Be ga’ar Got, “Ke n’uw nap’an ni ug par ni kug th’ab gulungag; nda ug fulweg lungun e girdi’ rog. Machane ngiyal’ ni nggu maruwel riy e ke taw nga nap’an e chiney; gu be non ni ba ga’ lungug ni bod be’ ni bpin ni nge gargel.
Ma aram me ga’ar fare engel, “SOMOL ni Gubin ma Rayag Rok, kam par ni gab damumuw ngak yu Jerusalem nge pi binaw nu Judah nike gaman medlip i ragag e duw e chiney. Fin wi’in e ra taw ngay ma fin mu dag ngorad e runguy rom?”
Miyad tolul ni ba ga’ lamrad ni be lungurad, “Somol ni Gubin ma Rayag Rok, ni gab thothup ma gab yul’yul’! Uw n’umngin nap’an mfini mpufthinnag e girdi’ nu fayleng ma ga gechig nagrad ni bochan e ra thanged e fan romad?”
SOMOL, mu sap u tharmiy ngomad, ko gin ga be par riy ni gab thothup ma gab fla’ab. Gelngin e magafan’ rom ngomad e ke yan ngan? Ke yan gelngim ngan? Gelngin ni gamad ma par ni gamad ba t’uf rom ma ga be runguymad e ke yan ngan? Dab mu pi’ keru’um ngomad.
“Kug mu’ i turguy e gechig rorad, ma kan yoloy nga but’ e gechig rorad. Dab gu fek owcheg ko n’en ni kar ngongliyed, machane bay gu fulweg taban ngorad ni