ya ren’en ni ka nib ndag ngalan e tamilang e ra mang tamilang. Aram fan ni kanog ni kan ga’ar, “Mu od, i gur e en ni ga be mol, mu fos u fithik’ e yam’! Me gal ram’en Kristus nga dakenam.”
Ya gimed ma um moyed u fithik’ e lumor, machane nap’an ni mmanged girdi’en Somol ma gimed be par u fithik’ e tamilang. Ere thingar um ngongolgad ni bod rogon e girdi’ nib mil suwrad ko tamilang,
Me non Jesus bayay ngak e girdi’ ni ga’ar, “I gag e tamilang ko girdi’ nu fayleng. En nra i lekeg e ke yag e tamilang ko yafos ngak ma dabki yan u fithik’ e lumor bi’id.”
“Mi gimed fel’ u wan’ug ni bod ram’en e yal’ ni gal nga dakenmed ni kadbul, me papey nge fos e yungi n’en nike maad’ad u dowmed. Ma aram e gubin ngiyal’ ni bay ug par romed ngu’ug ayuwegmed; i gag ni gu bay romed e bay gu mang yoror ngomed.
Ere ku er rogomed ni nge gal ra’emed u p’eowchen e girdi’, ya ngar guyed e tin ni bfel’ ni gimed be rin’ miyad yog e sorok ngak e Chitamangimed ni bay u tharmiy.
Machane gimed e pi’in gimed be fol rog e rayib gelngig nma ayuwegey nga dakenmed ni bod ram’en e yal’, me gol nagmed. Ra puf mat’awmed ma gimed ra felfelan’ ni bod rogon pifak e garbaw nni bing e chum rorad ngranod nga wuru’.
Ma dakuriy e neap’, ma bayi par ndakuriy fan e magal ngorad ara ra’en e yal’, ni bochan e Somol ni Got e bayi mang tamilang ngorad, ma aram e bay ra pired ni kar manged pilung ngu’ur gagiyeggad ndariy n’umngin nap’an.
Mu felfelan’gad ni fa’anra nog e thin nib kireb ngomed ni fan e gimed girdi’en Kristus; ya ra errogon ma fare Kan nib sorok ni aram fare Kan Nthothup rok Got e ke yib nga dakenmed.
nge yag ni mpired ndariy thibngimed ma gimed bmachalbog, ma pifak Got gimed ni gimed ba yal’uw ni gimed be par u fayleng u fithik’ e girdi’ ndar yal’uwgad ma yad ba kireb. Thangri gal rama’emed u fithik’rad ni bod e t’uf ni be gal’ lanelang,
Girdi’ ni yad be par u fithik’ e lumor bay ra guyed ba tamilang ni ba ga’! Nga daken e pi’in be par u fithik’ e lumor ko nam ni yam’, e ke puf e woch u ba tamilang nib ga!”
Girdi’en fare nam ni uranod u fithik’ e lumor e ka ra guyed ba tamilang ni ba ga’ ram’en! Ur pired u lan ba nam u fithik’ e rumug ni yam’, machane chiney e ke gal e tamilang nga dakenrad.
Ba’aray rogon nma yib e gechig: fare tamilang e yib ngak e girdi’ nu fayleng, machane girdi’ e kab t’uf e lumor rorad ko fare tamilang, ya ka yad be rin’ e tin nib kireb.
ni be galgal ram’en nga ram’en Got. Re binaw nem e be galgal ram’en ni gowa malang nib tolang puluwon, ni bod ba malang ni jasper, nra yan e changar u fithik’ ni bod e krystal.
Ma aram u daken fare Burey ni Zion nge daken urngin e pi’in ka ra mu’ulunggad ngaram, e ra pi’ SOMOL bang i manilang ngeb ngay ni rran’ ma nep’ ma ba daromrom nib ga’ nge ath. Muluplup’en Got e ra upnguy me yoror ko fare binaw ni polo’.
Pul e bayi lumor ra’en, me math ra’en e yal’, ni bochan e SOMOL ni Gubin ma Rayag Rok e bayi pilung. Bayi gagiyeg u lan yu Jerusalem u daken e Burey ni Zion, ma pi tayugang’ ko girdi’ e bay ra guyed feni maluplup’.
Bay reb e rran ni be yib ni SOMOL ni Gubin ma Rayag Rok e ra yan i par ni bod ba kiy i floras ni te’eliyaw nrib fel’ ya’an ni fen e tin ni magey e girdi’ rok nde yim’.
Ted ni desert e bayi tang ma be tolulnag e felfelan’; bayi bod feni fel’ ya’an e Burey nu Lebanon, ma ba yong’ol e but’ riy ni bod e ted u Karmel ngu Sharon. Gubin e girdi’ ni bayi guy e muluplup rok SOMOL, nge feni ga’ nge feni gel gelngin.
“I Gag SOMOL e kug piningem ku gu pi’ gelngim ni ngam guy rogon ngam rin’ e tin nib yal’uw u fayleng. Ngug ngongliy bm’ag u thilmad urngin e girdi’ ni nggu rin’ u dakenam; bay gu pi’ e tamilang ngak e pi nam u dakenam.
Bay gu welthin ni nggu pi’ e athamgil nga Jerusalem; dab gu th’ab gulngag nge mada’ ko ngiyal nike thap, ma gel nike tay e ra gal ra’en ni bod ba mol’ nnep’.
Jerusalem, pi nam e bay ra guyed e pi gel ni ka mu tay! Gubin e pilung ko pi nam nem ma bay ra guyed fel’ngim. Bay ni pining reb e ngachal ngom nib be’ech, ni ba ngachal ni SOMOL e pi’.