. Mu rom e bay gu t’uf rok riy ni bod ni rin’ ko fa ngiyal’nem ni kab rugod, ni fa ngiyal’nem ni yib u Egypt.

Isaiah 51:1

I SOMOL e be ga’ar, “Motoyil ngog, gur e en ga ba’adag ni ngam thap, i gur e en ga be man ayuw ngog. Mu leamnag fare war ni mub riy ni ir e ni thirfem riy ngan ngongliyem.

Acts 9:35

Ma urngin e girdi’ ni be par u lan yu Lydda ngu Sharon nra guyed e cha’nem, me pig lanin’rad nge mich Somol u wun’rad.

1 Kronicles 5:16

Ur pired u Bashan ngu Gilead, nge pi yochi binaw u rom ngu ga’ngin yang fa yungi binaw ni yima chugliy yu ran’ i gamanman riy u Sharon. (

Isaiah 55:6

Mu sulod ngak SOMOL ngu’um meybilgad ngak e chiney ni kab chugur ngomed.

Jeremiah 33:12

I SOMOL ni Gubin ma Rayag Rok e ga’ar, “U lan e re nam ney ni bod daken e ted ni gin ndar par e girdi’ riy fa gamanman, e bayi sul e pan riy nge galunglung ni aram e gin bayi fek e pi tagafaliy e gamanman e saf rorad ngay.

Jeremiah 50:19

Bay gu fulweg e girdi’ nu Israel nga taferad. Bay ra ked e gan ni be tugul u daken e burey ni Karmel u lan e nug nu Bashan, ma bay ra ked gubin e tin yad ba’adag ko woldug ni be tugul ko gin nib milsuwon nga Efraim ngu Gilead.

Jeremiah 29:13

Gimed ra gayeg ma gimed ra pir’egeg ni bochan e gimed be gayeg u plo’ i gumicha’med.