Isaiah 61:10 - Bible Ni Thothup

¹⁰ Jerusalem e be felfelan’ ni bochan e n’en ke rin SOMOL. Ir e bod be’ ni bpin nike chuw nga madan e m’agpa’. Rogon nike yib Got i ayuweg ke mat’awnag ngak e bod ba mad nike yin’ Got nga daken e re pin nem!

Isaiah 61:10 Referans Kwoze

Filippi 3:9

mu gu pirew ni kug ta’ab girdi’gow. Ma gathi ka gag e gu be athamgiliy ni nggu mat’aw, ni fa mit nem e mat’aw nma yag u daken e Motochiyel rok Moses ni yibe fol riy; ya chiney e kug mat’aw ni Got e ke mat’aw nigeg ni bochan e ke mich Kristus u wun’ug, ni mat’aw nike yib rok Got ni yib u daken e michan’ rog ngak Kristus.

Psalms 132:9

Manga yigi par e pi prist rom ni gubin ngiyal’ ni yad be rin’ e n’en ni bfel; manga yigi garusnag e tirom e girdi’ e felfelan’!

Roma 14:17

Ya gagiyeg rok Got e dariy rogon e abich nge garbod ngay, ya mat’aw, nge gapas, nge felfelan’ nma pi’ fare Kan Nthothup e bay rogon ngay.

Roma 5:11

Machane gathi kemus aray; ya gadad be felfelan’ u fithik’ e pagan’ rodad ngak Got u daken e Somol rodad i Jesus Kristus, ni ir e ke ngongliydad e chiney kadmanged pi tafager rok Got.

Psalms 132:16

Bay gu fal’eg wa’athan e pi prist riy ko urngin ban’en ni yad be rin’, ma tirok e girdi’ riy e bay u ra tanggad ma yad be tolul ko felfelan’!

Revelation 21:2

Mu gguy fare Binaw nib Thothup, ni aram fa bin nib be’ech e Jerusalem ni be yib u tharmiy nga but’ nike yib rok Got, nike fal’eg rogon ni bod be’ ni bpin ni nge mabgol nike yin’ e mad rok ni bfel’ ni nge yan ngar mada’gow e pumo’on rok.

Isaiah 49:18

Mu sap i yan nga mu guy e n’en ni yibe rin’. Girdi’ rom e yad be mu’ulung ni ngar sulod nga taferad. Rogon feni riyul’ ni Gag fare Got ni gu be par ni gub fos, e aram rogon feni riyul’ ni bay mu felfelan’ ngak e girdi’ rom, bay mu felfelan’ ni bod gelngin e felfelan’ ni tay be’ ni bpin ko nunuw rok nnap’an ni nge mabgol!

Isaiah 52:1

Jerusalem, mu gel me gilbuguwam bayay! Binaw rok Got ni gab thothup, mon’ nga dakenam e mad rom nib gamog! Pi’in gathi yad e girdi’ rog e dab kurbad ngalan e yoror rom bayay.

Galatia 3:27

Ya kan tawfe nagmed ko ta’ab girdi’ ni kam ted Kristus, ma aram fan nike yag ngomed fel’ngin Kristus.

Luke 15:22

Machane me kunuy e chitamngin e pi tapigpig rok nge ga’ar ngorad, ‘Mu gurgad ngam feked i yib e bin th’abi fel’ e mad nga mon’ed nga daken. Mi gimed tay reb e luwew nga bugul i pa’ mi gimed yin’ e sus nga ay.

Isaiah 61:3

Mu gu pi’ e felfelan’, ngak e pi’in ni kar pired u Zion nike kireban’rad, nge yan nga luwan e kireban’ rorad. Ba tang ko ogmagaer e nge yan nga luwan e gafgowan’. Bay ra boded yuke gek’iy ni SOMOL e yung. Yad gubin ni bay rin’ed e n’en ni bfel’, mi ni pining e sorok ngak Got ko n’en ke rin’.

Isaiah 51:11

Pi’in mu lagrad ko gafgow e bay ra tawgad nga Jerusalem u fithik’ e felfelan’, yad be tang ma yad be garusnag e felfelan’. Bay ra pired ni yad ba felfelan’ ndariy n’umngin nap’an, ni ka ra pufgad ni urun ko kirban’ nge gafgowan’.

2 Kronicles 6:41

SOMOL ni Got, mu sak’iy e chiney, ngam un ko fare Kahol ko M’ag, ni aram e pow u gelngim ngam man ngalan e Tempel ngam par u roy ndariy n’umngin nap’an. Mu fal’eg wa’athan e pi prist rom ko gubin e tin yad be rin’, mang e yigi felfelan’ gubin e girdi’ rom ni bochan e ri gab manigil ngorad.

