Isaiah 61:8 - Bible Ni Thothup

⁸ Be ga’ar SOMOL, “Mat’aw e gu ba’adag ma gu ba fananikay e gafgow nge kireb ni yima tay ngak e girdi’. Ri bay gu pi’ e tow’ath ko tirog e girdi’, mu gu ngongliy ba m’ag u thilmad ndabi m’ay.

Isaiah 61:8 Referans Kwoze

Psalms 11:7

SOMOL e bmat’aw, ma ba’adag e wok ni bfel’; pi’in yad ra rin’ e wok ni bfel’ e yad ra par u p’eowchen.

Jeremiah 9:24

Fa’anra ba’adag be’ ni nge uf ma nge uf ni bochan e manangeg ni bfel’ rogog, nge bochan e t’ufeg rog ni dabimus, ma gu ma rin’ e tin nib yal’uw nge tin nib mat’aw. Irera’ e pin’en ni bfel’ u wun’ug. I Gag SOMOL e kugog e pi thin ney.”

Jeremiah 32:40

Bay gu ngongliy ba m’ag ni dariy n’umngin nap’an u thilmad. Dariy bingyal’ ni gu ra tal i ngongliy e tin fel’ ni fan ngorad, ma bay gu gagiyeg nagrad nge yib madgug u polo’ i lanin’rad, ya nge dakuriy liben miyad pi’ keru’rad ngog.

Isaiah 55:3

“Gimed e girdi’ rog, mu telmed, mi gimed yib ngog; mired ngog, me yag e yafos ngomed! Bay gu ngongliy ba m’ag u thildad ni bay i par ni dariy n’umngin nap’an, mu gu pi’ ngomed e pi tow’ath ni gu micheg ngak David.

Psalms 37:28

Ya SOMOL e ba t’uf rok e tin bmat’aw, ma der ma n’ag girdi’en; ma yoror rorad ni dariy n’umngin nap’an’, ma pi’in owchen e girdi’ nib kireb e bay ni tulufrad ngar chuwgad u daken fare but’.

Genesis 17:7

“Bay gu tay u gil’ e tin kugog ni bay gu rin’ ngom nge pi’in bay rabad ni owchem ni bayi par nib m’ag ni dabi m’ay. Bay gu mang Got rom nge Got rok e pi’in owchem.

Proverbs 8:20

Gu be yan u kanawo’en e tin nib mat’aw, ngu daken e wo’ nib yal’uw,

Psalms 99:4

Pilung nib gel, bt’uf rom e tin nib mat’aw; kam sunmiy e tin nib mat’aw u lan yu Israel; kam fek i yib e tin nib mat’aw ma ba yal’uw.

Proverbs 3:6

Ngu’um leamnag SOMOL u fithik’ urngin ban’en ni ga be rin’, me dag ngom e bin mat’aw e kanawo’.

Psalms 45:7

bt’uf rom e n’en ni bfel’ ma dabum e n’en nib kireb. Aram fan ni Got, ni ir e Got rom, e ke mel’egem ke pu’og e felfelan’ ni yo’or nga dakenam ni dabi ta’reb rogon ngak boch e pilung.

Psalms 33:5

I SOMOL e ba t’uf rok e tin nib mat’aw ma ba yal’uw, t’ufeg rog ni dabimus e ke suguy e fayleng.

2 Samuel 23:5

Irera’ rogon ni bay i ayuweg Got e pi’in owcheg, ya ke ngongliy ba m’ag u thilmow ndabi m’ay, ni urngin riy e be par ni ba yaram ma mmudugil. Kemus e n’en ni gu ba’adag; ni ir e bayi gel nigeg, ya Got e rib mudugil ni bayi gagiyegnag nge yib i m’ug ni aray rogon.

2 Thessalonika 3:5

Nge pow’iy Somol lanin’med ngam nanged gelngin nri gamad ba t’uf rok Got nge gelngin e k’adan’ nma pi’ Kristus.

