Isaiah 57:20 - Bible Ni Thothup

²⁰ Machane girdi’ nib kireb e yad bod e day nib mayko’, ni dar aw e mocha’ ko n’ew riy, ni be fek i yib e duwor nge rungdu’.

Isaiah 57:20 Referans Kwoze

Isaiah 3:11

Machane girdi’ nib kireb e gafgow yad; ya tin ur bucheged rok boch e girdi’ e nge buch rorad e chiney.

Jude 1:12

Yad bod yu yang i alit u fithik’med ko ngiyal’ ni kam ted bochi abich riy ni yad be abich ma yad be garbod ma yad be nonnon ni gathi yad be leamnag laniyan’ be’ ma darir tamra’gad ko ngongol ni yad be rin’; ma kemus ni go’ yad e yad be leam niged yad. Yad bod e manileng ni be fek e nifeng i yan ma der pi’ e n’uw. Ma yad bod e gek’iy nder yib wom’ngin ni mus ko ngiyal’ nma yib e galowog riy, ni gek’iy ni kan pug lik’ngin ngalang ke l’ud.

Jude 1:13

Yad bod e n’ew ni gagang’ ley u maday, ni be m’ug pangirad ni yima tamra’ ngay ni bod feni gagiyel e wuth ko n’ew. Yad bod e t’uf nma n’ag gil’, ma ke tay Got tagil’rad ni ngar pired u fithik’ e rumug ni yam’ ndariy n’umngin nap’an.

Isaiah 3:9

Changar ni fanenikan u owcharad e ke dag e kireb rorad. Denen ni yad be tay e ba gagyal ni bod ni i rin’ e girdi’ nu Sodom. Kar riya’gad, ni yad e kar girngiyed e riya’ nga dakenrad.

Isaiah 59:8

ra ga bay ma dariy be’ nra pagan’ ya gubin e tin ni ga ma rin’ e de mat’aw. Ga ma lek ba kanawo’ ni ba daldalib, ma dariy be’ nra yan riy nra par ni dabi buch ban’en rok.

Jeremiah 49:23

Irera’ e n’en ni yog SOMOL u murung’agen yu Damascus: “Girdi’ u lan e pi binaw nu Hamath ngu Arpad e kar rus gad ma ke wagagay lanin’rad ko tin kar rung’aged. Gafgowan’ e be lobeb u dakanrad ni bod e n’ew, ni dakir paslag lanin’rad.

2 Kings 6:11

Pilung nu Syria e dabuy e ren’em; me pining e pi tolang ko salthaw rok, me fithrad ni ga’ar, “Mini’ romed e ba fol ngak e pilung nu Israel?”

Isaiah 48:22

Be ga’ar SOMOL, “Dariy ban’en nra ayweg e pi’in tadenen.”