1 Peter 1:8

Ba t’uf romed, ni yugu aray rogon ndamur guyed; ma mmich u wun’med, ni yugu aray rogon ndamur guyed e chiney; ma aram fan ni ba ga’ e felfelan’ ni gimed be tay, nib felfelan’ ndabiyag ni ngan weliy ko thin,

Roma 13:14

Machane ngam feked talin e cham rok Somol Jesus Kristus, mi gimed tal ndab ku um rin’ed e tin nib kireb ni be ar’arnag e dowef romed.

Roma 3:22

Got e ma mat’awnag e girdi’ ngak u daken e michan’ rorad ngak Jesus Kristus. I Got e ma rin’ e ren’ey ngak urngin e girdi’ nike mich Kristus u wun’rad, ni ta’reb rogon piyu Israel nge pi’in gathi yad piyu Israel:

Habakkuk 3:18

ma kug ra par ni gub felfelan’ ni bochan e SOMOL ni Got e ir e be ayuwegneg.

1 Samuel 2:1

Irera’ e meybil rok Hannah: “I SOMOL e ke suguy ngorongoreg ko felfelan’; kari gu felfelan’ ko tin ke rin’. Ku gu minmin ngak e pi to’ogor rog; ku gu felfelan’ ya ke ayuwegneg Got.

Isaiah 25:9

Nap’an nra yodrom, ma gubin e girdi’ ni bayi ga’ar, “Ir e Got rodad! Kad ted e pagan’ rodad nga daken, ma ke aywegdad ni de buch ban’en rodad. I ir e SOMOL! Kad ted e pagan’ rodad nga daken, ma chiney e kad felfelan’gad ma kad ufgad ni bochan e ke ayuwegdad.”

Filippi 4:4

Gubin ngiyal’ ni ngu’um felfelan’gad ko ta’ab girdi’ ni kam ted Somol. Ere ngku gog bayay ni nge lungug: mu felfelan’gad!

Isaiah 35:10

Ma bay ra tawgad nga Jerusalem nike felan’rad, ni yad be tang ma yad be tolulnag e felfelan’. Ma bay ur pired ni yad be felfelan’ ndariy n’umngin nap’an, ndabki yib e kireban’ nge gafowan’ ngorad.

Revelation 21:9

Ma bagayad fa medlip i engel ni bay fa medlip raba’ i n’em rorad nib sug ko fa medlip i gafgow ni ir e tomur e yib ngog me ga’ar, “Moy, nggu dag ngom fare pin ni nge mabgol, ni ir e ppin rok fare Fak e Saf.”

Psalms 28:7

SOMOL e ayuw rog ma yoror rog; ma ir e ba pagan’ug ngak. Ma pi’ e ayuw nge felfelan’ ngog; gu ma pining e sorok ngak ko tang ni felfelan’.

Zekariah 10:7

Girdi’ nu Israel e ra yib gelingrad ni bod e pi salthaw, ni yad ba felfelan’ ni bod e pi’in kar unumed e wayin. Pi’in owcharad e bay i par u wan’rad e re gel ney nra ted. miyad felan’ ni bochan e n’en nike rin’ SOMOL.

Jeremiah 2:32

Gur rayag rok be’ ni bpin ni kab rugod ni nge pag talin e churwa’ rok nib tolang puluwon, ara pag be’ ni bpin ni nge mabgol talin e mad rok ko m’agpa’? Machane girdi’ rog e ka ra paged talig nike yo’or i yo’or e rran ndabiyag i the’eg.

Nehemiah 8:10

Ere msulod nga tabinaw ngam murgad. Mu f’othded boch e ggan nge wayin romed rok e pi’in nde gaman rorad. Bin daba’ e rran e ba thothup ni fan ngak e SOMOL rorad, ere dabi kireban’med. Felfelan’ nma pi’ SOMOL ngomed e bay i pi’ gelngimed.”

Genesis 24:53

Me fek e silber nge gol nge nunuw nib tolang puluwon, nge mad nge pi’ ngak Rebekah. Miki pi’ boch e tow’ath nib tolang puluwon ngak fare pumo’on ni walagen Rebekah nge ngak e chitiningin Rebekah.

Revelation 4:4

Ma bay rliw’ nge aningeg i tagil’iy nib liyeg tagil’ fa’anem, nike par rliw’ nge aningeg e pi’in pi’ilal nga daken ni kron’ed e mad nib wechwech, ma kar te’eliyawgad ko te’eliyaw ni gol.

