Isaiah 64:3 - Bible Ni Thothup

³ Immoy bangiyal’ ni gu gin gad ngay ni kamub mu rin bogi n’en nrib k’ar marus; me guyem e pi burey mra durru’gad ko digow.

Isaiah 64:3 Referans Kwoze

Habakkuk 3:3

Got e be yib u Edom; Got nib thothup e be yib ko yochi burey u Paran. Rama’en ni be galgal e ke sug nag lanelang; fayleng e ke sug ko pi lam ni be pining e sorok ngak.

Psalms 106:22

Rib th’ab feni manigil e pin’en ni i ngongliy u rom! Ginan’uy ko pin’en ni i rin’ ko fagi day ni fithingan e Red Sea!

Psalms 66:5

Mired ngam guyed e n’en ke rin’ Got; pi maang’ang nike ngongliy u fithik’ e girdi’.

Psalms 66:3

Mu ga’ar gad ngak Got, “Rib thum’ feni manigil e pin’en ni ga ma rin’! Gelngim e rib ga’, pi to’ogor rom e yad be siro’ u fithik’ e marus u p’eowchem.

Deuteronomy 10:21

Um pininged e sorok ngak, ya ir e Got romed ma kam guyed nga owchemed e pi maang’ang ni un ngat ngay ni rin’ ni fan ngomed.

Habakkuk 3:6

Ra tal, me rur e fayleng; ra sap, me t’on e pi nam. Fapi burey nike kakrom e ke puth; ma yochi burey nike kakrom e ke aw nga but’, ni fa yochi burey ni i yan u daken kakrom.

Isaiah 64:1

Mang ndab mu bing lanelang nga mub nga but’ me guyem e pi burey ngar t’on gad ko marus?

Psalms 76:12

ma sobut’nag lanyan’ pipifak e pilung ni tolngan’rad, ma k’ar marus ngak e pi pilung nib gel.

Psalms 68:8

me rur e fayleng, me map e n’uw u lang nga but’, ni bochan e wub rok Got nu Sinai, ni aram e wub ko fare Got nu Israel.

2 Samuel 7:23

Dakuriy reb e nam ngabang u fayleng ni bod e yu Israel, ni gur e mu lufrad ko sib ngam mang nagrad girdi’ rom. Pin’en ni ba sorom riy nge pi ma’ang’ag ni mu rin’ ngorad e wear murung’agem riy u roy u fayleng. I gur e mu tuluf e pi nam nge pi got rorad u nap’an ni be yan e girdi’ rom i yan nga m’on, fapi girdi’ ni gur e mu pithigrad u Egypt ni ngar manged girdi rom.

Deuteronomy 4:34

Ka’ e yigi yan reb e got i fek e girdi’ u reb e nam ngar manged girdi’ rok, ni bod ni rin’ SOMOL ni Got romed ngomed u lan e nam nu Egypt? U p’eowchemed e maruwel Got riy nga gelngin nib gel nge yib e gafgow nge mael, me ngongliy e maang’ang nge tin yira ngat ngay, me k’aring boch ban’en nge yib ni ba gel e marus riy.

Exodus 34:10

Me ga’ar SOMOL ngak Moses, “Bay gu ngongliy ba m’ag u thilig nge girdi’ nu Israel. Bay gu ngongliy e maang’ang u p’eowcherad ndawor ni ngongliy u fithik’ girdi’en reb e nam u faileng. Urngin e girdi’ ni yad be un ngom e bay ra guyed e n’en nrayag ni gu rin’, i Gag SOMOL, ya bay gu ngongliy ban’en ni yira ngat ngay ni fan ngom.

Isaiah 5:25

I SOMOL e ke damumuw ko girdi’ rok ma ke k’iyag pa’ ni nge gechig nagrad. Pi burey e bayi rur ma downgin e pi’in karm’ad e bay nn’ag ni bod e dow u lan e pi kanawo’. Yug aram rogon ma damumuw rok SOMOL e dawori mus, ya ka be par pa’ nib k’iy ni nge gechig.