Isaiah 64:1 - Bible Ni Thothup

¹ Mang ndab mu bing lanelang nga mub nga but’ me guyem e pi burey ngar t’on gad ko marus?

Isaiah 64:1 Referans Kwoze

Mark 1:10

Ma nap’an ni yib Jesus u fithik’ e ran nga talang me guy e tharmiy ni be mab, me guy fare Kan ni Thothup ni be yib u lang i yib nga daken ni bod ba arche’ ni dove.

Revelation 20:11

Ma aram mu gguy ba tagil’ e pilung nib ga’ ma ba wechwech nge en nike par ngay. Me mil e fayleng nge tharmiy u p’eowchen nga bayang nge da ku ni guy.

Psalms 68:8

me rur e fayleng, me map e n’uw u lang nga but’, ni bochan e wub rok Got nu Sinai, ni aram e wub ko fare Got nu Israel.

Amos 9:13

Be ga’ar SOMOL, “Bay reb e rran ni bay taw ngay ni bayi ilal e grain nib papey boch nga payngin ni yi be t’ar wom’ngin, ma grape e ra tugul nib papey boch nga payngin ni yibe ngongliy e wayin riy. Pi burey e bay i lul’ e wayin ni bfel’ lamen riy, me tharey e yochi burey.

Isaiah 63:15

SOMOL, mu sap u tharmiy ngomad, ko gin ga be par riy ni gab thothup ma gab fla’ab. Gelngin e magafan’ rom ngomad e ke yan ngan? Ke yan gelngim ngan? Gelngin ni gamad ma par ni gamad ba t’uf rom ma ga be runguymad e ke yan ngan? Dab mu pi’ keru’um ngomad.

Exodus 3:8

Ku gub nga but’ ni nggu chuwegrad u tan pa’ piyu Egypt, mu gu fekrad nga wuru’ yu Egypt nga ba nam nib manigil, ni ba madnom ma ba yong’ol e but’ riy ni girdi’ ni yad ma par riy e chiney e piyu Kanaan, nge Hitt, nge Amor, nge Periz, nge Hiv, nge Jebus.

Psalms 46:6

Ke m’age marus e pi nam, ma gil’ilungun e pi pilung e ke morur; me non Got ni be chob ndirra’, me ranran e fayleng.

Exodus 19:11

nge langlath ma kar mu’gad. Rofen nem e gag SOMOL e bay gub nga but’ nga daken e Burey ni Sinai, mu rom e bayi guyeg e girdi’ ni gubin riy.

Amos 9:5

I SOMOL ni Th’abi Tolang ma Gubin ma Rayag Rok e math ko fayleng, me durru’; ma urngin e girdi’ ni yad ma par u rom e yad ra yor. Ma fayleng ni polo’ e ra i puw ngalang me mul nga but’ ni bod e lul’ ni Nile.

Isaiah 41:15

Bay gu ngongliyem ngam bod bangi plang ni yima gunugunuy e wheat ngay, ni bang nib be’ech ma bay e richib riy nib m’uth. Bay mu chubu’uy ma ga kirebnag e pi burey ngay; pi burey e bayi puth nge ngal’ ni fiyath.

Isaiah 63:19

Kam pagmad ni gowa gathi gur e um gagiyeg nagmad, ma gowa gathi gamad girdi’em.

Zekariah 14:4

Rofen nem e ra sak’iy nga daken fare Burey ni Olive, ni bay ko ngek u Jerusalem. Ma aram e fare Burey ni Olive e bayi sey ko ngek i yan ko ngal nge ruw raba’, me aw ba loway nib ga’ u thilin. Barba’ fare burey e ra kan, ko lel’och, ma barba’ riy e ra kan ko yimuch.

Psalms 79:10

Mangfan ni be fithmad e pi nam, ni yad be ga’ar, “Bu uw e Got romed?” Mu gagiyegnag ngguyed ni kam gechignag e pi nam ni bochan e yad be po’ug rachaen e pi tapigpig rom.