BABYOR NI JOB 29:14

Urngin ngiyal’ ma gu ma ngongol nib mat’aw ma dagur lanyan’.

Psalms 35:9

Ma aram e bayi felan’ug ni bochan SOMOL; Bay gu felfelan’ ni bochan e ke aywegeg.

Tang Ko Pitang 1:10

Piyan lolgem e rib fel’usun u daken linglingim ma ke puf nga daken bilel’ugnam ni bod e churwo’.

Isaiah 12:1

Bayib reb e rran ni bayi tang e girdi’ ni yad be ga’ar, “Gu be pining e sorok ngom, SOMOL! Um damumuw ngog, ma chiney e kam fal’eg lanin’ug ma ke chuw e damumuw rom.

Isaiah 12:2

Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.

Isaiah 17:10

Israel, kampag talin fare Got ni ir e lagnem me yoror rom ni bod ba war nib gel. Ka mu cheal ga be yung yungi milay’ nib taliw ni ngu’um tayfan e got nu bang riy.

Isaiah 25:1

SOMOL, I gur e Got rog; Bay ug liyor ngom mu gu mathangeluwolnag fithingam. Kam ngongliy bogi maang’ang; ri ga ba yul’yul’ u rogon ni ga be rin’ e pin’en ni ka mu tanomnag kakrom.

Isaiah 41:16

Bay mon’rad ngalang; me yib e nifeng i fekrad, me weregrad e nifeng nib gel. Ma aram e bay mu felfelan’ ni bochan e Gag e Got rom; bay mu pining e sorok ngog i Gag fare Got nu Israel ni gub thothup.

Isaiah 48:18

“Fa’an mang e um motoyilgad ko tin kugog nigu reg e thinriy ni ngan rin’! Ma aram e ra map’ e fla’ab nga dakenmed ni bod ba lul’ ni der mlik. Ma aram bay u mu gelgad ko mael ni bod e n’ew ni be lobeb i yib nga dep’el’ay.

Isaiah 49:4

Me lungug, “Ku gu maruwel, machane bm’ayfan. Gelngig e kem’ay, ma dariy ban’en nike yib riy.” Machane kug pag fan urngin ban’en nga pa’ SOMOL; bayi pi’ puluwog ko tin gu be rin’.

Isaiah 51:3

“Bay gu dag e runguy rog nga Jerusalem, ngak gubin e pi’in yad be par u fithik’ e gafgow u rom. Ni yug aram rogon ni kan n’ag e re but’ rok nem, ma bay gu mangnag bangi milay’, ni bod fare milay’ ni gu yung u lan yu Eden. Madnom nge felfelan’ e yira tay u rom, mi ni tangnag e sorok ngog nge ogmagaer.

Isaiah 56:7

“Bay gu fekmed i yan nga Zion, ko fare burey rog nib thothup, mu gu pi’ e felfelan’ ngomed u lan e naun rog ni yima meybil riy, me fel’ u wun’ug e maligach ni gimed be pi’ u daken e altar rog. Tempel rog e bay ni pining fithingan ni naun ko meybil ni fen e girdi’ u gubin e nam.”

Isaiah 58:14

ma aram e gimed ra pir’eg e felfelan’ nma yib ko pigpig ni yima tay ngog. Ma gu ra gagiyeg nagmed ngu’un tay famed u gubin yang u fayleng; me fel’ rogomed ko re nam ni gu pi’ ngak e ga’ romed i Jakob. I Gag SOMOL e kugog e pi thin ney.”

Isaiah 65:18

Ngari mfelfelan’gad ndariy n’umngin nap’an ko pin’en ni gag e bay gu sunumiy. Bin be’ech e Jerusalem ni bay gu sunumiy e bay i par nib sug ko felfelan’, ma girdi’ riy e bay ur pired ni yad ba felfelan’.

Ezekiel 42:14

Fa’anra ki immoy e prist u lan fare Tempel ma yad ba’adag ni ngranod ko thal ni wuru’ e yoror, ma thingar ra ted u lan e pi senggil ney fapi mad nib tabgul ni immoy u dakenrad ko ngiyal’ ni ur pigpiggad ngak SOMOL. Thingar ron’ed yug boch e mad u m’on ni ngranod nga wuru’ e re gin’em ko gin ma mu’ulung e girdi’ ngay.”

Zekariah 3:5

Me gafaliy fa pi’in yad ni ngar ted ba turban nib be’ech nga lolugen Joshua. Miyad rin’ ni aram rogon, ma aram miyad yin’ e mad nib be’ech nga daken e ngiyal’ i n’em nib sak’iy fare engel rok SOMOL u rom.