Isaiah 57:5 - Bible Ni Thothup

⁵ Gimed ma tay fan e pi got ko yong’ol ni gimed ma ngongliy e ngongol ni darngal u tan fa yuke gek’iy romed nib machmach. Ma gimed be pi’ pifakmed ni maligach u tan e war u charen e lul’.

Isaiah 57:5 Referans Kwoze

Ezekiel 16:20

“Ma aram ma ga fek pifakam ni pumo’on nge ppin nim diyen nagrad rog ngam pi’rad ni maligach ko liyos. Dawori gaman gelngin e kireb riy ni da mur yul’yul’ ngog,

Isaiah 1:29

Bay mu pilgad ngan’med ni um meybilgad ko pi gek’iy ma gimed be yung yungi milay’ nib tabgul.

Jeremiah 7:31

Ka ra ubunged ba altar ni Tofeth fithingan ngalan e Loway ni Hinnom, ni fan e ngu’ur li’ed pifakrad ni pumo’on nge ppin ngu’ur urfiyed ngar pi’ed ni maligach. Da gu ning chiylen ngorad ni ngu’ur rin’ed e binem e pa’, ma ku de pat ngan’ug.

Jeremiah 3:13

Kemus ni ngamog ni rriyul’ ni gur e ba kireb e rom ma rriyul’ ni ku’um togopluw ngak SOMOL ni Got rom. Mog nga tamilang ni tanggin urngin e gik’iy nib galunglung ma um t’ufeg yug boch e got nu bang riy ni da kum fol ko tin gog. I Gag SOMOL e gu be non.

Jeremiah 2:20

I SOMOL ni Th abi Tolang e ga’ar, “Israel, ka ba kakrom ni mu n’ag e thin rog; ma ga siyeg ni ngam folwok rog ara mu liyor ngog. U daken urngin e burey nib tolang ngu tan urngin e yu ke gek’iy e u mu tay fan riy bogi got ko yong’ol.

2 Kings 23:10

miki kirebnag Josiah ni Pilung yu Tofeth ni bay u lan e loway u Hinnom, ni yima meybil riy ngak yugu reb e got, ni fan e nge dakuriy be’ ni nge pi’ fak ni pumo’on ara ppin nga ni urfiy u rom ni maligach ngak fare got ni Molek.

Levitikus 18:21

Dab mu pi’ fakam ni fan ko tayfan ni yima tay ngak fare got ni Molek, ya ra dariy fannag fithingan Got ni ir e SOMOL.

Revelation 18:3

Ya ke pi’ e wayin rok ngak urngin e girdi’ ko pi nam kar unumed, ni fare wayin ko darngal rok nib gel. Pi pilung nu fayleng e kar uned ngak kar ngongliyed e ngongol ko darngal. Ma girdi’en e tafolchuway’ e yo’or salpiyrad ko darngal rok ndabiyag ni nge gafaliy ir riy.”

Ezekiel 20:31

Mus ko bin daba’ e rran ma kigimed be pi’ fapi tow’ath ma kigimed be alit niged gimed ko fapi liyos, ni gimed be maligachnag pifakmed ngorad u fithik’ e nifiy. Ma kigimed be yib piyu Israel ni gimed be fith lanin’ug! Bod feni bmich ni Gag SOMOL ni Th’abi Tolang ni Gag fare Got ni gu be par ni gub fos, e aram feni dab kug pagmed ngam fithed ban’en ngog.

Ezekiel 20:26

Gu pagrad ngu’ur alit niged yad ko pi maligach rorad, mu gu digeyrad ngu’ur maligachgad ko tin nganni’ e pagel u pifakrad. Irera’ e gechig ni gu tay ngorad ni nge dag ngorad ni Gag SOMOL.

Ezekiel 6:13

Ma ldow e bayi wear u fithik’ fapi liyos nge to’oben e altar i yan, ngu daken nochi burey, nge daken urngin e burey nib ga’, ngu tanggin urngin kaen e gak’iy nge gek’iy ni oak, ngu lan urngin e yungi n’en ni yad ma orfeg e maligach rorad riy ni fan ko liyos. Ma aram e bayi nang urngin e girdi’ ni gubin ni Gag SOMOL.