Isaiah 5:16

Machane SOMOL ni Gubin ma Rayag Rok e be dag feni sorok ko n’en ni be rin’ nib mat’aw, ma be gagyalnag feni thothup ko pufthin ni be tay ko girdi’ rok.

Psalms 50:5

Be ga’ar, “Mu kunuy ngog e girdi’ rog nib yul’yul’, ni pi’in nra ngongliyed ba m’ag u thilmad ko maligach nra pi’ed.”

Psalms 32:8

Be ga’ar SOMOL, “Bay gu fil ngom e kanawo’ ni ir e ngam man riy; bay gog ngom e tin ngam rin’ ma bay gu fonow nigem.

Matthew 23:13

“Kam gafgowgad e pi tamchib ko Motochiyel nge gimed e pi Farise! Ya gimed e pi’in gimed be dake moding niged gimed! Kam ninged mban e gagiyeg nu tharmiy nga owchen e girdi’, machane ku er rogomed ndab mmarod ngalan, ma ku dab mpaged e girdi’ ngranod ngalan, ni pi’in yad be guy rogon ni ngranod ngalan!

Psalms 62:10

Dabi pagan’med nga fanmed yargal; dabi l’agan’med ko n’en ni yibe iring; ma ku ra mun daken e fel’ rogon romed, ma dabi pagan’med ngay.

Psalms 105:10

I SOMOL e ngongliy ba m’ag u thilrow Jakob, nra par ni dariy n’umngin nap’an.

Isaiah 28:17

Yal’uw e bayi mang fol ko re def nem, ma yul’yul’ e ra par ni fare fol ni ba yil’ i gaf ni ka ni m’ag e malang nga taban kan tay nib tagafgaf.” Ma ayis ni gang’ yang ni bayi mul u lanelang nga but’ e bayi walagriy urngin e malulifith l’ugun ni gimed be toer ngay, ma ran ni bayi sugubur e lul’ nge yib e bayi kirebnag e n’en ni gimed be naf ngay.

Isaiah 30:18

Machane SOMOL e be son nagmed ni ngam sulod ngak me ayuwegmed. Ba’adag ni nge runguymed, ya gubin ngiyal’ nma rin’ e tin nib mat’aw. Ba felfelan’ e pi’in nike pagan’rad ngak SOMOL.

Isaiah 54:10

Pi burey nge yungi ted e rayag ni nge puth, machane rogon nri gab t’uf rog e dariy e rofen nra mus; m’ag ko gapas ni kug micheg ngom e bay i par u gil’ ndariy n’umngin nap’an.” Irera’ rogon nike yog SOMOL ni ri gab t’uf rok.

Isaiah 56:1

I SOMOL e ga’ar ko girdi’ rok, “Mu rin’ed e tin ni bfel’ ma ba mat’aw, ya dab kin’uw nap’an mu gub ni nggu aywegmed; gelngin e ayuw rog e yira guy u ga’ngin yang u fayleng.

Isaiah 66:22

“Nri bod e bin nib be’ech e fayleng nge bin be’ech e tharmiy nra par nib muduwgil ni bochan gelngig, ere pi’in owchemed nge fithingmed e yad ra par ni yad muduwgil.

Malaki 1:13

Ke lungumed, ‘Ke chalabdad ko pin’ey ni urngin!’ Ma gimed be tartareg lechngen p’ethungmed ngog. Gimed ra maligach ngog me pi’ bigimed ba gamanman ngog ni iring, ara reb nib marwoth ara bm’ar. Gimed be finey nra fel’ u wun’ug e pin’nir?

Ezekiel 16:60

Machane bay gu tayfan fare m’ag ni gu ngongliy u thildow u nap’an ni kagab bitir, bay gu ngongliy ba m’ag u thildow nib manemus.

Ezekiel 34:25

Bay gu ngongliy reb e m’ag u thilmad ni ir e bayi micheg ngorad ni dabki buch ban’en rorad. Bay gu chuweg ko nam rorad urngin e gamanman nra i maad’ad ngorad, ni fan e nge yag ni par e saf rog u daken e ted ma yad be mol u fithik’ e gerger ni dabki buch ban’en rorad.