Isaiah 64:8 - Bible Ni Thothup

⁸ Machane gur SOMOL e chitamangimad gur. Gamad bod e but’ ni yima ngongliy e th’ib riy, me gur e ga bod e en nma ngongliy e th’ib. Kam sunumiymad,

Isaiah 64:8 Referans Kwoze

Efesus 2:10

I Got e sunumiydad, mu daken e ta’ab girdi’ ni kad ted Kristus Jesus e ir e ngongliydad riy ni fan ko maruwel ni bfel’ ni kem’ay i ngongliy rok ke tay ni ngad muruwliyed ko biney e tamilang.

Psalms 119:73

I gur e mu sunmiyeg, ma ga aywegeg ni de buch ban’en rog; mu pi’ ngog e tamilngan’, ya nge yag ni mit ngog e pi motochiyel rom.

Psalms 138:8

Bay mu rin’ urngin e tin kam micheg; SOMOL, tuf’eg rom e ba manemus. Mmu’nag e maruwel ni kam tababnag.

Psalms 100:3

Dab mpaged talin i SOMOL ni ir Got! Ir e sunumegdad, ma bmil fadad ngak; gadad girdi’en, gadad fare ran’ i saf rok.

Isaiah 63:16

Ya gur e chitamangimad gur. Mus ngak Abraham nge Jakob ni gal ga’ romad ni dabiyag ni ngar ayuwegew gamad, machane gur SOMOL e chitamangimad gur. Ya gur e en ni gubin ngiyal’ ni um chuwegmad u pa’ e to’ogor romad.

Isaiah 29:16

Ka ra tibuliyed gubin ban’en. Bin ngan e ba ga’ fan, facha’ nma ma’ th’ib ara fare gi but’ nth’ib? Rayag rok ban’en ni gur e mu ngongliy ni nge ga’ar ngom, “Gathi gur e mu ngongliyeg.” Ara ga’ar, “I gur e damur nang ko mang e ga be rin’.”

Isaiah 45:9

Rayag rok ba th’ib ni but’ ni nge tugthin ngak e cha’ ni ir e ngongliy, ni ba th’ib ni ta’reb rogon nga urngin e th’ib ni bay? Rayag rok e but’ ni th’ib ni nge fith ngak e en ni be ngongliy ko mang e be rin’ fa’anem? Rayag rok ba th’ib ni nge thibthibnag salapen pa’ e en ni ngongliy?

Isaiah 44:24

“I Gag SOMOL, ni tabyul rom. I Gag e gu sunumiyem. I Gag SOMOL e gu sunumeg urngin ban’en. Yi go’ gag e gu filath lanelang; ngiyal’ ni u gu ngongliy e fayleng e dariy be’ ni ayuwegneg.

Isaiah 43:7

Yad e girdi’ rog, ma gu sunumiyrad ni ngar ted fag.”

Isaiah 44:21

Be ga’ar SOMOL, “Israel, mu leamnag e pin’en ni ba’aray; dab mu pag talin ni gur e tapigpig rog. Gu sunumiyem ni ngam mang tapigpig rog, ma ri dab gu pag talim.

Deuteronomy 32:6

Mog, arrogon ngongolmed ngak SOMOL, gimed e pi balyang nir ni dariy e gonop romed? Ir e chitamangimed, me ir e sunumiymed, me ir e gagiyeg nagmed kam manged ba nam.

Galatia 3:26

Yu daken e michan’ romed ngak Kristus e ir e ke yag ni mmanged pifak Got riy ni gimed gubin, ni aram e kam ta’ab girdi’gad Kristus Jesus.

Galatia 3:29

Fa’anra ke mil suwmed ngak Kristus, me ere kam manged pi owchen Abraham, ni aram e bayi yag ngomed e tin ni ognag Got nra pi’.

Exodus 4:22

Ma aram e thingar mog ngak ni Gag, fare SOMOL, e gu be ga’ar, ‘Israel e bin nganni’ i fakag ni pumo’on.

John 8:41

Ya gimed e gimed be rin’ e n’en ni i rin’ e chitamangimed.” Miyad fulweg ngak ni lungurad, “Gathi gamad pifak e muchugbil. Bay e Chitamangimad nri ta’reb, ni aram Got.”

