Isaiah 6:12 - Bible Ni Thothup

¹² Bay gu pi’ e girdi’ riy ngranod ngabang nrib orel me yan i par e re nam ney ni kann’ag.

Isaiah 6:12 Referans Kwoze

Jeremiah 4:29

Ka lingan e girdi’ ni mayan u os nge pi’in nma mun gat’ing ma gubin e girdi’ ni bay ra milgad. Bochiyad e ra mil nga loway; ma boch e bayi goraraw ngalang nga fithik’ e war. Gubin e yochi binaw nra par ni dakriy e girdi’ u langgin, ma dakriy be’ nra yib i par ngalan e pi binaw nem bayay.

Deuteronomy 28:64

“Bayi weregmed SOMOL ko pi nam u baley e fayleng nge mada’ nga baley. Mu rom e bay um pigpiggad riy ngak e pi got nni ngongliy ko gek’iy nge malang, pi got ndawor mu meybilgad ngorad bi’id ma ku eritay e pi chitamangimed kakrom.

Lamentations 5:20

Mangfan ni ar fini n’uw nap’an ni kam fek owchem romad? Mog kagmad ra yib ngan’um bingyal’?

Jeremiah 15:4

Ma bay gu gagiyegnag urngin girdi’en e pi nam nu fayleng ngar rus gad ko tin ke yib ngak piyu Judah, ni bochan e tin ni rin’ Manasseh u lan yu Jerusalem, ni be’ nib mo’on ni fak Hezekiah u nap’an ni Manasseh e pilung nu Judah.”

Jeremiah 12:7

I SOMOL e be ga’ar, “Ku gu n’ag yu Israel; kug furuy fare nam ni gu mel’eg. Fapi girdi’ nib t’uf rog e ku gu pagrad nga tan gelngin e pi to’ogor rorad.

Isaiah 26:15

SOMOL, i gur e ka mu ilalnag e nam romad, ka mu ga’nag u gubin raba’; ma kanog e sorok ngom riy.

2 Kings 25:21

Mu rom u Riblah ko nug nu Hammath e yog e pilung riy ni ngan gafgow nagrad nge mu’ min thang e pogofan rorad. Aray rogon nchuweg e girdi’ nu Judah ko nam rorad min fekrad nga Babylonia ngar kalbusgad.

2 Kings 25:11

Me fek Nebuzaradan nga Babylonia e girdi’ ni magey u lan yu Jerusalem, ni girdi’ ni yad ba salap ko maruwel, nge girdi’ nra milgad ngranod ngak e girdi’ nu Babylonia.

Roma 11:15

Ya nap’an ni n’agrad Got me m’ag Got e fager ngak e tin kabay e girdi’ u fayleng. Ere ra yan i di’in e ngiyal’ ni bay ki fulwegrad Got riy? Ra yan i aw ni bod e yafos ngak e pi’in karm’ad!

Isaiah 5:9

Ku gu rung’ag lungun SOMOL ni Gubin ma Rayag Rok ni be ga’ar, “Urngin e pi naun ney nib ga’ ma ba manigil e ra par nike mogoth ni dakriy gathon.

Isaiah 13:12

Ma pi’in nra magach ni kabfos e ke mom’aw ni ngan piri’egrad boch ko ngan pir’eg e gol.

Jeremiah 52:27

Mu rom u Riblah ko nug nu Hamath e yog e pilung nu Babylon riy ni nga ni toyrad nge mu’ min li’rad ngarm’ad. Ara’ rogon nni fek e girdi’ nu Judah ni kar manged kalbus ngan chuwegrad ko nam rorad.

Zefaniah 1:3

girdi’ ni gubin nge gamanman, arche’ nge nig. Bay gu bucheg wa’athan e pi’in kireb. Bay gu thang mit gubin e girdi’ ni dariy be’ nra par nib fos. I gag SOMOL e kugog e pi thin ney.