Isaiah 60:11 - Bible Ni Thothup

¹¹ Pi garog rom e bay i par nib mab ni rran nge nep’, Ya pi pilung ko pi nam E bay ur feked e machaf rorad i yib ngom.

Isaiah 60:11 Referans Kwoze

Isaiah 60:5

Bay mu guy ni aray rogon me yib e felfelan’ ngom; Bayi mithmith gumircha’em nib gel ni bochan e felfelan’. Fel’ rogon ko pi nam e bay ni fek i yib ngom; Fel’ rogon rorad e bayi th’ab lan e day nge yib ngom.

Isaiah 60:18

Lingan e cham e gathi bay kun rung’ag; Ma dabki mogoth e nam rom bayay. Bay gu matanagiyem mu gu ayuwegnem ni gu bod ba yoror ngom; Bay mu pining e magaer nge sorok ngog ya kug ayuwegnem.

Isaiah 62:10

Gimed e girdi’ nu Jerusalem, marod nga wuru’ e binaw ngam ngongliyed e kanawo’ ni fan ko girdi’ romed ni be sul! Mu falfleged ba kanawo’ nib ga’; magmed chuweg e malang riy! Mi gimed tining e pow riy ngalang ya nge yag ni nge nang e pi nam.

Psalms 149:8

miyad michigiy e pi pilung rorad ko chen, nge pi’in yad ma yog e thin rorad ko chen ni wasey;

Nehemiah 13:19

Ma aram mu gog ni gubin e garog ko fare binaw ma ngan ning u tabolngin gubin e Sabbath, ni yug nap’an nra yan ni nge aw e yal’, ma dab kun bing nge taw ko ngiyal’ nike m’ay fare Sabbath. Gu tay boch e pumo’on ko fapi garog ni ngar guyed ni dakriy ban’en ni ngan fek i yib ngalan fare binaw e rofen ni Sabbath.

Isaiah 24:21

Bay bingyal’ ni be yib ni bayi gechignag SOMOL e pi’in nib gel gelingrad u lang nge pi’in ma tagagiyeg u fayleng.

Isaiah 26:2

Mu bing e pi garog ko fare binaw nge yib e fare nam nib yul’yul’ nga langgin, ni fare nam nib mat’aw ngonglen e girdi’ riy.

Isaiah 56:7

“Bay gu fekmed i yan nga Zion, ko fare burey rog nib thothup, mu gu pi’ e felfelan’ ngomed u lan e naun rog ni yima meybil riy, me fel’ u wun’ug e maligach ni gimed be pi’ u daken e altar rog. Tempel rog e bay ni pining fithingan ni naun ko meybil ni fen e girdi’ u gubin e nam.”

Isaiah 61:6

Ma bay nnangmed ni gimed e pi prist rok SOMOL, Pi tapigpig ko Got rodad. bayi felan’med ko pi machaf ni felel’ rok e pi nam, me felan’med nike mil suwon ngomed.

Isaiah 49:23

Ra par e pi pilung ni yad e ra pofed gur, ma pi le’engirad e bay ur tathuth niged gur ni bod rogon e chitiningiy. Bay ra parawgad u p’eowchem ngar ted fam; ma bay ra ted fam u fithik’ e sobut’an’. Ma aram e bay mu nang ni Gag e SOMOL; dariy be’ ni be son nageg ni nggu ayuweg nra m’ingan’.”