Isaiah 60:17 - Bible Ni Thothup

¹⁷ “Bay gu fek e gol i yib ngom ma gathi bronze, Ma silber nge bronze e nge yan luwan e wasey nge rean, Bay gu pi’ e wasey ngom ma gathi malang. Pi pilung rom e dab ku ra gafgow niged gur; Bay gu teg ngorad ngu’ur gagiyeggad u fithik’ e yal’uw nge gapas.

Isaiah 60:17 Referans Kwoze

Hebrews 11:40

ya bay e tin ni kabfel’ ban’en ni kem’ay i leamnag rok Got ni fan ngodad, ni ngad cheaggad ngorad nge fel’ rogodad riy.

Zekariah 12:8

Rofen nem e bayi yoror SOMOL rok e pi’in yad ma par u Jerusalem, mus ko pi’in ntha’bi me’waer u fithik’rad ma bay ra gelgad ni bod David ni immoy. Pi’in owchen David e bay ra gafaliyed yad ni bod ba engel rok Got, ma bod Got.

Isaiah 30:26

Pul e ra ga’ ra’en nge bod e yal’, ma ra’en e yal’ e ra ga’ ni medlip yay nga ra’en ni immoy, ni bod ga’ngin e tamilang u medlip e rran ni kan puthuy nga ta’reb e rran. Ran’ey e ra yodroy ko ngiyal’ nra taflay nge golnag SOMOL e maad’ad ni tay ko girdi’ rok.

Isaiah 1:26

Bay gu pi’ ngomed e pi’in ngu’ur gagiyeg niged gimed nge pi tafanow ni bod pi’in urmed kakrom. Ma aram e bay nog fithingan yu Jerusalem nib binaw nib mat’aw ma ba yul’yul’.”

2 Peter 3:13

Machane ke yog Got ni bay sum e bin nib be’ech e lanelang nge bin nib be’ech e fayleng, ni aram e tin nib mat’aw e ngongol e bay i par riy, ni ireray e pin’en ni gadad be sonnag.

Psalms 147:14

Ir e ma tay e mathilin binaw rom nib gapas. ma chum’er nigem ko tin th’abi fel’ e wheat.

Isaiah 60:16

Pi nam nge pi pilung e bay ur ayuweged gur Ni bod ba matin ni be tathuthnag fak. Ma bay mu nang ni Gag SOMOL e kug chuwegem u pa’ e to’ogor rom, Fare Got nu Israel nib gel gelngin e ke tem nike puf rogom.

Isaiah 60:18

Lingan e cham e gathi bay kun rung’ag; Ma dabki mogoth e nam rom bayay. Bay gu matanagiyem mu gu ayuwegnem ni gu bod ba yoror ngom; Bay mu pining e magaer nge sorok ngog ya kug ayuwegnem.

Daniel 11:20

“Ma bay yib yugu reb e pilung nga luwan, ni bayi l’oeg be’ ni ngi i kunuy e tax ya nge yo’or e salpiy ko nam rok. Dabi n’uw nap’an min li’ fare pilung ngem’, machane gathi bay nli’ ko mael.”

Haggai 2:8

Gubin e silber nge gol u fayleng e fanag.

1 Kings 6:30

Mus ko faraf riy ni ka ni gabdiy e gol nga daken.

Psalms 72:3

Mang e yigi felan’ me man’og e nam; mang e yigi e nang e nam e tin ni bmat’aw.

Isaiah 55:13

Yungi n’en ni go’ pan ni bay rachangalen e bayi tugul e gek’iy ni cypress riy; gek’iy ni myrtle e bayi tugul ko yungi n’en ni immoy e pan riy ni bay rachangalen. Ren’ey e ba pow ni bay i par ndariy n’umngin nap’an, ni ban’en ni ngi i puguran e pin’en ni Gag SOMOL e kug rin’.”