Isaiah 63:7 - Bible Ni Thothup

⁷ Bay gu weliy rogon SOMOL ko runguy rok ni dabimus; kug pining e sorok ngak nga urngin e tin ke rin’ ngodad. Ya kari fal’eg wa’athan e girdi’ nu Israel, ni bochan e ba gel e runguy rok ma t’ufeg rok e dabimus.

Isaiah 63:7 Referans Kwoze

Efesus 2:4

Machane runguy rok Got ngodad e ri ba ga’, ma rogon ni gadad ba t’uf rok e ri ba ga’,

Psalms 86:5

Gur e gab gol ngomad ma ga ma n’agfan u wun’um e kireb romad, ma gubin e pi’in yad ma meybil ngom e yad ba sug ko fare t’ufeg rom ni dabimus.

Psalms 86:15

Machane gur Somol e ga ba Got nri gama runguy ma bt’uf e girdi’ rom, gubin ngiyal’ ni ga ba gumaen’, gubin ngiyal’ ni ga ba gol ma ga ba yul’yul’.

Roma 2:4

Sana dariyfan u wun’um feni gol Got, nge feni k’adan’, nge feni gumaen’. Bmuduwgil ni ga manang ni Got e ba gol yabe guy rogon ni nge pow’iyem ngam kolngan’um ko kireb ni ga be rin’ ma ga turguy u wun’um ni ngam pi’ keru’um ngay.

Psalms 51:1

A Got, nge wurengan’um ngog, ni bochan e t’ufeg rom ni dabimus; mu chuweg e denen rog, ya ba ga’ e runguy rom!

1 Kings 8:66

Me rofen ni meruk me pag Solomon e girdi’ ngar sulod nga taferad. Ma yad gubin nra pininged e magaer ngak, miyad sul nga taferad ni kar felfelan’gad ni bochan urngin e pin’en ni bfel’ nike pi’ SOMOL ngak e tapigpig rok i David nge yu Israel ni girdi’ rok.

1 Timothy 1:14

Ma Somol rodad e tow’ath nigeg ko ayuw ni pi’ ngog nge pag rogon me pi’ ngog fare mich nge t’ufeg ni fadad ko ta’ab girdi’ ni gadad ma tay Kristus.

Roma 5:20

Motochiyel e ni pi’ ni fan e nge yib i m’ug gelngin e kireb ni yibe ngongliy i yan; machane fa’ani yo’or e denen, miki yo’or e runguy rok Got.

Zekariah 9:17

Uw feni fel’ nge feni fel’usun e re but’ nem ni bayi par! Pi’in ni bfel’ yangren e yad ra gel mar ilalgad ko grain nge grape ni yad be kay.

Hosea 2:19

Israel, bay gu fekem ngam mang le’engig; bay gu par ni gub yul’yul’; bay gu dag ngom e t’ufeg rog ni derma thil nge marnguy rog ni dabimus, mu ug tem nike mil suwom ngog ndariy n’umngin nap’an.

Lamentations 3:32

Yug bay i feke kireban’ i yib ngodad, machane t’ufeg rok ngodad e rib mich ma ba gel.

Isaiah 55:7

Pi’in kireb e ngongol rorad e ngar paged, miyad thiliyeg rogon e leam ni yad be tay. Miyad sul ngak SOMOL, ni Got rodad; ya ri ma runguy e girdi’, ma ba gur ni ma n’ag fan ban’en u wan’.

Isaiah 54:8

Gu pi’ keru’ug ngom u fithik’ e damumuw rog u lan ba talab; machane bay mu par ni gab t’uf rog ndariy n’umngin nap’an.” SOMOL nike biyuliyem e ara’ rogon nike yog.

Isaiah 51:2

Mu leamnag e ga’ rom i Abraham, nge Sarah, ni yow e mub rorow. Ngiyal’ ni gu pining Abraham e dariy fak, machane mu gu tow’athnag nggu pi’ e bitir ngak; mu gu yo’ornag e pi’in owchen.

Psalms 107:31

Thingar ra pininged e magaer ngak SOMOL ni bochan e t’ufeg rok e dabimus, nge bochan e tin ni bfel’ nike rin’ ngorad.

Psalms 107:21

Thingar ra pininged e magaer ngak SOMOL ni bochan e t’ufeg rok e dabimus, nge bochan e tin ni bfel’ nike rin’ ngorad.

Psalms 107:15

Thingar ra pininged e magaer ngak SOMOL ni bochan e t’ufeg rok e dabimus, nge bochan e tin ni bfel’ nike rin’ ngorad.