Jeremiah 51:7

Babylon e ke bod ba kap nib gol u lan pa’ag, ni be chingaw’nag ga’ngin e fayleng. Pi nam ni unum e wayin u langgin e math lanin’rad.

Jeremiah 50:38

Mu pi’ e yal’ ko but’ riy ngam mlik’nag e yupa’ i lul’ riy. Babylon e ba nam nib k’artamdag e pi liyos riy ni yad ma bannag e girdi’.

Jeremiah 32:35

Ka ra toyed e altar ni fen Baal u lan e yiy u Hinnom, ni ngar pi’ed pifakrad ni pumo’on nge ppin ni maligach ko fare got ni Molek. Da gog ngorad ban’en ni ngar rin’ed ni aray rogon, ma ku detun ngan’ug ni yad ra rin’ ban’en ni aray rogon nge waliy e girdi’ nu Judah nge denen.”

Jeremiah 17:2

Girdi’ rom e yad be meybil ko pi altar nge ngak fare ya’an Asherah ni kan suweg ngalang u to’oben gubin kaen e gek’iy nib galunglung nge daken p’ebgul e yochi burey

Jeremiah 3:6

Nap’an nib pilung Josiah, me ga’ar SOMOL ngog, “Kam guy e n’en ke rin’ Israel ni fare pin ni de yul’yul’? Ke cheal rog nga orel, ma gubin pe’bugul e yochi burey nge gubin tanggin e yuke gek’iy nib galunglung ma be ngongol riy ni bod be’ nma chuway’ ngak.

2 Kronicles 28:3

me urfiy e incense u lan e Loway ni Hinnom, ma mus nga pifak ni pumo’on me pi’ ni maligach ni mo’oruf ngak bogi liyos, be yan u ya’an e pin’en nib sonogor ni i rin’ e girdi’ nike tulufrad SOMOL nga wuru’ fare nam nu Israel u m’on nrabad ra tafnayed.

2 Kings 17:10

U daken urngin yang e ted ngu tanggin urngin kaen e gek’iy nib taglul’ ni kar n’ufed e yu raba’ i malang riy ngalang nge bogi liyos ni ya’an fare got ni bpin ni Asherah,

1 Kings 14:23

Ra ngongliyed tagil’ e tayfan ngak boch e got ni go’ bogi ban’en, miyad n’uf yugaf i malang nge bogi pow rok Asherah ni ngu’un tayfan u daken yochi burey ngu tanggin yuke gek’iy nib taglul’.

Deuteronomy 12:2

Re nam nem ni ngam koled, e ngam kireb niged e yungi n’en nma yan e girdi’ ngay ngu’ur meybilgad ngak e pi got rorad, ni yungi n’em e bay u daken e pi burey nib tolang, nge yochi burey, nge tanggin yu ke gek’iy nib yo’or yuwan.

Numbers 25:6

Ma bay be’ nib mo’on nu Israel ni fek be’ ni bpin nu Midian nga langgin e Tent rok u p’eowchen Moses nge gubin fapi girdi’, ko ngiyal’ ni ba’aram ni yad be siro’ u fithik’ e meyor u langan e mab ko fare Tent u p’eowchen SOMOL.

Exodus 32:6

Me reb e rran riy nri kab kadbul miyad pi’ e maligach ni mo’oruf, miyad fek i yib e maligach nma gapaseg thilin Got nge girdi’; miyad par nga but’ ngu’ur abichgad ma yad be garbad, miyad cheal ngu’ur rin’ed e tin galong ma yad be chingnag.

Ezekiel 20:28

Gu fekrad i yan ko fare nam ni gu micheg ni bay gu pi’ ngorad. Nap’an ni rguyed e burey ni totolang nge gek’iy nib galunglung miyad pi’ e maligach ko yungi n’em. Miyad k’aring e damumuw ngog ko maligach ni yad be urfiy nge wayin ni yad be fek i yib ni maligach.

2 Kings 17:7

I waer yu Samaria ni bochan e denen yu Israel nib togopluw ku SOMOL ni Got rorad, ni ir e ayuwegrad u pa’ fare pilung nu Egypt nge pow’iyrad nga wuru’ yu Egypt. Yad be tay fan yug boch e got,