Isaiah 60:21 - Bible Ni Thothup

²¹ Urngin e girdi’ rom ni bay ur rin’ed e tin nib mat’aw, Miyad tafnay e nam ndariy n’umngin nap’an. I gag e gu yungrad, i gag e gu sunumiyrad, Ya nggu dag feni sorog ngak urngin e girdi’.

Isaiah 60:21 Referans Kwoze

Matthew 15:13

Me fulweg Jesus ni ga’ar, “Urngin ban’en nde yung e Chitamag nu tharmiy e yira pug ngalang.

Psalms 37:22

Pi’in ke fal’eg Got wa’athrad e bay rtafned e binaw, machane pi’in ke bucheg wa’athrad e bay ntulufrad nga wuru’ e binaw.

Psalms 37:11

machane pi’in ba sobut’anrad e bay ra pired u daken e nam, nge felan’rad nike yo’or ban’en rorad ma yad ba gapas.

Isaiah 29:23

Nap’an ni gimed ra guy e pi bitir ni bay gu pi’ ngomed, ma aram e bayi paluw u wan’med ni Gag fare Got rok yu Israel nthothup. Bay um pired ni gimed be liyor ngog ni kugmang ba manigil u wan’med.

John 15:2

Urngin i pa’ngig nder k’uf e ma th’ab, mma tamilangnag owchen urngin i pa’ngig ni be yib wom’ngin, ni fan e nge tamilang owchen nge yib wom’ngin ni pire’.

Isaiah 61:3

Mu gu pi’ e felfelan’, ngak e pi’in ni kar pired u Zion nike kireban’rad, nge yan nga luwan e kireban’ rorad. Ba tang ko ogmagaer e nge yan nga luwan e gafgowan’. Bay ra boded yuke gek’iy ni SOMOL e yung. Yad gubin ni bay rin’ed e n’en ni bfel’, mi ni pining e sorok ngak Got ko n’en ke rin’.

Psalms 92:13

Yad bod e gek’iy nni yung ngalan e naun rok SOMOL, ni be dommal u lan e Tempel rok e Got rodad,

Revelation 21:27

Machane dariy ban’en nib kireb nra yan ngalan e re binaw nem, ara be’ nma ngongliy e tin yira tamra’ ngay ban’en ara ma lifith l’ugun. Ya kemus ni pi’in kan yoloy fithingrad ngalan e babyor rok fare Fak e Saf, ni babyoren e pi’in kar fosgad e yad ra yan ngalan e re binaw nem.

Efesus 2:10

I Got e sunumiydad, mu daken e ta’ab girdi’ ni kad ted Kristus Jesus e ir e ngongliydad riy ni fan ko maruwel ni bfel’ ni kem’ay i ngongliy rok ke tay ni ngad muruwliyed ko biney e tamilang.

Matthew 5:5

“Nge felan’ e pi’in nib sobut’an’rad, ya rayag ngorad e tin nike micheg Got nra pi’!

Isaiah 62:4

Dakuriy e ngiyal’ ni yira pining ngachalem ni “Kan n’ag,” fa ni pining fithingan e nam rom ni “Fa En ni le’engiy ni Kan Tharbeg.” Bin ni be’ech e ngachal rom e ba’aray “Got e ba fel’uwan’ fare Pin.” Nam rom e bay ni pining ni “Felfelan’ ko Mabgol Rok,” ni bochan e SOMOL e gab fel’uwan’ ma bayi par ni bod nike figirngiy e nam rom.

Isaiah 61:7

Tamra’ ni um ted nge moning ni un tay ngomed e bayi m’ay. Bay um pired ko nam romed, ma pi machaf romed e bayi mun daken; ma felfelan’ romed e bay i par ndariy n’umngin nap’an.

Isaiah 57:13

Ngiyal’ ni gimed ra ning e ayuw, ma bayi mang fapi liyos romed e aywegmed! Ma bbuwchuth i nifeng e ra changag nagrad! Machane pi’in ma pagan’rad ngog e yad ra magach u daken e binaw mu ur liyorgad ngog u lan e Tempel rog.”

Isaiah 52:1

Jerusalem, mu gel me gilbuguwam bayay! Binaw rok Got ni gab thothup, mon’ nga dakenam e mad rom nib gamog! Pi’in gathi yad e girdi’ rog e dab kurbad ngalan e yoror rom bayay.