Psalms 107:8

Thingar ra pininged e magaer ngak SOMOL ni bochan e t’ufeg rok e dabimus, nge bochan e tin ni bfel’ nike rin’ ngorad!

Psalms 63:3

T’ufeg rom ni dabi mus e kabfel’ ko yafos, ere bay gu pining e sorok ngom.

Nehemiah 9:35

Mu ayuweg e pi pilung rok e tirom e girdi’ e ngiyal’nem ngu’ur gagiyeggad nnap’an ni ur pired u lan fare nam ni ba ga’ ma ba yong’ol e but’ riy ni gur e mpi’ ngorad, machane dar pi’ed keru’rad ko denen ngar folgad rom.

Nehemiah 9:31

Machane bochan e runguy rom ni ba ga’ ma da mu n’agrad ara mu thang owcherad. I gur ba Got ni gab gol ma ga ma runguy e girdi’!

Nehemiah 9:27

aram ma ga pag e pi to’ogor rorad ngar gelgad ngorad miyad par nga tan pa’rad. U fithik’ e gafgow ni yib ngorad miyad ning e ayuw ngom, ma ga fulweg taban e meybil rorad u tharmiy. Runguy rom nib ga’ e mu pi’ ngorad e pi’in ni ngu’ur gagiyeg niged yad ni yad e ra chuweged yad u pa’ e to’ogor rorad.

Nehemiah 9:25

Girdi’ rom e ra koled e pi binaw ni ka ni yororiy ni fan ko mael, nge binaw nib yong’ol, nge naun nib sug ko machaf, nge luwed nike m’ay i ker, nge gek’iy ni olive, nge gek’iy ni yima kay wom’ngin, nge yungi woldug ni grapes. Mu ur ked urngin e tin yad ba’adag ni ngar ked ngar pired ni kar sugsuggad; mi i felfelan’rad ko urngin e pin’en ni bfel’ ni mu pi’ ngorad.

2 Kronicles 7:10

me yan ni reb e rran riy, ni aram e rofen ni rliw’ nge dalip e rran ko fare pul ni medlip, me l’oeg Solomon fapi girdi’ ngar sulod nga taferad. Yad ba felfelan’ nga urngin e tow’ath nike pi’ SOMOL ngak e tirok e girdi’ nu Israel, nge David, nge Solomon.

Matthew 7:11

Yugu ireyer fanmed kireb, ma gimed manang rogon ni ngam pi’ed e tin ni bfel’ ban’en ngak pifakmed. Ere Chitamangimed ni bay u tharmiy e rira pi’ e tin ni bfel’ ban’en ngak e pi’in yad ra ning ngak!

Exodus 18:9

Mri felfelan’ Jethro u nap’an ni rung’ag e pin’em.

Psalms 25:6

SOMOL, gu leamnag fanam gol nge rogon fare t’ufeg rom ni dabimus ni kam dag ni kab kakrom i yib.

Psalms 92:2

gubin e kadbul mi ni weliy rogon e t’ufeg rom ni dabimus nge fanam yul’yul’ ni yibe weliy ni gubin e nep’,

Psalms 145:7

Bay ur weliyed murung’agen fanam fel’, miyad tangnag murung’agem nri gab gol.

Isaiah 26:13

SOMOL ni Got romad, yug boch e got e ki i gagiyeg nagmad, machane ri ma’agrag gur e SOMOL romad.

Isaiah 54:7

“Kug pagem u lan ba talab, bay gu fulwegem ngog ya ri gab t’uf rog.

Isaiah 54:10

Pi burey nge yungi ted e rayag ni nge puth, machane rogon nri gab t’uf rog e dariy e rofen nra mus; m’ag ko gapas ni kug micheg ngom e bay i par u gil’ ndariy n’umngin nap’an.” Irera’ rogon nike yog SOMOL ni ri gab t’uf rok.

Isaiah 64:5

Bfel’ u wun’um e pi’in yad ba’adag ni ngar rin’ed e tin nib mat’aw, ni pi’in ndarir paged talin rogon nib m’agan’um ngay ni ngu’ur ngongolgad. Mu damumuw ngomad, ma gamad pi’ nga daken ngu’ug denengad; yugu aram rogom ni mpar ni kar mu damumuw ngomad, ma kayug gu pi’ed nga daken gamad be rin’ e kireb ni kab kakrom i yib.

Psalms 103:2

Lanin’ug, mu pining e sorok ngak SOMOL, ma dab mu pag talin feni gol.