Isaiah 61:1 - Bible Ni Thothup

¹ I SOMOL ni Th’abi Tolang e ke sug nigeg ko Kan Nthothup rok. Ir e mel’egneg me pi’eg nggu wan ni nggu fek e thin ni bfel’ i yan ngak e girdi’ ni gafgow, ni nggu fal’eg laniyan’ e pi’in ke kireban’rad, mu gog ngak e pi’in ka ni fekrad nga reb e nam ni kar kalbusgad, nge pi’in yad bay u kalbus ni bay ni pagrad.

Isaiah 61:1 Referans Kwoze

Luke 7:22

Me fulweg ngak fa gali cha’ ni l’oegrow John ngar bow ni ga’ar, “Mu sulow nga mognew ngak John e tin kam guyew nge tin kam rung’agew ni nge lungumew: pi’in malmit e kar guyed ban’en, ma pi’in mugutgut e kar uned ko yan, ma pi’in kar gafgowgad ko m’ar ni daraw e kan be’ech nagrad, ma pi’in biling e ke yag ni ngar rung’aged ban’en, ma pi’in karm’ad e kan fasegrad, ma fare Thin Ni Bfel’ e yibe machibnag ko pi’in gafgow.

Isaiah 42:7

Bay mu bing lan mit e pi malmit, ma ga chuweg u kalbus e pi’in yad be par riy u fithik’ e lumor.

Matthew 11:5

pi’in malmit e keyag ni ngar guyed ban’en, ma pi’in mugutgut e ke yag ni ngar uned ko yan, ma pi’in ndaraw e ka ra be’echgad, ma pi’in baling e kar rung’aged ban’en, ma pi’in karm’ad e kan fasegrad, ma fare Thin Ni Bfel’ e yibe machibnag ngak e pi’in gafgow.

Psalms 147:3

Ma be golnag laniyan’ e pi’in ke kireban’rad ma be taflaynag e maad’ad rorad.

Isaiah 42:1

Be ga’ar SOMOL, “Ba’aray e tapigpig rog ni ku gu pi’ gelngin, ni fa’anem ni gag e kug turguy ni ir e bfel’ u wun’ug. Ku gu suguy ko kan nthothup rog, bayi fek e tin nib yal’uw i yib ngak urngin e nam.

Acts 10:38

Gimed manang murung’agen Jesus nu Nazareth, ngarogon ni pi’ Got fare Kan Nthothup nge gelngin ngak. Me yan nga gubin yang, ni be rin’ e tin ni bfel’ ma be golnag urngin e pi’in yad bay u tan gelngin e mo’onyan’, ni bochan e bay Got rok.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Isaiah 49:9

Bay gog ngak e pi kalbus ni lungug, ‘Ka ni pagmed!’ Ma pi’in yad be par u fithik’ e lumor e bayi lungug ngorad, ‘Mired nga tamilang!’ Bay ra boded e saf ni be kay e pan u daken yochi burey;

Psalms 34:18

I SOMOL e ba chugur ngak e pi’in ke mulan’rad; mma ayuweg e pi’in dakriy ban’en ni be lagan’rad ngay.

Isaiah 48:16

“Mu chugurgad ngog ngam rung’aged e n’en ni gu be yog. Aram ko tobolngin e ug non nib tamilang ma gubin ngiyal’ ni ug gagiyegnag nge yib i m’ug e thin rog nib rriyul’.” (I SOMOL Ni Th’abi Tolang e ke pi’ gelngin ngog e chiney ma ke l’oegneg.)

Acts 26:18

Me gur e ngam pithig owcherad ngam pingegrad ngar pi’ed keru’rad ko lumor miyad sap ko tamilang, ma ga pingegrad ngar pi’ed keru’rad nga gelngin Satan miyad pigicheal ngak Got, yu daken e michan’ rorad ngog e bayi n’ag Got fan e denen rorad riy me yag ngorad tagil’rad u fithik’ e pi’in ke mel’egrad Got ni ngar manged girdi’en.’

John 3:34

En ni Got e ke l’oeg ke yib e be weliy e thin rok Got; ya Got e ke pi’ fare Kan ni Thothup rok ngak ni polo’.

Matthew 3:16

Ma nap’an ni yugni tawfenag Jesus, me yib u fithik’ e ran nga talang. Me mab e tharmiy ngak, me guy fare Kan Thothup rok Got ni be yib u lang i yib nga but’ ni bod ba bulogol me yib i par nga daken.

