Isaiah 57:13 - Bible Ni Thothup

¹³ Ngiyal’ ni gimed ra ning e ayuw, ma bayi mang fapi liyos romed e aywegmed! Ma bbuwchuth i nifeng e ra changag nagrad! Machane pi’in ma pagan’rad ngog e yad ra magach u daken e binaw mu ur liyorgad ngog u lan e Tempel rog.”

Isaiah 57:13 Referans Kwoze

Psalms 37:9

Pi’in nib pagan’rad ngak SOMOL e yad ra tafnay e nam, ma pi’in kireb e bay ni tulufrad nga wuru’ e nam.

Psalms 37:3

Um par ni SOMOL e ke pagan’um ngak ma ga rin’ e tin ni bfel’; mu’um par u daken e nam rom u fithik’ e gapas.

Isaiah 65:25

Gamanman ni wolf nge pifak e saf e bay ur abichgad u ta’bang, ma pi gamanman ni layon e bay ur ked kenggin e grain ni bod e garbaw. Pi porchoyog e dab kur maad’adgad ngak e girdi’. Zion ni fare burey rog nib thothup e bayi par ndakuriy e kireb riy ma dariy ban’en riy ni yira maad’ad ngay.”

Isaiah 56:7

“Bay gu fekmed i yan nga Zion, ko fare burey rog nib thothup, mu gu pi’ e felfelan’ ngomed u lan e naun rog ni yima meybil riy, me fel’ u wun’ug e maligach ni gimed be pi’ u daken e altar rog. Tempel rog e bay ni pining fithingan ni naun ko meybil ni fen e girdi’ u gubin e nam.”

Zekariah 7:13

Bochan e gu non ma dar motoyilgad, aramfan ni dagu fulweg taban e meybil rorad.

Joel 3:17

“Gimed piyu Israel, e aram e bay mu nanged ni Gag e SOMOL ni Got romed. Gu be par u Zion, u daken e burey rog nib thothup. Jerusalem e bayi par nib binaw nib thothup; ma girdi’ nu bang e dabkiyag ni ngar koled yu Jerusalem bayay.

Ezekiel 20:40

U rom u lan fare nam, ko fare burey rog nib thothup, ni fare burey nib tolang nu Israel, e gimed gubin e girdi’ nu Israel ni bay um liyorgad ngog. Bayi falan’ug ngomed ma gu be sap ngomed ni ngam feked e maligach romed i yib, ni tin th’abi fel’, nge pi tow’ath romed nib thothup.

Isaiah 66:20

Bay ra fulweged gubin e girdi’ romed ko fapi nam nib tow’ath ngog. Bay ni fekrad i yib ko burey rog u Jerusalem nib thothup, u daken e os, nge mule nge kamel ngu chariot nge wagon, nri bod rogon yu Israel ni yad ma fek e grain ni maligach i yib nga Tempel ni bay u lan tafen ni kani bangbengnag ke be’ech.

Isaiah 65:9

Bay gu tow’athnag puyu Israel, ni pi’in nib mu’un ko ganong rok Judah, ma pi’in owchrad e bayi milfan e pi burey rog ngorad. Girdi’ rog ni gu mel’eg, ni yad ma pigpig ngog e bay ra pired u rom.

Isaiah 11:9

Zion, burey nib thothup rok Got e ra par ndariy e kireb riy ara ban’en nra maad’ad ngak be’. Ma girdi’ ko nam e ri bayi tamilangan’rad u murung’agen SOMOL ni bod rogon lan e yungi day nib sug ko day.

Psalms 125:1

Pi’in ma pagan’rad ngak SOMOL e yad bod fare burey ni Zion, ndariy liyben me rur, ma dabi mithmith bi’id.

Judges 10:14

Mmarod ngu’um yorgad ngak e pi got ni kam mel’egged. Bayi mang yad e ur ayuweged gimed u nap’an ni keyib e gafow ngomed.”

Hosea 13:3

Ere pi girdi’ ney e bay ra m’aygad ngabang ni bod e garbeb ni kadbul, ma bod e wa’angchol nma m’ay ngabang nri kakadbul u reb e rran. Bay ra boded keru’ e grain nike fek e nifeng ke chuw ko gin yima chuweg keru’ e grain riy, ku bod e ath ni be chuw u tafen e ath.

Jeremiah 22:22

Pi tayugang’ rom e bayi changag nagrad e nifeng, mi ni fek e pi’in gimed ngabang ngar manged kalbus ko mael, binaw rom e ke m’ayfan ma bay ni tamra’nag ni bochan e gubin e kireb ni ka mu rin’.

Jeremiah 22:20

Gimed e girdi’ nu Jerusalem, marod nga Lebanon ngam tolulgad, mmarod ko binaw nu Bashan ngam yorgad; mu ponggad ko pi burey nu Moab, ni bochan e gubin e pi’in gimed ngabang ma kar waergad.

Isaiah 65:11

“Machane rib thil ngomed e pi’in kam pi’ed keru’med ngog, ni kam feked yathin yu Zion, ni fare burey rog nib thothup, gimed be meybil ngak Gad nge Meni, ni fagal got ko wol nge wa’athey.

