Isaiah 57:17 - Bible Ni Thothup

¹⁷ Gu damumuw ngorad ni bochan e denen rorad, ma go’ yad e ngi i fel’ ngorad, ma aram mu ggechig nagrad nggu n’agrad. Machane rib gelan’rad ki yad be yan u kanawo’ rorad ni kireb.

Isaiah 57:17 Referans Kwoze

Isaiah 56:11

Yad bod e pilis ni bfel’ngak ndariy bingyal’ nma gaman. Picha’ ney e dariy ban’en ni yad manang fan. Ra bagyad ma be rin’ e n’en ni ba’adag ma be gaweg e tin nge yagnag ngak.

Kolose 3:5

Ere thingar mu li’ed ngem’ e ar’ar nu fayleng ni be maruwel u fithik’ i dowmed, ni aram e darngal, nge puwlag, nge ar’ar nib kireb nma waliy e girdi’ ko denen, nge chogow (ya chogow e bmit e tayfan nge meybil ni yibe tay ngak e liyos nma meybil boch e girdi’ ngay.)

Jeremiah 6:13

Gubin e girdi’, ni pi’in fel’ rogon nge pi’in gafgow, ni yad ma guy rogon ni nge yag e salpiy ngorad u fithik’ e sasalap; mus ko profet nge prist ni yad ma bannag e girdi’.

2 Peter 2:14

Dariy ban’en ni yad ba’adag ni ngar changargad ngay ya kemus ni ppin nib darngal e yad ba’adag ni ngar changargad ngorad; ma ar’ar rorad ko denen e der tal. Ma yad ma waliy e pi’in ni me’waer e leam rorad ngar awgad ko wup rorad. Ma lanin’rad e ke ilal nga fithik’ e chogow. Ma yad be par ni yad bay u tan e gechig rok Got!

1 Timothy 6:9

Machane pi’in yad ba’adag ni nge yo’or e salpiy rorad e yad ma pagrad ngak e pin’en nma pingeg e girdi’ nge denen, miyad aw ko wup ko ar’ar ni aram e yibe ar’arnag e tin ndariyfan nge tin nra kireb nigey, ni ir e ma girengiy e girdi’ ko kireb miyad malog.

Luke 12:15

Ma aram me ul ul ngay nge ga’ar ngorad ni yad gubin, “Mu ayuwgad mi gimed guy rogomed rok urngin mit e chogow: ya bin riyul’ e yafos ku be’ e gathi ni ngongliy ko pin’en ni ir e mmil suwon ngak fa’anem, ndemturug rogon feni yo’or ban’en rok.”

Ezekiel 33:31

Ere girdi’ rog e bay ra mu’ulunggad ngom ni ngar rung’aged e thin ni ngam weliy ngorad, machane gathi bay rrin’ed e tin kam weliy ngorad ni ngar rin’ed. Ya ka yad ba’adag ni ngu’ur lifithed l’ugunrad ngar thag niged e salpiy.

Jeremiah 22:17

Machane gur e kemus ni tin ni bfel’ ngom e ga ma guy; um thang e fan ko girdi’ ni dariy ban’en nike bucheg mu’um gafgownag e girdi’ rom nib almirin. I SOMOL e be non.

Jeremiah 8:10

Ere bay gu pi’ e yungi flang rorad ngak boch e girdi’ nge milfan ngorad mu gu pi’ pi le’engirad ngak yug boch e pumo’on. Gubin e girdi’ ni tin fel’ rogon nge tin gafgow ni yad be guy rogon ni nge yag e salpiy ngorad u fithik’ e sasalap. Ni mus ko profet nge prist ma yad be bannag e girdi’.

Jeremiah 5:3

Ba muduwgil nra changarnag SOMOL e yul’yul’. Be toymed, machane damur motoyilgad; ke masengseng nagmed, machane dabmed ni ngam folgad. Gimed ba gelan’ ndamur paged e kireb romed.

Jeremiah 2:30

Ggechig nagmed, ma da mu lowgad; ya dabumed ni ngam pagedgag nggu yal’uwegmed. Ni gimed bod e gamanman ni layon nike damumuw be burtel, ngu’um thanged e pogofan rok e pi profet romed.

