Isaiah 60:10 - Bible Ni Thothup

¹⁰ Be ga’ar SOMOL ngak yu Jerusalem, “Girdi’en yugu boch e nam e bay ra ubunged bayay e yoror rom, Ma pi pilung rorad e bay ur pigpiggad ngom. Gu damumuw ngom mu gu gechig nigem, Ma chiney e bay gu dag ngom ni gab t’uf rog ma gu be runguyem.

Isaiah 60:10 Referans Kwoze

Isaiah 61:5

Girdi’ rog, girdi’en yugu boch e nam e bay ur ayuweged gimed. Bay ra gafaliyed yu ran’ i saf romed, miyad wolduguy e but’ romed ma yad be ayuweg e yungi woldug romed ni grape.

Isaiah 49:23

Ra par e pi pilung ni yad e ra pofed gur, ma pi le’engirad e bay ur tathuth niged gur ni bod rogon e chitiningiy. Bay ra parawgad u p’eowchem ngar ted fam; ma bay ra ted fam u fithik’ e sobut’an’. Ma aram e bay mu nang ni Gag e SOMOL; dariy be’ ni be son nageg ni nggu ayuweg nra m’ingan’.”

Revelation 21:26

Ma gilbuguwan nge fel’ rogon rok urngin e pi nam e bay ni fek i yib ngalan e re binaw nem.

Revelation 21:24

Ma girdi’ ko pi nam nu fayleng e bay uranod u tarama’en, ma pi pilung nu fayleng e bay ra feked e fel’ rogon rorad i yib ngalan.

Zekariah 6:15

Pumo’on ni yad ma par nib palog e bay rabad ngar ayuwgad i toy bayay fare Tempel rok SOMOL. Ma nap’an e ra lebug e maruwel riy, migmed nang ni fare SOMOL ni Gubin ma Rayag Rok e ke l’oegeg ngomed. Yira mu’nag gubin e pin’ey ni fa’anra gimed ra yul’yul’ ngam folgad ko tin keyog SOMOL ni Got romed ni ngan rin’.

Isaiah 60:3

Ma pi nam e bay ra leked rama’em i yib, Ma pi pilung e bay ra leked rama’em i yib ni bod e woch ni puf ngorad!

Isaiah 12:1

Bayib reb e rran ni bayi tang e girdi’ ni yad be ga’ar, “Gu be pining e sorok ngom, SOMOL! Um damumuw ngog, ma chiney e kam fal’eg lanin’ug ma ke chuw e damumuw rom.

Psalms 30:5

Ya damumuw rok e ta’boch ngiyal’, ma feni gol e nap’an e yafos. Ra map e lu’ nnep’, me yib e felelan’ ni kadbul.

Isaiah 66:21

Ma bay gu tay bochi yad ni nge mang prist nge pi Levite.

Psalms 102:13

Bay mu sak’iy nge kireban’um ngak yu Zion; ke taw nga nap’an ni ngan runguy; irera’ ngal’an nike taw ngay.

Isaiah 56:6

Me ga’ar SOMOL ko pi girdi’ nu bang ni kar manged boch e girdi’ rok, nib t’uf rorad miyad ma pigpig ngak, ma yad ma tay fan e Sabbath miyad ba yul’yul’ ko fare m’ag rok:

Isaiah 61:2

Ke l’ugeg ni nggog nike taw nga nap’an ni nge chuweg SOMOL e girdi’ rok u pa’ e to’ogor rorad, me waer e pi to’ogor rorad. Ke l’oegeg ni nggu fal’eg laniyan’ urngin e girdi’ nike gafgow lanin’rad.

Isaiah 64:9

ere dab kum damumuw ngomad nge pag rogon, ara mu leamnag e denen romad ndariy n’umngin nap’an. Gamad e girdi’ rom; mu runguymad.

Joel 2:18

Ma aram me dag SOMOL ni be leamnag e nam rok; ma be runguy e girdi’ rok.