Hosea 6:1

Be ga’ar e girdi’, “Ngad sulod ngak SOMOL. Ke popofdad, machane ku bayi faseg e maad’ad rodad; ke maad’ad ngodad; machane bayi m’ag e mad ko yungi n’en nike maad’ad u dowdad.

Psalms 45:7

bt’uf rom e n’en ni bfel’ ma dabum e n’en nib kireb. Aram fan ni Got, ni ir e Got rom, e ke mel’egem ke pu’og e felfelan’ ni yo’or nga dakenam ni dabi ta’reb rogon ngak boch e pilung.

Psalms 22:26

Pi’in ndariy ban’en rorad e yad ra kay urngin e tin yad ba’adag; pi’in yad be yib ngak SOMOL e bay ra pininged e sorok ngak. Manga yu gur pired ni bfel’ rogorad ndariy n’umngin nap’an!

Psalms 102:20

I rung’ag e gel’gel’ rok e pi kalbus, me chuweg u kalbus e pi’in kan turguy ni ngarm’ad.

Psalms 51:17

Got, maligach rog ngom e subut’an ni ku gu tay; ya be’ nike kolngan’ nge fol rom e dab mu n’ag.

Psalms 2:6

Ke ga’ar, “Kug tay e pilung rog nga daken yu Zion, ni aram fare burey rog nib thothup.”

Isaiah 59:21

Mu gu ngongliy bm’ag u thildad: Ku gu pi’ gelngig ngomed nge machib rog ni ngam faned ni manemus, ma chiney i yan ngaram e ngam folgad rog mi gimed fil ngak pifakmed nge pifak pifakmed ni ngar pired ni yad be fol rog ni dariy n’umngin nap’an.”

Hebrews 1:9

Ma ngongol nib mat’aw e ir e ba t’uf rom ma fanenikam e ngongol nde mat’aw, ireray fan ni Got, ni ir e Got rom, e ke mel’igem, ma tayfan nike tay ngom e ri ka ba ga’ e felfelan’ nike yib riy ngom ko felfelan’ nike pi’ ngak e pi’in yad be un ngom.”

2 Korinth 7:6

Machane Got nma pi’ e athamgil nga laniyan’ e pi’in ke mulan’rad e pi’ e athamgil nga lanin’mad ni bochan Titus ni yib ngomad.

Daniel 9:24

“Medlip yay e medlip i ragag e duw n’umngin nap’an nike duwgiliy Got ni nge taw ngay me tal e girdi’ ko nam rom nge girdi’ ko fare binaw rom nib thothup ndab kur rin’ed e kireb ma dab kur ngongliyed e denen. Me n’ag Got fan e denen me pi’ e tin nib yal’uw ni bayi par ni dariy n’umngin nap’an, ya tin mu guy ko fa ngiyal’ nni piliyeg e changar rom nge fare yi’iy e nge yib i m’ug nib riyul’ min pi’ fare Tempel nib thothup nga pa’ SOMOL.

Psalms 69:32

Ra guy e pi’in ni gafgow ni aray rogon miyad felfelan’; mra pi’ e athamgil nga laniyan’ e pi’in yad ma meybil ngak Got.

Isaiah 66:2

I gag e gu sunumiy e fayleng nge lanelang ni ga’ngin! Bfel’ u wun’ug e pi’in nib sobut’an’rad ma kar pi’ed keru’rad ko kireb, ma yad be par ni bay madgug u wun’rad ma yad be fol rog.

Psalms 25:9

Pi’in nib sobut’an’rad e ma fekrad i yan u daken e bin mat’aw e wo’, mma fil ngorad e tin ir e mm’agan’ ngay ni ngar rin’ed.

John 1:41

Ka chingiyal’ nem me yan Andrew ni be changarnag walagen ni pumo’on, ni aram Simon miyow mada’, me yog Andrew ngak ni ga’ar, “Kug pir’egew fare Messiah.” (Ni fan e re bugithin ney e “Kristus.”)

Psalms 149:4

I SOMOL e ba felfelan’ ngak e girdi’ rok; ma tolangnag e pi’in nib sobutan’rad nma gel nagrad.

