Isaiah 58:8 - Bible Ni Thothup

⁸ “Mi gimed fel’ u wan’ug ni bod ram’en e yal’ ni gal nga dakenmed ni kadbul, me papey nge fos e yungi n’en nike maad’ad u dowmed. Ma aram e gubin ngiyal’ ni bay ug par romed ngu’ug ayuwegmed; i gag ni gu bay romed e bay gu mang yoror ngomed.

Isaiah 58:8 Referans Kwoze

Isaiah 52:12

Yaney e dab kum chuwgad ni gimed ba gur; ma gathi bay mu guyed rogon ni ngam thaygad! I SOMOL ni Got romed e bayi pow’iymed me yoror romed u gubin yang.

Jeremiah 33:6

Machane bay gu golnag e re binaw ney nge girdi’ riy mu gu chuweg e m’ar rorad. Bay gu pi’ e gapas ngorad nge yan i mus nga rogon ma dabi buch ban’en rorad.

Psalms 37:6

me gagiyegnag pangim nib mat’aw nge gal ni bod ram’en e yal’ ni misiw’.

Jeremiah 30:17

Bay ggol nagmed bayay; ma bay gu faseg e maad’ad u dowmed, ya pi to’ogor romed e yad be ga’ar, ‘Zion e kan tharbeg; ni dakriy be’ nma leamnag murung’agen.’ I Gag SOMOL e kugog e pi thin ney.”

Psalms 85:13

Mat’aw e ra yan nga p’eowchen SOMOL nge fal’eg rogon kanawo’en.

Malaki 4:2

Machane gimed e pi’in gimed be fol rog e rayib gelngig nma ayuwegey nga dakenmed ni bod ram’en e yal’, me gol nagmed. Ra puf mat’awmed ma gimed ra felfelan’ ni bod rogon pifak e garbaw nni bing e chum rorad ngranod nga wuru’.

Acts 10:35

En ni bay madgun Got u wan’ ma be rin’ e tin nib mat’aw e ra i par ni bfel’ u wan’ Got ndemturug ko be’ u kun nam.

Exodus 14:19

Fare engel rok Got, ni ir e i yan ni be m’on rok piyu Israel e thiliyeg gil’ nge yan nga tomur rorad. Fare gi manileng nib k’iy ngalang ni bay u m’on rorad e n’ag gil’ nge yan i par nga wuryel rorad.

Proverbs 4:18

Fare pa’ i kanawo’ nma yan e girdi’ nib mat’aw u daken e bod e yal’ ni nge m’ug, ni be ga’ ra’en i yan nge mada’ ko ngiyal’ ni kari rran.

Psalms 97:11

Tamilang e be mat’ nga daken e pi’in bmat’aw, ma be felfelan’ e pi’in ba yal’uw gumircha’rad.

Hosea 14:4

Be ga’ar SOMOL, “Bay gu fulweg e girdi’ rog ngog. Ma bay ra pired nri yad ba t’uf rog, ya dakugur damumuw ngorad.

BABYOR NI JOB 11:17

Yafos rom e bay i ga’ ra’en ko yal’ ni misiw’, ma pi awa nth’abi lumor u lan e yafos ra gal ram’en ni bod ni puf e woch’.

Isaiah 57:18

“Kug guy rogon ni yad be ngongol, machane bay ggol nagrad. Bay gu pow’iyrad mu gu ayuwegrad, ma bay gu fel’eg laniyan’ e pi’in ke kireban’rad.

Isaiah 30:26

Pul e ra ga’ ra’en nge bod e yal’, ma ra’en e yal’ e ra ga’ ni medlip yay nga ra’en ni immoy, ni bod ga’ngin e tamilang u medlip e rran ni kan puthuy nga ta’reb e rran. Ran’ey e ra yodroy ko ngiyal’ nra taflay nge golnag SOMOL e maad’ad ni tay ko girdi’ rok.

Psalms 112:4

Ke yib e tamilang nga fithik’ lumor ni fan ko girdi’ ni bfel’, ni fan ko pi’in nib marnguy, ma ba gol, ma ba yol’uw.

Acts 10:31

me ga’ar, Kornelius! Ke rung’ag Got e meybil rom, ma manang e maruwel ni kam tay ni ga be ayuweg e pi’in gafgow.

Acts 10:4

Me lik’ath ngak fare engel nike tamdag me ga’ar, “Be mang?” Me fulweg fare engel ni ga’ar, “Got e bfel’ u wan’ e meybil rom nge maruwel ni kam tay ni ga be ayuweg e pi’in gafgow, ma be leam nigem.

Matthew 13:15

Ya lolugen e pi girdi’ ney e bm’urm’ur; ya kar ninged telrad, ma kar moleged owcherad. Ya fa’an mang e n’en ma ke guy lan owcherad ban’en, ma ke yag ni rung’ag telrad ban’en, ma sana ke yag ni nang lanin’rad fan ban’en ma sana ke yag nra pigichealgad ngog, ngug gol nagrad.’ Aray rogon e thin ni yog Got.

Isaiah 26:2

Mu bing e pi garog ko fare binaw nge yib e fare nam nib yul’yul’ nga langgin, ni fare nam nib mat’aw ngonglen e girdi’ riy.

Isaiah 33:24

Dariy be’ ni be par u lan e nam rodad ni bayki yog nib m’ar, ma denen e kem’ay i n’ag fan ni urngin.

Isaiah 60:1

Jerusalem, mu od, nge gal rama’em ni bod e yal’; Ram’en SOMOL e ke gal nga dakenam!

Isaiah 62:1

Bay gu welthin ni nggu pi’ e athamgil nga Jerusalem; dab gu th’ab gulngag nge mada’ ko ngiyal nike thap, ma gel nike tay e ra gal ra’en ni bod ba mol’ nnep’.

Proverbs 11:17

Bfel’ ngom ni ga ra gol. Ma fa’anra damur runguy be’, ma kemus ni gur e ngam gafgow nigem.

Proverbs 11:25

Nge puf pa’am, me aram e ra fel’ rogom. Mu ayweg boch e girdi’ mi ni aywegem.

Isaiah 60:2

Yugu boch e nam e bay ra pired u fithik’ e lumor, Machane gur e bayi gal ram’en SOMOL nga dakenam; Ir ni bay rom e bayi gal ram’en rom!