Isaiah 51:2

Mu leamnag e ga’ rom i Abraham, nge Sarah, ni yow e mub rorow. Ngiyal’ ni gu pining Abraham e dariy fak, machane mu gu tow’athnag nggu pi’ e bitir ngak; mu gu yo’ornag e pi’in owchen.

Isaiah 45:11

I SOMOL ni fare Got nib thothup nu Israel, ni en ni be gagiyegnag e tin ni bayib nga m’on e be ga’ar: “Dariy mat’awmed ni ngam fithedgag u murung’agen pifakag, ara mogned ngog e n’en nggu rin’!

Isaiah 43:21

Yad fapi girdi’ ni gu sunumiyrad ni ngar pired ni girdi’ rog, ma bay ur tanggad ni yad be pining e sorok ngog!”

Isaiah 43:7

Yad e girdi’ rog, ma gu sunumiyrad ni ngar ted fag.”

Revelation 21:7

En nra gel nde pag ir ko kireb e ba’aray e n’en gu ra pi’ ngak: gu ra mang Got rok, ma gu ra fakay.

Revelation 5:10

Kam ngongliyrad kar manged ba nam i prist ni ngu’ur pigpiggad ngak e Got rodad; ma bay ra gagiyeggad u fayleng.”

2 Peter 3:13

Machane ke yog Got ni bay sum e bin nib be’ech e lanelang nge bin nib be’ech e fayleng, ni aram e tin nib mat’aw e ngongol e bay i par riy, ni ireray e pin’en ni gadad be sonnag.

2 Thessalonika 1:10

ya re Rran ni ba’aram nra yib ni nge yog urngin e girdi’ rok e sorok ngak, me liyor urngin e girdi’ ngak nike michan’rad ngak, e ku errogon gimed ni gimed ra un nga fithik’rad, ni bochan e ke mich u wun’med e thin ni yib rok Got ni kug weliyed ngomed.

Efesus 2:7

I rin’ e ren’ey ni nge dag ndariy n’umngin nap’an ga’ngin e runguy rok ngodad nge rogon fadad t’uf rok nike dag ngodad rok Kristus Jesus.

Efesus 1:12

Ere gadad e pi’in gadad e som’on nike l’agan’dad ngak Kristus, e ngada pininged e sorok ngak Got nga feni malup’lup’!

Efesus 1:6

Ngad pininged e sorok ngak Got nga gelngin e runguy rok ngodad, ni bochan fare tow’ath nike pi’ ngodad u daken Fak nrib t’uf rok!

Isaiah 49:3

Me ga’ar ngog, “Israel, i gur e tapigpig rog. Girdi’ e bay ra pininged e sorok ngog ni bocham.”

Isaiah 44:23

Lan e lang, mu tolulnag e felfelan’! Yungi n’en nib to’ar u fayleng, mu tolulgad. Pi burey nge urngin kaen e gek’iy ko yungi gerger, mu garus niged e felfelan’! I SOMOL e ke biyuliy e girdi’ rok nu Israel, ni aram e ke dag feni gel nge feni sorok.

Isaiah 19:25

I SOMOL ni Gubin ma Rayag Rok e bayi fal’eg wa’athrad me ga’ar, “Egypt, bay gu tow’ath nigem, i gur girdi’eg; nge gur Assyria, ni gu sunmiyem; nge gur Israel ni girdi’ rog ni gu mel’eg.”

Isaiah 24:16

Gin tha’bi palog nga tungun e fayleng e bay da rung’aged ni be yin’ tangin e sorok ni fen piyu Israel, ni fare nam nib mat’aw. Machane gag e dakriy ban’en ni ka be lagan’ug ngay! Gu be m’ay nga bang! Pi’in nib ta dugdugthin u thilin e girdi’ e kuyad be elmirin i yan.

Isaiah 26:2

Mu bing e pi garog ko fare binaw nge yib e fare nam nib yul’yul’ nga langgin, ni fare nam nib mat’aw ngonglen e girdi’ riy.

Isaiah 45:8

Bay gu pi’ e gel nge mat’aw nge map’ u lang nga but’ ni bod e n’uw; bayi mab e but’ nge fek, me yib wom’ngin ni puf rogon nge mat’aw. I Gag SOMOL e bay gu gagiyeg nge yodoro’.”

Isaiah 45:24

“Bay rogned ni kemus nu dakenag e rayag ni nga ni mat’aw riy me yib gelngiy riy; machane urngin e girdi’ ni yad ra fanenikayeg e yad ra gafgow ko tamra’.

