Isaiah 60:3 - Bible Ni Thothup

³ Ma pi nam e bay ra leked rama’em i yib, Ma pi pilung e bay ra leked rama’em i yib ni bod e woch ni puf ngorad!

Isaiah 60:3 Referans Kwoze

Acts 13:47

Ya ba’aray e thin ni pi’ Somol ngodad ni fa’ani ga’ar: ‘Kug tiyem ni ngam mang tamilang ngak e pi’in gathi yad piyu Israel, me gur e ngam mang kanawo’ ni ngan thap riy ngak Got ni fan ngak urngin e girdi’ nu fayleng.’ ”

Isaiah 49:23

Ra par e pi pilung ni yad e ra pofed gur, ma pi le’engirad e bay ur tathuth niged gur ni bod rogon e chitiningiy. Bay ra parawgad u p’eowchem ngar ted fam; ma bay ra ted fam u fithik’ e sobut’an’. Ma aram e bay mu nang ni Gag e SOMOL; dariy be’ ni be son nageg ni nggu ayuweg nra m’ingan’.”

Revelation 21:24

Ma girdi’ ko pi nam nu fayleng e bay uranod u tarama’en, ma pi pilung nu fayleng e bay ra feked e fel’ rogon rorad i yib ngalan.

John 12:32

Ngiyal’ ni yira tiningeg ngalang u fayleng, e bay gu girengiy urngin e girdi’ ngog.” (

Isaiah 45:14

I SOMOL e be ga’ar ngak yu Israel, “Gubin e falel’ nge machaf nu Egypt ngu Ethiopia e bayi mil suwon ngom, ma pumo’on ni n’un’uw nu Seba e bay ra manged sib rom; bay ra leked gur ni kanin’ e chen ngorad. Bay ra siro’gad ngom me lungurad, ‘Got e bay rom, kemus ni ir e Got.

Acts 15:17

Ma aram e urngin e tin ni kabay e girdi’ e bay ur gayed Somol, ni urngin e pi nam ni kug piningrad ni ngar manged girdi’eg.

Zekariah 2:11

Re ngiyal’ i n’em e ba yo’or e nam nra yib ngak SOMOL ngar manged girdi’en. Bayi par u fithik’med, mi gimed nang ni ir e ke l’oegeg kugub ngomed.

Isaiah 49:12

Girdi’ rog e bay rabad u orel, ko lel’och nge ngal nge binaw nu Aswan ni bay ko yimuch.”

Isaiah 11:10

Ra taw nga reb e rran me yib be’ nib pilung ko ganong rok Davib nib be’ech ni nge mang pow ngak e pi nam. Yad ra mu’ulung ngalan fare binaw ni pilung ngar tedfan.

Psalms 138:4

SOMOL, gubin e pilung nu fayleng e bay ra pininged e sorok ngom, ya kar rung’aged e tin kam micheg.

Psalms 68:29

ko fare Tempel rom u lan yu Jerusalem, ko gin ra fek e pilung e tow’ath rom ngom i yib ngay.

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”

Luke 24:47

mu fithingan e ngan machibnag riy e thin rok Got ni murung’agen ni ngan kolngan’uy nga ni pi’ keruuy ko denen, me n’ag Got fan, ni thingar ni machibnag ngak urngin e pi nam, ni ngan tabab ngay u lan yu Jerusalem.

Matthew 28:19

Ere mmarod ngak girdi’en e pi nam u gubin yang ngam pingeged yad ngar manged pi gachalpeg, mi gimed tawfe nagrad nga fithingan e Chitamangiy nge Fak nge fare Kan Nthothup,

Amos 9:12

Ma aram e bayi fek piyu Israel e gini magey ko nam nu Edom nge urngin e pi nam ni immoy ba ngiyal’ ni gag e bmil suwon ngog.” Ara’ rogon ni be yog SOMOL, ni ir e bayi gagiyegnag nge yodorom.

Isaiah 66:12

Be ga’ar SOMOL, “Bay gu pi e fla’ab ngomed ni dariy n’umngin nap’an; fla’ab ko pi nam e bayi map’ ngomed ni bod ba lul’ ndar mlik. Bay mboded bbitir ni be tathuthnag e chitiningin, ni be dibey be ayweg u fithik’ e t’ufeg.

Isaiah 60:16

Pi nam nge pi pilung e bay ur ayuweged gur Ni bod ba matin ni be tathuthnag fak. Ma bay mu nang ni Gag SOMOL e kug chuwegem u pa’ e to’ogor rom, Fare Got nu Israel nib gel gelngin e ke tem nike puf rogom.

Isaiah 60:10

Be ga’ar SOMOL ngak yu Jerusalem, “Girdi’en yugu boch e nam e bay ra ubunged bayay e yoror rom, Ma pi pilung rorad e bay ur pigpiggad ngom. Gu damumuw ngom mu gu gechig nigem, Ma chiney e bay gu dag ngom ni gab t’uf rog ma gu be runguyem.

Psalms 72:11

Urngin e pilung e bay ur siro’gad ngak; urngin e pi nam ni bay ur pigpiggad ngak!

Psalms 22:27

Gubin e nam ni bay ra leam niged SOMOL. Gubin yang u roy u fayleng ni bay ra sulod ngak; gubin e girdi’ nu fayleng ni bay ra liyorgad ngak.

Psalms 2:10

Gimed e pi pilung, mmotoyilgad ko re thin ni ba’aray nib ginaeng ngomed, gimed pi tagagiyeg ko fayleng, thingar mu nanged e pi thin ni ba’aray:

Genesis 49:10

Fare sog ko pilung e dabi chuw rok Judah, ma ku dabi chuw fa lay i ren ni fen e gagiyeg u thilin e rifrif u ay; nge mada’ ko ngiyal’ ni bay yib e en ir e fen, ma bay i fol e girdi’ rok.

Psalms 102:22

ko ngiyal’ ni nge yib e pi nam nge pi lung nga ta’bang ni ngar liyorgad ngak SOMOL.

Isaiah 42:6

“I Gag SOMOL e kug piningem ku gu pi’ gelngim ni ngam guy rogon ngam rin’ e tin nib yal’uw u fayleng. Ngug ngongliy bm’ag u thilmad urngin e girdi’ ni nggu rin’ u dakenam; bay gu pi’ e tamilang ngak e pi nam u dakenam.

Isaiah 45:22

“Gimed e girdi’ nu fayleng ni ga’ngin, mu sulod ngog mu gu ayuwegmed! Ya kemus ni gag e ta’are Got ni bay.

Isaiah 56:8

SOMOL ni Th’abi Tolang ni fek e girdi’ rok nu Israel ni u ra kalbusgad u wuru’ e nam rorad nga taferad, e micheg ni bay ki fek boch e girdi’ nge chagiy ngorad.

Isaiah 62:2

Jerusalem, pi nam e bay ra guyed e pi gel ni ka mu tay! Gubin e pilung ko pi nam nem ma bay ra guyed fel’ngim. Bay ni pining reb e ngachal ngom nib be’ech, ni ba ngachal ni SOMOL e pi’.

Psalms 102:16

Nap’an nra ubung SOMOL yu Zion bayay, me dag feni gilbugwan.