Isaiah 41:16

Bay mon’rad ngalang; me yib e nifeng i fekrad, me weregrad e nifeng nib gel. Ma aram e bay mu felfelan’ ni bochan e Gag e Got rom; bay mu pining e sorok ngog i Gag fare Got nu Israel ni gub thothup.

Isaiah 40:24

Yad bod e woldug ni kafini tugul, kafini thay lik’ngin. Ma nap’an ni pi’ SOMOL e nifeng nge yib, me mororay me changegnag e nifeng ni bod ba ke pan nike mlik’.

Proverbs 28:25

Fel’ngak e kemus ni oloboch e ma k’aring. Bfel ni nge pagan’um ngak SOMOL.

Psalms 84:12

SOMOL ni Gubin ma Rayag Rom, rib felfelan’ e pi’in gur e ke lagan’rad ngom!

Psalms 58:9

U m’on ni dawor ra na’abgad, mi ni th’abrad nga but’ ni bod e pan; u fithik’ e damumuw rok Got e ra thirifrad u but’ ni ku yad bfos.

Psalms 1:4

Ma girdi’ nib kireb e gathi ara’rogorad! Yad bod kenggin e grain ni kan th’ab ke mlik’, nra aw e nifeng ngay me changegnag.

BABYOR NI JOB 21:18

ara thoyrad ngar uned u fithik’ e nifeng ni bod e chabung nike mlik, fa bod e fiyath ni un ko yako’?

2 Kings 3:13

Me ga’ar Elisa ngak fare pilung nu Israel, “Mangfan ni thingar gu ayuwegnem? Mman ngam fith laniyan’ fapi profet ni i fith e chitamam nge chitinam laniyan’rad.” Me fulweg ni ga’ar, “Dangay! Ye SOMOL e ke pining mad e dalip i pilung ney ni nge pi’mad ngalan pa’ yu Moab.”

Psalms 118:8

Kabfel’ ni nge pagan’uy ngak SOMOL ko bin ngan toer ko girdi’.

Isaiah 14:32

Bu uw rogon ni ngad fulwegned e falweg ko pi mal’og nike yib ngodad u Filistia? Bay dogned ngorad ni SOMOL e ir e ngongliy rogon yu Zion ma girdi’ rok ni yad be gafgow e bay ra pir’eged e ayuw u rom.

Isaiah 25:4

Pi’in gafgow nge pi’in dariy ban’en nrayag rorad e ra milgad ngom made buch ban’en rorad ko ngiyal’ e gafgow. Gur e ga ma pi’ e gin ngar gifgad ngay ko yoko’ nge taglul’ ni nge aywegrad u nifiyen e gowal. Pi to’ogor nib kireb e yad ma cham ni bod e yoko’ u nap’an e ayis.

Isaiah 49:8

SOMOL e be ga’ar ngak e girdi’ rok, “Ra taw ko ngiyal’ ni nggu ayuwegmed ma bay gu runguymed, mu gu fulweg lungmed ni gimed be wenig ngog ni nggu ayuwegmed. Bay gu matanagiymed mu gu yoror romed, mu dakenmed e ngu ngongliy ba m’ag riy ngak urngin e girdi’. Bay gu fulwegmed bayay ngalan e nam romed nike par e chiney ni kann’ag.

Isaiah 60:21

Urngin e girdi’ rom ni bay ur rin’ed e tin nib mat’aw, Miyad tafnay e nam ndariy n’umngin nap’an. I gag e gu yungrad, i gag e gu sunumiyrad, Ya nggu dag feni sorog ngak urngin e girdi’.

Jeremiah 30:14

Urngin e pi fager romed ma kar paged talinmed; ni dakrir fineyed gimed. Ku gu og ngomed ni bod ba to’ogor; gechig romed e ba gel ni bochan e denen romed nib pire’ mab ga’ e kireb romed.

Psalms 37:11

machane pi’in ba sobut’anrad e bay ra pired u daken e nam, nge felan’rad nike yo’or ban’en rorad ma yad ba gapas.

Psalms 37:22

Pi’in ke fal’eg Got wa’athrad e bay rtafned e binaw, machane pi’in ke bucheg wa’athrad e bay ntulufrad nga wuru’ e binaw.

Psalms 37:29

Pi’in yad mmat’aw e bay ra pired u daken fare but’, me par ni taferad ni dariy n’umngin nap’an.

Psalms 37:34

Mpar ni SOMOL e ke l’agan’um ngak mu’um fol ko tin keyog; me tolang nigem ngam tafnay e binaw, ma bay mu guy e pi’in kireb ni kan tulufrad.

Isaiah 45:20

Be ga’ar SOMOL, “Mmu’ulung gad e girdi’ ko pi nam, ni urngin e girdi’ ni fos nnap’an ni waer e pilung romed ko mael, mired nga ni pufthin nagmed! Pi’in yad ma fek e liyos rorad ni ren ngu’ur thelepgad u kanawo’ ma yad be meybil ngak bogi got ndabiyag ni nge ayuwegrad, e yad bod e girdi’ ni dariy ban’en ni yad manang!

Jeremiah 2:28

“Bu uw fapi got ni mu ngongliyed ni fan ngomed? Fa’an bay mu gafgowgad, me ere mu nonod ngorad ngar ayuweged gimed — ni fa’an gomang e rayag rorad. Judah, pire’ e got rom ni bod feni yo’or e binaw ni bay rom.