Isaiah 61:9 - Bible Ni Thothup

⁹ Bayi gilbuguwrad u fithik’ e pi nam; urngin e girdi’ ni yad ra guyrad e bay ra nanged ni yad ba nam ni kug fal’eg wa’athan.”

Isaiah 61:9 Referans Kwoze

Isaiah 44:3

“Bay gu pi’ e ran ko fare but’ nike balel, mu gu gagiyegnag yu pa’ i lul’ nge yan u daken e but’ nike mlik. Bay gu pu’og e kan nthothup rog nga daken pifakmed, mu gu fal’eg wa’athan e pi’in owchemed.

Psalms 115:14

Mang e yigi pi’ SOMOL e bitir ngomed, ni gimed nge pifakmed.

Acts 3:26

Ma aram me duwgiliy Got ni gimed e som’on ni nge l’oeg e Tapigpig rok nge yib ngomed, nge ayuwegmed ni aram e nge ngongliymed ni gimed gubin ngam pi’ed keru’med ko kireb ni gimed be rin’.”

Genesis 22:18

Ma urngin e nam nu fayleng ni bay ra weniggad ngog ni nggu fal’eg wa’athrad ni bod rogon ni kug fal’eg wa’athan e pi’in ni owchem, ni bochan e kamfol ko tin kugog ngom ni ngam rin’.”

Zekariah 8:13

Gimed e girdi’ nu Judah ngu Israel! Kakrom e pi girdi’ nu bang e mang ba yaba’ ngorad ni bayi n’en me ga’ar bagyad ngak bagyad, ‘Mang e yigi aw fare riya’ ni aw nga daken yu Judah ngu Israel ngom!’ Machane bay gu aywegmed, ma aram e fa pi girdi’ nu bang e bay u roged ngorad ni ngar ga’ar gad, ‘Mang e yigi yag ngom e pi tow’ath ni yag ngak yu Judah ngu Israel!’ Ere nge pagan’med ma dab mrusgad.”

Isaiah 65:23

Ma maruwel ni bay ur ngongliyed e bay yan i aw ni bfel’, ma fakrad e dabki yib e riya’ ngorad nib tomgin. Ya yad pifak e pi’in ke fal’eg SOMOL wa’athrad, ni yad nge pifakrad.

Genesis 30:27

Me fulweg Laban ni ga’ar, “Siro’ ngom, ba’aray ban’en ni nggog ngom: kug nang u rogon e tin kan thagthagnag ngog ni Got e ke fal’eg wa’athag ni bocham.

Isaiah 43:5

Dab mu rus, ya gu bay rom! “Bay gu fek e girdi’ rom i yib nga taferad, ni mus u lan e ngek nib mal’af nge yan i mus ngalan e ngal nib orel.

Isaiah 53:10

Be ga’ar SOMOL, “I gag e gu turguy ni nge gafgow; yam’ ni tay e ba maligach ni fan e nggu n’ag fan e denen ko girdi’. Ere bayi guy e pi’in owchen; bayi par nib n’uw nap’an, ma tin kem’ay i leamnag rog e bayi yan i aw nga rogon u daken.

Isaiah 66:22

“Nri bod e bin nib be’ech e fayleng nge bin be’ech e tharmiy nra par nib muduwgil ni bochan gelngig, ere pi’in owchemed nge fithingmed e yad ra par ni yad muduwgil.

Jeremiah 31:7

Be ga’ar SOMOL, “Mu tang niged e felfelan’ ni fan ngak yu Israel, ni ir fare nam nib th’abi sorok u fithik’ urngin e pi nam. Mon’ed e tang romed ni gimed be pining e sorok ngak ni nge lungumed, ‘I SOMOL e ke ayuweg e girdi’ rok, ma pi’in ni magay e lagrad nde buch ban’en rorad.’

Malaki 3:12

Ma aram e girdi’en urngin e pi nam e bay rogned ni gimed ba felan’, ni bochan e bayi par e nam romed ni ba nam ni bfel’ ni ngu’un par riy.”

Numbers 22:12

Me ga’ar Got ngak Balaam, “Dab mu’un ngak e pi pumo’on nir, ma dab mu bucheg wa’athan e girdi’ nu Israel, ya kug fal’eg wa’athrad.”