Isaiah 57:18 - Bible Ni Thothup

¹⁸ “Kug guy rogon ni yad be ngongol, machane bay ggol nagrad. Bay gu pow’iyrad mu gu ayuwegrad, ma bay gu fel’eg laniyan’ e pi’in ke kireban’rad.

Isaiah 57:18 Referans Kwoze

Jeremiah 33:6

Machane bay gu golnag e re binaw ney nge girdi’ riy mu gu chuweg e m’ar rorad. Bay gu pi’ e gapas ngorad nge yan i mus nga rogon ma dabi buch ban’en rorad.

Revelation 7:17

ya fare Fak e Saf ni bay u lulukngun i tagil’ e ir e bay i gafaliyrad ni bod e en nma gafaliy e saf, me pow’iyrad ko fapi alublub ni bay e ran ko yafos riy; ma bay n’ag Got e lu’ u owcherad.”

Jeremiah 3:22

Msulod, gimed urngin e pi’in ka mu pi’ed keru’med ku SOMOL; ra gol nagmed me gagiyeg nagmed ngam yul’yul’gad ngak. Gimed be ga’ar, “Arogon, ngu sulod ngak SOMOL ni bochan e ir e Got romad.

Jeremiah 31:3

mu gu par u palog nggu m’ug ngorad. Gimed e girdi’ nu Israel, gubin ngiyal’ ni ug par ni gimed ba t’uf rog, ere bay ug par ni gu be dag ngomed e t’ufeg rog ni dabimus.

Jeremiah 13:17

Fa’anra dab mmotoyil gad, ma bay gu yor nib mith ni bochan fanmed tolngan’; bay gu yor u fithik’ e m’ingan’, nge map’ lu’ag ni bochan e girdi’ rok SOMOL ni ka ni fekrad nga bang ni kalbus.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Isaiah 49:10

ni dabki yib e bilig nge belel ngorad. Yal’ nge gowelngin e yal’ u lan e ted ni desert e dab ku ra gafgowgad riy, ya fa’anem ni yad bt’uf rok e bay i pow’iyrad. Bayi pow’iyrad nga bogi alublub.

Isaiah 30:26

Pul e ra ga’ ra’en nge bod e yal’, ma ra’en e yal’ e ra ga’ ni medlip yay nga ra’en ni immoy, ni bod ga’ngin e tamilang u medlip e rran ni kan puthuy nga ta’reb e rran. Ran’ey e ra yodroy ko ngiyal’ nra taflay nge golnag SOMOL e maad’ad ni tay ko girdi’ rok.

Isaiah 12:1

Bayib reb e rran ni bayi tang e girdi’ ni yad be ga’ar, “Gu be pining e sorok ngom, SOMOL! Um damumuw ngog, ma chiney e kam fal’eg lanin’ug ma ke chuw e damumuw rom.

Isaiah 1:18

Be ga’ar SOMOL, “Mired ngad puruy’gad. Kam alitgad ko denen nib row ram’en, machane bay gu maluk nagmed ngam be’echgad ni bod feni be’ech e ayis. Yug aram rogon ni kam alitgad nrib row ra’en, ma bay mu wechwechgad ni bod bunu’en e saf.

Eklesiastes 9:4

Machane en be par u lan e fayleng ko pi’in bfos e bay buchu’uw i l’agan’ rok; ba pilis nib fos e kabfel’ ngak ba layon nib yam’.

Psalms 51:12

Mfulweg e felfelan’ ngog nma yib ko ayuw ni ga ma pi’, ma ga ayuweg lanin’ug ngi i fol rom.

Psalms 23:2

Ma pi’ e toffan ngog u daken e ted nib galunglung e pan riy, mma pow’iyeg nga yungi ran nib machalbog ma ba mocha’.

Roma 5:20

Motochiyel e ni pi’ ni fan e nge yib i m’ug gelngin e kireb ni yibe ngongliy i yan; machane fa’ani yo’or e denen, miki yo’or e runguy rok Got.

Luke 15:20

Ma aram me sak’iy nge sul ngak e chitamngin. “Kab orel ko tabinaw me changar e chitamngin me guy; me kireban’ ngak me yan ni be mil, me yan i gumuchmuch ngak e chi cha’nem ni fak, nge faray owchen.

Psalms 94:19

Yu ngiyal’ ni der paslagan’ug ma ke magafan’ug, ma ga fal’eg lanin’ug nggu felan’.

Isaiah 19:22

I SOMOL e bayi gechignag e girdi’ nu Egypt, machane yug aram rogon ma bayi gol nagrad. Bay ra sulod ngak me rung’ag e meybil rorad me gol nagrad.

Isaiah 52:12

Yaney e dab kum chuwgad ni gimed ba gur; ma gathi bay mu guyed rogon ni ngam thaygad! I SOMOL ni Got romed e bayi pow’iymed me yoror romed u gubin yang.

Isaiah 53:5

Machane ni maad’ad ngak ni bochan e denen rodad, mi ni pirdi’iy ni bochan e kireb ni kad ngongliyed. Gechig ni gafgow riy e ke palo’ nagdad, dumow ni aw ngak e ke gol nag dad.

Isaiah 58:11

Ma gubin ngiyal’ ni bay ug pow’iymed, me felan’med ko pin’en ni bfel’ ni bay gu pi’ ngomed. Mu gu taymed ni gimed ba gel ma dariy e liliy romed. Gimed ra bod ba milay’ ni pire’ e ran riy, ma bod ba alublub nder ma m’ay e ran riy.

Zekariah 1:13

Me fulweg SOMOL lungun fare engel ko thin nib manigil,

Isaiah 30:18

Machane SOMOL e be son nagmed ni ngam sulod ngak me ayuwegmed. Ba’adag ni nge runguymed, ya gubin ngiyal’ nma rin’ e tin nib mat’aw. Ba felfelan’ e pi’in nike pagan’rad ngak SOMOL.

Isaiah 51:12

I SOMOL e be ga’ar, “I gag e cha’ ni gu pi’ gelingmed. Ere mangfan ni gimed be rus ko girdi’, ni bod e pan ni dar ma n’uw nap’an.

Jeremiah 30:17

Bay ggol nagmed bayay; ma bay gu faseg e maad’ad u dowmed, ya pi to’ogor romed e yad be ga’ar, ‘Zion e kan tharbeg; ni dakriy be’ nma leamnag murung’agen.’ I Gag SOMOL e kugog e pi thin ney.”