BABYOR NI JOB 10:3

Mog, mat’aw ni ngarim gafgow nigeg? Ni ngam dabuy ban’en ni gur e mu sunumiy? Ma ga siminmin ko pi liyab rok e pi’in kireb?

Isaiah 9:6

Ka ni gargeleg bochi tir ngodad! Ka ni pi’ bochi pagel ngodad! Me ir e bayi mang pilung rodad. Ma bay nog fithingan ni “Tafonow nrib Manigil,” nge “Got ni Gubin ma Rayag Rok,” nge “Chitamangiy ni Manemus,” nge “Pilung ko Gapas.”

Isaiah 19:25

I SOMOL ni Gubin ma Rayag Rok e bayi fal’eg wa’athrad me ga’ar, “Egypt, bay gu tow’ath nigem, i gur girdi’eg; nge gur Assyria, ni gu sunmiyem; nge gur Israel ni girdi’ rog ni gu mel’eg.”

Isaiah 45:11

I SOMOL ni fare Got nib thothup nu Israel, ni en ni be gagiyegnag e tin ni bayib nga m’on e be ga’ar: “Dariy mat’awmed ni ngam fithedgag u murung’agen pifakag, ara mogned ngog e n’en nggu rin’!

Isaiah 60:21

Urngin e girdi’ rom ni bay ur rin’ed e tin nib mat’aw, Miyad tafnay e nam ndariy n’umngin nap’an. I gag e gu yungrad, i gag e gu sunumiyrad, Ya nggu dag feni sorog ngak urngin e girdi’.

Jeremiah 31:9

Girdi’ rog e bay ra sulod ni yad be yor, bay gu fekrad i yib ni yad be meybil. Bay gu pow’iyrad nga yu pa’ i lul’, mu gu fekrad u daken ba pa’ i kanawo’ nib pach ndabi tun ayrad riy. Gu bod ba matam ngak piyu Israel, ni Efraim e ir e bin nganni’ e pumo’on ni fakag.”

Hosea 1:10

Piyu Israel e bay ra yo’orgad ngar boded e yan’ u maday, ndabiyag i the’eg ara ni foleg. Chiney e be ga’ar Got ngorad, “Gathi gimed girdi’eg,” machane bayib reb e rran ni bayi ga’ar ngorad, “Gimed pifak fare Got ni be par nib fos!”

Malaki 2:10

Gathi gadad gubin ni ta’reb e chitamangidad? Gathi ta’ab Got e sunmiydad ni gadad gubin? Ere mangfan ni gadad be th’ab e tin ni kad micheged ngodad ni ngad rin’ed, ma mangfan ni gadad be fananikay fare m’ag ni ngongliy Got u thilrad e pi chitamangidad kakrom?

Exodus 32:12

Mang ni ngam pag piyu Egypt nge yag ni lungurad, ‘I waliy e girdi’ rok nga wuru’ yu Egypt ya ke leamnag ni nge li’rad u fithik’ e burey nge math owcharad ni yad gubin’? Mu pag e damumuw rom nib gel ngam thiliyeg lanin’um, ngam pag ndab mfek e binir e riya’ i yib ngak e girdi’ rom.

Deuteronomy 9:29

Ya pi girdi’ ney e irera’ fapi girdi’ ni gur e mturguyrad ni ngar manged girdi’em me gur e mu fekrad nga wuru’ yu Egypt u gelngim nib ga’ nge gelngim nib gel.

Psalms 74:1

A Got, mangfan ni kam n’agmad ni aray rogon? Mog, yug ra um par ni gab damumuw ko girdi’ rom ni dariy n’umngin nap’an?

Psalms 95:6

Mired, ngad siro’gad ngak ngad ted fan; marod ngad ragbuggad u p’eowchen SOMOL, ni ir e sunumegdad!

Isaiah 43:25

“Machane Gag fare Got ni gu ma chuweg e denen romed, ma gu ma rin’ ni bochan e Gag e En ni Gag. Dab kug leamnag e denen romed.

Isaiah 57:16

Gu pi’ e yofos ko girdi’ rog, ma dab ug par ni yuggu be puwan’ ngorad ara gu par ni gub damumuw ngorad ndariy n’umngin nap’an.

Isaiah 63:8

I SOMOL e ga’ar, “Yad e girdi’ rog, dab ra ban niged gag.” Ma aram me ayuwegrad