Isaiah 58:10 - Bible Ni Thothup

¹⁰ fa’an gimed ra pi’ e ggan ngak e pi’in ndariy ban’en ni ngar ked, mi gimed ayuweg e pi’in ni dabisiy ni ngan ayuwegrad, ma aram e lumor ni kam pired nga fithik’ e ra ngal’ ni tamilang ni bod lukngun e misiw’.

Isaiah 58:10 Referans Kwoze

Isaiah 42:16

“Girdi’ rog ni yad ba ma’ew e bay gu pow’iyrad u daken yu pa’ i kanawo’ ndawor ra milekaggad riy. Lumor ni yad be par u fithik’ e bay gu pingeg nge ngal’ ni tamilang, ma yungi n’en nib mododongol ni bay nga m’on rorad e bay gu pacheag. Pin’ey e gu micheg, ni ri gu ra rin’.

Psalms 37:6

me gagiyegnag pangim nib mat’aw nge gal ni bod ram’en e yal’ ni misiw’.

BABYOR NI JOB 11:17

Yafos rom e bay i ga’ ra’en ko yal’ ni misiw’, ma pi awa nth’abi lumor u lan e yafos ra gal ram’en ni bod ni puf e woch’.

Luke 18:22

Ma fa’ani rung’ag Jesus ni aram rogon me ga’ar ngak, “Ka bay ta’a ban’en ni ngam rin’. Mpi’ ni chuway’ urngin ban’en ni bay rom ma ga fek e salpiy riy ngam pi’ ngak e pi’in yad ba gafgow, ma aram e ke yag e fla’ab ngom u tharmiy; ma ga yib ngam un ngog.”

Proverbs 14:31

Fa’an ga ra gafgownag e girdi’ ni dariy ban’en rok, ma ga be togopluw ngak fare Got ni sunmegrad, machane ga ra gol ngak e pi’in ndariy ban’en rorad ma aram ngonglen e liyor.

Isaiah 29:18

Ra taw ko rofen nem, ma pi’in yad bbiling e yad ra rung’ag e tin yibe be’eg u babyor nib ga’ lunguy, ma pi’in ma’ew ni ur pired u fithik’ e lumor e ra mab owcharad ngar guyed ban’en.

Proverbs 28:27

En ma gol ko pi’in gafgow e dabi gafgow bingyal’, machane fa’an ga ra fek owchem ko pi’in gafgow, ma bo’or e girdi’ ni yad ra athpagem nga kireb.

Psalms 41:1

Nge falan’ e pi’in ma magfan’rad ko pi’in gafgow; ya SOMOL e ra aywegrad ko ngiyal’ nike yib e oloboch ngorad.

Isaiah 60:2

Yugu boch e nam e bay ra pired u fithik’ e lumor, Machane gur e bayi gal ram’en SOMOL nga dakenam; Ir ni bay rom e bayi gal ram’en rom!

Ezekiel 18:16

ara gafgownag be’, ara iring ban’en rok be’ u fithik’ e yargel. Mma fulweg e n’en ke pi’ be’ ngak ni mich ko n’en nike yib i ning ngak ni nge maruwel ngay nge mu’ me fulweg. Mma pi’ e ggan ngak e en ke yim’ ko bilig, mma pi’ e mad ngak e en ndariy e mad rok.

Zekariah 6:15

Pumo’on ni yad ma par nib palog e bay rabad ngar ayuwgad i toy bayay fare Tempel rok SOMOL. Ma nap’an e ra lebug e maruwel riy, migmed nang ni fare SOMOL ni Gubin ma Rayag Rok e ke l’oegeg ngomed. Yira mu’nag gubin e pin’ey ni fa’anra gimed ra yul’yul’ ngam folgad ko tin keyog SOMOL ni Got romed ni ngan rin’.

Zekariah 14:7

ma ku dabki nep’. Yug bay i par nib rran, ni mus ko ngiyal’ nma nep’ riy. Re ngiyal’ nra yodrom e pin’ey e kemus ni go’ SOMOL e manang.

Deuteronomy 15:4

“I SOMOL ni Got romed e bayi fal’eg wa’athmed u lan fare nam ni nge pi’ ngomed. Dariy ta’abe’ u fithik’ e pi girdi’ romed nra gafgow

BABYOR NI JOB 31:31

Urngin e pumo’on ni yad be maruwel rog e yad manang ni gubin ngiyal’ ni gu ma ayweg e pi milekag.

Psalms 112:4

Ke yib e tamilang nga fithik’ lumor ni fan ko girdi’ ni bfel’, ni fan ko pi’in nib marnguy, ma ba gol, ma ba yol’uw.