Isaiah 59:1 - Bible Ni Thothup

¹ Dab mu leamnag ni SOMOL e kaygi me’waer ni nge aywegnem fa kari bling ni nde rung’ag lamam ni ga be ning e ayuw!

Isaiah 59:1 Referans Kwoze

Jeremiah 32:17

“SOMOL, Ntha’bi Tolang, I gur e mu sunmiy e fayleng nge lanelang nga gelngim nib gel; ya dariy ban’en nib mom’aw ngom.

Isaiah 50:2

“Mang ni de sap e girdi’ rog ngog nnap’an ni gu wan ni nggu aywegrad? Mang ni gu piningrad ma dar fulweged lungug? Gur kayiggu waer ni nggu ayuwegrad? Ta’abbug e thin e gu ra yog me mlik’ e regur me pig e yupa’ i lul’ nge bod daken e ted nib fengfeng; nig ni bay riy e ra yim’ ya dakriy e ran riy.

Numbers 11:23

Me fulweg SOMOL ni ga’ar, “Gur bay ban’en ndabiyag rog? Daba’ e bay mu guy ko ra yib i m’ug nib riyul’ e tin kugog ngom fa dangay!”

Isaiah 65:24

Ra dawor ra mu’gad ko meybil ngog, mu gu fulweg taban e meybil rorad.

Hebrews 7:25

Ere chiney nge gubin ngiyal’ e rayag rok ni nge thapeg ngak Got e pi’in yad ra yib ngak Got u daken, ni bochan e bay i par nib fos ni dariy n’umngin nap’an, ngi i wenignagrad ngak Got.

Matthew 13:15

Ya lolugen e pi girdi’ ney e bm’urm’ur; ya kar ninged telrad, ma kar moleged owcherad. Ya fa’an mang e n’en ma ke guy lan owcherad ban’en, ma ke yag ni rung’ag telrad ban’en, ma sana ke yag ni nang lanin’rad fan ban’en ma sana ke yag nra pigichealgad ngog, ngug gol nagrad.’ Aray rogon e thin ni yog Got.

Genesis 18:14

Gur bay ban’en nrib mo’maw’ u puluwon SOMOL? Bayi taw nga nap’an, ni aram e ke mereb e pul ma bay gu sul, ma aram e bayi gargel Sarah ni bochi pagel.”

Isaiah 58:9

Ma gimed ra meybil ngog, ma gu ra fulweg taban e meybil romed. Ma gimed ra piningeg mra lungug, ‘Gub aray.’ “Fa’an gimed ra taleg e gafgow ni gimed be tay ngak yugu boch e girdi’ nge moning nge urngin yu bugithin nib kireb ni be yib u l’ugunmed nga but’;

Isaiah 6:10

Me ga’ar ngog, “Mu mur’mur’nag lolugen e pi girdi’ ney, ma ga ning telrad nge owcherad, nge dab ku ra guyed ara rrung’aged ban’en ara ra nanged fan ban’en. Ya ra dangay ma yad ra yib ngog miyad gol.”

Isaiah 63:1

“Mini’ e cha’nem ni be yib u Bozrah ko binaw nu Edom? Mini’ e cha’nem nike yin’ e mad ni row nrib gamog, ni be yib ni bay gelngin nib gel?” Ir SOMOL ni bay gelngin nira ayuw, nike yib ni nge yog nike gel.

Jeremiah 14:9

Mangfan ni ka mu bod be’ nike gin ngomad, ni bod ba salthaw ni dakriy gelngin ni nge pi e ayuw? Rriyul’ SOMOL ni ga bay romad! Gamad e girdi’ rom; are dab mu n’agmad.’”

Ezekiel 8:18

Bay ra thamiyed ga’ngin gelngin e damumuw rog. Dab gu pag bagyad nib fos fa gudag boch’uw e murnguy ngak bagyad. Bay ra meybilgad ngog ni yad be tolul ni kari musmus ga’ngin lungrad, machane dab gu motoyil ngorad.”

Mikah 2:7

Mog, ke bucheg Got wa’athan e girdi’ nu Israel? Mog, kem’ay e gumaen’ rok SOMOL? Gur riyul’ nra rin’ e pin’ir ni ga be weliy? Gathi ma non nib sumunguy ngak e pi’in yad be rin’ e tin nib mat’aw?”

1 Samuel 4:3

Ma fa’ani sul e tin ni magey e salthaw ko gin yad be par riy, me ga’ar e pi’in pi’lal nu Israel, “Gur mangfan nike pag SOMOL e pi Filistine kar gelgad ngodad e daba’? Ngdarod nga Shiloh ngad feked fare Kahol ko M’ag rok SOMOL nge un ngodad nge ayuwegdad u pa’ e pi to’ogor rodad.”

1 Samuel 8:18

Ra yan i taw ko ngiyal’nem ma rib gel e gun’gun’ ni bay um ted ni bochan e pilung romed, niki gimed e mu duwgiliyed, machane SOMOL e dabi motoyil ko gun’gun’ romed.”

Psalms 94:9

Got e ngongliy teldad, ere der rung’ag ban’en? Ma ir e ke sunumiy lan owchey, ere der guy ban’en?

Isaiah 50:1

Be ga’ar SOMOL, “Mogned, gimed be finey ma gu n’agmed e girdi’ rog ni bod be’ ni n’ag le’engin? Ere bu uw babyoren e machuw? Gimed be finey ma gu pi’med nchuway’ ngam kalbusgad ni bod be’ nib mo’on ni pi’ pifak nchuway’ ngar manged sib? Danga’, ni fekmed nga reb e nam ngan kalbus nagmed ni bochan e denen romed; ni fekmed ngam marod ni bochan e kireb romed.