Isaiah 59:21 - Bible Ni Thothup

²¹ Mu gu ngongliy bm’ag u thildad: Ku gu pi’ gelngig ngomed nge machib rog ni ngam faned ni manemus, ma chiney i yan ngaram e ngam folgad rog mi gimed fil ngak pifakmed nge pifak pifakmed ni ngar pired ni yad be fol rog ni dariy n’umngin nap’an.”

Isaiah 59:21 Referans Kwoze

Hebrews 10:16

“Be ga’ar Somol: Ireray fare m’ag ni bay gu ngongliy ngorad u tomuren e pi rran nem: Bay gu tay e pi motochiyel rog ngalan gum’ircha’rad, ma bay gu yoloy nga lanin’rad.”

Isaiah 51:16

Gu fileth lanelang mu gu ayliy deaf ko fayleng; gu be ga’ar ngak Jerusalem, ‘Gimed e girdi’ rog! Kug pi’ ngomed e thin rog, ma gu ma yororiy pa’ag ngomed.’”

Isaiah 44:3

“Bay gu pi’ e ran ko fare but’ nike balel, mu gu gagiyegnag yu pa’ i lul’ nge yan u daken e but’ nike mlik. Bay gu pu’og e kan nthothup rog nga daken pifakmed, mu gu fal’eg wa’athan e pi’in owchemed.

John 4:14

machane en nra unum e ran ni gu ra pi’ ngak e dabki sul e belel ngak bayay. Ya ran ni gu ra pi’ ngak e ra ngal’ ni ba alublub u fithik’ i dow, ni ir e bay i pi’ e ran ngak nma pi’ e yafos, me pi’ e yafos ngak ndariy n’umngin nap’an.”

Isaiah 55:3

“Gimed e girdi’ rog, mu telmed, mi gimed yib ngog; mired ngog, me yag e yafos ngomed! Bay gu ngongliy ba m’ag u thildad ni bay i par ni dariy n’umngin nap’an, mu gu pi’ ngomed e pi tow’ath ni gu micheg ngak David.

Roma 8:9

Machane damur ngongolgad ni bod rogon ni be yog e dowef romed ngomed; gimed be ngongol nrogon ni be yog fare Kan ni Thothup ngomed — ni fa’anra riyul’ ni be par e Kan ni Thothup u fithik’med. En ndariy rok fare Kan ni Thothup rok Kristus e gathi reb i girdi’en.

John 3:34

En ni Got e ke l’oeg ke yib e be weliy e thin rok Got; ya Got e ke pi’ fare Kan ni Thothup rok ngak ni polo’.

John 7:39

I yog Jesus e re bugithin ney ni aram e murung’agen fare Kan ni Thothup nike chugur ni nge yib ngak e pi’in ke mich Jesus u wun’rad. Re ngiyal’ i nem e dawori pi’ Got fare Kan ni Thothup nge yib ko girdi’, ya dawor ni faseg Jesus ko yam’ nge yan ko fla’ab u tharmiy.

Isaiah 49:8

SOMOL e be ga’ar ngak e girdi’ rok, “Ra taw ko ngiyal’ ni nggu ayuwegmed ma bay gu runguymed, mu gu fulweg lungmed ni gimed be wenig ngog ni nggu ayuwegmed. Bay gu matanagiymed mu gu yoror romed, mu dakenmed e ngu ngongliy ba m’ag riy ngak urngin e girdi’. Bay gu fulwegmed bayay ngalan e nam romed nike par e chiney ni kann’ag.

2 Korinth 3:8

me ere ri kab gel feni galgal ram’en e ayuw ni be tay fare Kan Nthothup ngak e girdi’!

John 1:33

I mada’ ko re ngiyal’nem ma ka dawor gu nang ko ir mini’, machane Got, ni ir e l’oegeg ni nggu tawfenag e girdi’ ko ran, e ir e ga’ar ngog, ‘Bay mu guy fare Kan Nthothup ni bay yib u lanelang nga but’ nge yib i par nga daken be’ nib mo’on; i ir fa’anem nma tawfe ko fare Kan Nthothup.’ ”

John 17:8

Ya kug weliy ngorad e thin ni mog ngog ni nggog ngorad kar folgad riy, ma kar nanged nriyul’ ni gub rom, ma ke mich u wun’rad ni gur e ka mol’oegeg ku gub.

John 8:38

Gu be weliy murung’agen e n’en nike dag e Chitamag ngog, machane gimed be rin’ e tin ni chitamangimed e keyog ngomed.”

Roma 11:27

Bay gu ngongliy e re m’ag ney ngorad ko ngiyal’ ni bay gu chuweg e denen rorad.”

Exodus 4:15

Rayag ni mu welthin ngak ma ga weliy ngak e n’en ni nge yog. Bay gu ayuwegmew ngam welthingow, mu gog ngomew e n’en ni ngam rin’ew.

Isaiah 32:15

Machane bay ki pi’ Got ngodad e kan nthothup rok. Ma yungi ted nder tugul ban’en riy e bayi yong’ol, ma yungi woldug e bayi yib e ggan ngay ni pire’.

Isaiah 40:8

Errogon, pan e ma mororoy ma floras e ma kireb ra’en, machane thin rok e Got rodad e dabi thil bi’id!”

Isaiah 42:1

Be ga’ar SOMOL, “Ba’aray e tapigpig rog ni ku gu pi’ gelngin, ni fa’anem ni gag e kug turguy ni ir e bfel’ u wun’ug. Ku gu suguy ko kan nthothup rog, bayi fek e tin nib yal’uw i yib ngak urngin e nam.

Isaiah 54:10

Pi burey nge yungi ted e rayag ni nge puth, machane rogon nri gab t’uf rog e dariy e rofen nra mus; m’ag ko gapas ni kug micheg ngom e bay i par u gil’ ndariy n’umngin nap’an.” Irera’ rogon nike yog SOMOL ni ri gab t’uf rok.

Isaiah 55:11

Ku aram rogon e thin nma yib u l’ugunag, ndabiyag ni nge dabi rin’ e tin nike m’ay i leamnag rog; ya ra rin’ urngin ban’en ni kug l’oeg ni nge rin’.

Isaiah 57:19

Ma bay gu pi’ e gapas ngak gubin e girdi’, ni tin yad ba chugur nge tin yad bpalog! Bay gu golnag e girdi’ rog.

Psalms 119:43

Mu pi’ gelngig ni tin riyul’ e ngi i yib u langag ni gubin ngiyal’, ni bochan e be lagan’ug ko tin ka mu tiriggiliy.

Proverbs 7:3

Um tay ngan’um ni gubin ngiyal’ e tin ku gu machibnag, ma ga yoloy nga lanin’um.

Isaiah 66:22

“Nri bod e bin nib be’ech e fayleng nge bin be’ech e tharmiy nra par nib muduwgil ni bochan gelngig, ere pi’in owchemed nge fithingmed e yad ra par ni yad muduwgil.

Jeremiah 1:9

Me k’iyag SOMOL pa’ nge math nga dap’il’ugunag, me ga’ar ngog, “Mmotoyil, bay gu tay e thin nga langam.