Isaiah 45:25

I Gag SOMOL e bay gu chuweg urngin e pi’in owchen Jakob u pa’ e to’ogor rorad, ma bay ra pininged e magaer nge sorok ngog.

Isaiah 61:11

I SOMOL ni Th’abi Tolang e bayi ayuweg e girdi’ rok ni bod feni muduwgil nma tugul e awoch nge ga’. Ma urngin e nam ni bayi pining e sorok ngak.

Isaiah 64:8

Machane gur SOMOL e chitamangimad gur. Gamad bod e but’ ni yima ngongliy e th’ib riy, me gur e ga bod e en nma ngongliy e th’ib. Kam sunumiymad,

Isaiah 65:9

Bay gu tow’athnag puyu Israel, ni pi’in nib mu’un ko ganong rok Judah, ma pi’in owchrad e bayi milfan e pi burey rog ngorad. Girdi’ rog ni gu mel’eg, ni yad ma pigpig ngog e bay ra pired u rom.

Ezekiel 34:29

Bay gu pi’ e flang nib yong’ol butan ngorad ma dabkug pag e uyngol ngeb ko fare nam. Ma pi nam e dabkur moning nigedrad bi’id.

Ezekiel 47:7

ma nap’an e gu taw ngaram, mu gguy e gek’iy nib yo’or ni bay u barba’ ngu barba’.

Amos 9:15

Bay gu yung e girdi’ rog nga daken e re nam ni kug pi’ ngorad, ma dab kun pugrad ngalang bayay.” I SOMOL ni Got romed e keyog e pi thin ney.

2 Samuel 7:10

Bay gu duwgiliy bang ni nge par piyu Israel ni girdi’ rog riy, mu gu tayrad ngu’ur pired riy ndakuriy be’ nra pigi cham ngorad. Nap’an nrabad ngalan e re nam ney ma be yib e girdi’ ni kireb i cham ngorad, machane biney e pa’ e bayi tal. Bay gu yororiyem rok urngin e pi to’ogor rom, mug gagiyegnag nge yib e pi’in owchem.

Psalms 37:18

I SOMOL e ma ayuweg e pi’in yad be fol rok, ma binaw e bayi par ni taferad ndariy n’umngin nap’an.

Psalms 37:29

Pi’in yad mmat’aw e bay ra pired u daken fare but’, me par ni taferad ni dariy n’umngin nap’an.

Isaiah 54:17

Machane dariy ba talin e cham nrayag ni nge maad’ad ngom; bay u fulweg rom ngak urngin e pi’in yad ra yog ni gab kireb. Bay gu ayuweg e pi tapigpig rog, mu gu gagiyeg nagrad ngar gelgad.” I SOMOL e keyog e pi thin ney.

Jeremiah 24:6

Bay ug guyrad ma bay gu fulwegrad ko re but’ ney. Bay gu ubungirad ngalang ma dab gu buthugrad nga but’; gu ra yungrad ma dab gu pugrad.

Jeremiah 32:41

Bayi fel’ lanin’ug ngay ko tin nib manigil ni nggu rin’ ngorad, ma bay gu dugliyrad ni dariy n’umngin nap’an u lan e re nam ney.

Ezekiel 11:17

“Ere mog ngorad e n’en ni gu be yog, I gag SOMOL ni Th’abi Tolang. Bay gu kunkunuyrad ko pi nam ni gu weregrad riy, nggu fulwegrad bayay ko fare binaw nu Israel.

Ezekiel 37:25

Bay ra pired ko fare nam ni gu pi’ ngak e tapigpig rog i Jakob, ni fare nam ni i par pi chitamangirad ni kakrom riy. Bay ra pired u rom, ma ku er i tay pifakrad nge urngin e pi’in bay yib ni owcherad ni dariy n’umngin nap’an. Ba pilung ni bod e tapigpig rog i David e bay i gagiyeg nagrad ni dariy n’umngin nap’an.

Obadiah 1:17

“Machane daken e Burey nu Zion e ra mil bochiyad riy, ni aram e gin’en nra par nib thothup. Fapi girdi’ rok Jakob e bay ra tafnayed fare gi but’ nriyad e matawrad ni ngar tafnayed.

Zefaniah 3:13

Girdi’ nu Israel nra magay nib fos e dariy ba kireb ni yad ra rin’ ngak be’, ma dab roged ban’en nib ban, ma ku dab ra guyed rogon ni ngar sasalpiyed ban’en. Bay i fel’ rograd miyad par ndariy ban’en nra buch rorad, ma dariy be’ ni yad ra tamdag ngak.”