Acts 4:27

Ya riyul’ ni Herod nge Pontius Pilate e rabow nga ta’bang u lan e re binaw ney ngar puruy’gad e pi’in Gathi yad piyu Israel nge girdi’ nu Israel nib togopluw ngak Jesus, ni ir fare tapigpig rom nib thothup, ni ir fa’anem ni mu tay ni Messiah.

Jeremiah 34:8

Zedekiah ni Pilung nge girdi’ nu Jerusalem e ra dugliyed ni ngar paged

Isaiah 52:9

Pin’en ni ka ni buthug u Jerusalem, mu tolul niged e felfelan’. SOMOL e ke fal’eg laniyan’ e girdi’ rok; ke chuweg fare binaw rok u pa’ e to’ogor rok.

2 Korinth 3:17

Re bugithin nem ni “Somol” ko re thaliyol nem e ireram fare Kan Nthothup rok Somol; ma pi’in bay fare Kan Nthothup rok Somol rorad e kar chuwgad u tan e bin kakrom e m’ag.

Isaiah 29:19

Pi’in gafgow nge pi’in sobutan’ e yad ra pir’eg fare felfelan’ bayay nma pi’ SOMOL, ni fare Got nib thothup nu Israel.

Isaiah 30:19

Gimed e girdi’ ni gimed ma par u Jerusalem e bay mu pired ndab kum yorgad. Ya SOMOL e rib wurngan’, nap’an ni gimed ra yornag e ayuw ngak, ma ra fulweg taban e meybil romed.

Isaiah 30:26

Pul e ra ga’ ra’en nge bod e yal’, ma ra’en e yal’ e ra ga’ ni medlip yay nga ra’en ni immoy, ni bod ga’ngin e tamilang u medlip e rran ni kan puthuy nga ta’reb e rran. Ran’ey e ra yodroy ko ngiyal’ nra taflay nge golnag SOMOL e maad’ad ni tay ko girdi’ rok.

Isaiah 32:7

Ir be’ nib kireb mma rin’ e kireb; ma lifith l’ugun ni aram e be ngongliy e makath ni nge gafgownag e pi’in gafgow nge dabiyag ngorad mat’wunrad.

Isaiah 40:9

Jerusalem, mman nga daken e burey nib tolang; mu weliy e re thin ney ni bfel’! Zion, mu tolul ni ba ga’ lamam; mu weliy e re thin ney ni bfel’! Mu non ni ba ga’ lamam, ma dab mu rus. Mog ngak e pi binaw nu Judah ni fare Got rorad e be yib!

Isaiah 52:7

Rib falan’uy ni ngan guy ba tamal’og ni be yib u daken e pi burey i yib, nike fek e thin ni bfel’ i yib, ni murung’agen e gapas! Nge yib i yog nib ga’ laman ni kan gel me ga’ar ngak Zion, “Got rom e ir e pilung!”

Isaiah 57:18

“Kug guy rogon ni yad be ngongol, machane bay ggol nagrad. Bay gu pow’iyrad mu gu ayuwegrad, ma bay gu fel’eg laniyan’ e pi’in ke kireban’rad.

Mikah 3:8

Machane gag e ke sug nageg SOMOL ko kan nthothup rok nge gelngin, ya nge yag ni gu turguy e tin nib mat’aw, ma nge dab ku gu rus nggu weliy ngak e girdi’ nu Israel e denen ni yad be ngongliy.

Exodus 28:41

Ma gon’ e pi mad ney nga daken Aron ni walagem nge pifak ni pumo’on. Ma aram mag gapgep nagrad ngam yibleyrad ngam og nagrad ni kar tabgulgad, nrayag ni ngar pigpiggad rog ni prist.

Exodus 29:7

Mag fek fare gapgep ni fen e mathiy ngam pu’og nga lolgen mag liyef ngay.

Levitikus 7:35

Irera’ e gin’en ko fare ggan ni yima pi’ ngak SOMOL ni ir e ni pi’ ngak Aron nge fapi pumo’on ni fak ko rofen nni yiblayrad ni ngar manged prist.

Psalms 68:7

A Got, nap’an ni mu pow’iy e girdi’ rom, ngam marod ngam th’abed e ted ni desert,

Jeremiah 52:33

Ma aram mi ni pag Jehoyakin nge chuweg madan e kalbus u daken mi i un ngak e en ni pilung ko abich u tebel u n’umngin nap’an e yafos rok.