Isaiah 60:16 - Bible Ni Thothup

¹⁶ Pi nam nge pi pilung e bay ur ayuweged gur Ni bod ba matin ni be tathuthnag fak. Ma bay mu nang ni Gag SOMOL e kug chuwegem u pa’ e to’ogor rom, Fare Got nu Israel nib gel gelngin e ke tem nike puf rogom.

Isaiah 60:16 Referans Kwoze

Isaiah 49:23

Ra par e pi pilung ni yad e ra pofed gur, ma pi le’engirad e bay ur tathuth niged gur ni bod rogon e chitiningiy. Bay ra parawgad u p’eowchem ngar ted fam; ma bay ra ted fam u fithik’ e sobut’an’. Ma aram e bay mu nang ni Gag e SOMOL; dariy be’ ni be son nageg ni nggu ayuweg nra m’ingan’.”

Isaiah 66:14

Nap’an ni gimed ra guy ni arrogon ma gimed ra felfelan’; ma ra sulweg gelngimed mi gimed gol bayay. Ma aram e gimed ra nang ni Gag SOMOL ni gu be ayweg e pi’in be fol rog, ma gu be dag e damumuw rog ngak e pi to’ogor rog.”

Isaiah 61:6

Ma bay nnangmed ni gimed e pi prist rok SOMOL, Pi tapigpig ko Got rodad. bayi felan’med ko pi machaf ni felel’ rok e pi nam, me felan’med nike mil suwon ngomed.

Ezekiel 34:30

Urngin e girdi’ ni bay ra nanged ni gag e gu be yoror rok piyu Israel ma yad e girdi’ rog. I Gag SOMOL ni Th’abi Tolang e kugog e pi thin ney.

Isaiah 59:20

Me ga’ar SOMOL ngak e girdi’ rok, “Bay gub nga Jerusalem nggu yoror romed mu gu ayweg e pi’aromed nike pi’ keru’ ko denen rok.

Revelation 21:24

Ma girdi’ ko pi nam nu fayleng e bay uranod u tarama’en, ma pi pilung nu fayleng e bay ra feked e fel’ rogon rorad i yib ngalan.

Revelation 21:26

Ma gilbuguwan nge fel’ rogon rok urngin e pi nam e bay ni fek i yib ngalan e re binaw nem.

Exodus 6:7

Bay gu taymed ni gimed girdi’eg, mu gu par ni kug mang Got romed. Ma bay mu nanged ni gag SOMOL ni Got romed ko ngiyal’ ni bay gu lufmed ko sib ni um ted u lan yu Egypt.

Isaiah 1:24

Ere chiney e ngam telmed ko tin nge yog SOMOL ni Gubin ma Rayag Rok, ni ir fare Got rok yu Israel nrib gel gelngin, be ga’ar, “Bay gu fulweg taban ngomed gimed e pi to’ogor rog, nge dab ku mu k’arnged e damumuw rog nga dakenmed.

Isaiah 12:6

Urngin e girdi’ nma par u Zion e nge tolul ngalang me tang! Got nib thothup rok piyu Israel e ba sorok, mma par u fithik’ e girdi’ rok.”

Isaiah 19:20

Galin’ey e bay i mang pow u lan yu Egypt ni bay SOMOL ni Gubin ma Rayag Rok u rom. Nap’an nra gafgow e girdi’ u rom miyad pining SOMOL ni nge ayuw, ma ra pi’ be’ ni nge aywegrad.

Isaiah 25:9

Nap’an nra yodrom, ma gubin e girdi’ ni bayi ga’ar, “Ir e Got rodad! Kad ted e pagan’ rodad nga daken, ma ke aywegdad ni de buch ban’en rodad. I ir e SOMOL! Kad ted e pagan’ rodad nga daken, ma chiney e kad felfelan’gad ma kad ufgad ni bochan e ke ayuwegdad.”

Isaiah 29:24

Girdi’ ni balyang e bay ra nanged fan ban’en, ma gubin e pi’in gubin ngiyal’ ma yad be gun’gun’ e yad ra felfelan’ ni ngar filed ban’en.”

Isaiah 33:22

Urngin e rigin ni bay u daken e pi barkow nem e ra par nib m’ay fan; ma lay riy e dabiyag ni ngan pithig! Bay da feked gubin fel’ rogon rok e pi to’ogor rodad, ni kaygi pire’ ni mus ko girdi’ ni mugutgut ma yira pi’ e f’oth rorad riy. I SOMOL e ra mang pilung rodad; Ir e bay i gagiyeg nagdad mi i yoror rodad.

Isaiah 43:11

“Kemus ni Gag e SOMOL, kemus ni gag e rayag rog ni nggu ayuwegmed u pa’ e to’ogor romed.

Isaiah 45:15

Fare Got nu Israel ni ir e be ayuweg e girdi’ rok u pa’ e to’ogor rorad e ba Got ndabiyag ni ngan guy.

Isaiah 45:21

Mu feked e oloboch romed i yib nga tafen e puf oloboch, me puruy’ e pi’in ta ayuw u tafen e puf oloboch. I mini’ kakrom e i yi’iynag e n’en ni nge taw ngay? Gathi Gag fare SOMOL, ni fare Got ni ayuweg e girdi’ rok? Dakuriy yugu reb e got ngabang.

Isaiah 60:17

“Bay gu fek e gol i yib ngom ma gathi bronze, Ma silber nge bronze e nge yan luwan e wasey nge rean, Bay gu pi’ e wasey ngom ma gathi malang. Pi pilung rom e dab ku ra gafgow niged gur; Bay gu teg ngorad ngu’ur gagiyeggad u fithik’ e yal’uw nge gapas.

Isaiah 63:8

I SOMOL e ga’ar, “Yad e girdi’ rog, dab ra ban niged gag.” Ma aram me ayuwegrad

Isaiah 63:16

Ya gur e chitamangimad gur. Mus ngak Abraham nge Jakob ni gal ga’ romad ni dabiyag ni ngar ayuwegew gamad, machane gur SOMOL e chitamangimad gur. Ya gur e en ni gubin ngiyal’ ni um chuwegmad u pa’ e to’ogor romad.

Jeremiah 15:21

Bay gu chuwegem u pa’ e girdi’ nib kireb, mu gu ayuwegnem rok e pi’in yad ma gafgownag e girdi’. I Gag SOMOL e kugog e pi thin ney.”

Isaiah 49:26

Bay gu gagiyegnag e pi’in yad be gafgow nigem nge mang yad e ur li’ed yad; gelngin e mathang pogofan nge damumuw ni bayib ngorad e bay ra balyanggad ngay ni gowa karm’ad ko rrum. Ma aram e gubin e girdi’ e bay ra nanged ni Gag e SOMOL, ni gag e gu chuwegmed u pa’ e to’ogor romed. Bay ra nanged ni gag fare Got nu Israel nib gel gelngig.”

Isaiah 52:6

Machane bayi taw nga bangiyal’ ma bay mogned ni Gag e Got, ma kug welthin ngomed.”