Isaiah 45:15

Fare Got nu Israel ni ir e be ayuweg e girdi’ rok u pa’ e to’ogor rorad e ba Got ndabiyag ni ngan guy.

Isaiah 9:13

Girdi’ nu Israel e da rir pi’ed keru’rad ko kireb rorad; ni yug aram rogon ni be gechig nagrad SOMOL ni Gubin ma Rayag Rok, ma kadawor rpigichelgad ngar sulod ngak.

Isaiah 8:17

I SOMOL e ke mith ko girdi’ rok, machane gu be par nib pagan’ug ngak me ir e ke lagan’ug ngak.

Isaiah 1:4

Ka mu riya’gad, gimed girdi’en ba nam ni gimed ba sug ko denen ma kam mak’gad nga but’ ko kireb! Ka mu n’iged SOMOL, ni ir fare Got nib thothup nu Israel, ma kam pi’ed keru’med ngak.

Eklesiastes 6:9

Rib m’ayfan; bod ni yibe lol’oeg e nifeng. Kabfel’ ni nge fel’ u wan’um e tin bay rom ko bin ni gubin ngiyal’ ni ngu’um finey e tin dariy rom.

2 Peter 2:3

Pi tamchib nem ni go’ bogi ban’en e yad ba chogow ni salpiy, ma bay yo’or e salpiy rorad ni puluwrad ko machib ni yad be yog ngomed, ni machib ni yad e sum rorad. Machane En ni nge pufthin nagrad e ke fal’eg rogon ke par, ma En ni nge kireb nagrad e be par ni be od!

Isaiah 2:7

Binaw rorad e ba sug ko silber nge gol, pi machaf rorad e dariy folen. Ma binaw rorad e ba sug ko os, ma dabiyag i the’eg e pi chariot rorad.

Isaiah 42:24

Mini’ e ke pi’ yu Israel nga pa’ e to’ogor rorad ka ni fek e chugum rorad? I SOMOL, ni ir e ud denengad nib togopluw ngak! Da ud pired nrogon ni ba’adag ni ngad pired ara u da folgad ko machib rok.

Isaiah 64:9

ere dab kum damumuw ngomad nge pag rogon, ara mu leamnag e denen romad ndariy n’umngin nap’an. Gamad e girdi’ rom; mu runguymad.

Isaiah 66:3

“Girdi’ e yad ma rin’ e n’en ni yad ba’adag. Ta’ab rogon u wan’rad ni yad gubin ko kar li’ed ba garbaw ni maligach ara kar maligachgad nga ba girdi’; ara ba saf e rmaligachgad ngay ara ba pilis e kar t’ared k’angan; ara ra pi’ed e grain ara racha’en e babiy; ara ra pi’ed e incense ara rmaybilgad ko liyos. Yad ma felfelan’ u rogon e pi tayfan ney ni yad ma rin’ nrib sonogor.

Jeremiah 3:14

“Mu sulod ngog, gimed e girdi’ ni dam yul’yul’gad; yab mil famed ngog. Bay gu mel’eg ta’ab gimed u ra reb fa yochi binaw nge lalag’ruw i gimed u ba kan e girdi’, nggu fulwegmed ko burey nu Zion.

Jeremiah 3:22

Msulod, gimed urngin e pi’in ka mu pi’ed keru’med ku SOMOL; ra gol nagmed me gagiyeg nagmed ngam yul’yul’gad ngak. Gimed be ga’ar, “Arogon, ngu sulod ngak SOMOL ni bochan e ir e Got romad.

Jeremiah 51:13

Re nam nem e bo’or e lul’ riy nge machaf, machane ke taw nga tol’rad ni nge math owcharad.

Jeremiah 8:6

Ku ug fal’eg e motoyil, machane damur yoged e tin riyul’. Ma dariy bigmed nike kalngan’ ko kireb rok; ma dariy bigmed nike ga’ar, ‘Mang e ku gu rin’ nib kireb?’ Yug ra bugmed ma ke pi’ nga daken be rin’ e n’en ba’adag, ni bod ba os nike tay marin i yan nga fithik’ e mael.