Isaiah 57:1 - Bible Ni Thothup

¹ Girdi’ nib mat’aw e ra yim’, ma dariy be’ ni manang fan ara i lem nag. Machane yad ra yim’ ma dakuriy ban’en ni ra buch rorad.

Isaiah 57:1 Referans Kwoze

2 Kings 22:20

ngiyal’ ni ka gab fos e dab gu gechignag yu Jerusalem, ya nga mum’ u fithik’ e gapas.” Me sul fapi pumo’on ngar weliyed e pi thin ney ngak Josiah ni Pilung.

Psalms 12:1

SOMOL, mu ayuwegmad! Dariy be’ ni bfel’ nike magay; girdi’ nib yul’yul’ e dab kun piri’egrad’.

2 Kronicles 34:28

ma re gechig ni nggu fek nga daken yu Jerusalem e dabi yib nge mada’ ko ngiyal’ ni kamum’. Bay gu pagem nga mum’ u fithik’ e gapas.” Me sul fapi pumo’on ngak Josiah ni Pilung ni ka ra feked e re thin ney.

Mikah 7:2

Dariy ta’abe’ nike magey u daken e re nam ney nder sasaliyeb, ma dariy be’ riy nib yul’yul’ ngak Got. Ya yad gubin ni karm’ad. Urngin e girdi’ nra be’ ma yugu be son ni gomanga yigi bung rogon nge thang e pogofan. Gubin e girdi’ nra be’ ma be guy rogon nge aw be’ ko wup rok, ni be’ ko nam rok.

Isaiah 42:25

Ere gagiyeg nagdad ngad thamiyed gelngin e damumuw rok, ngad gafgowgad u fithik’ e mael. Damumuw rok e bod ba nifiy ni yan u lan yu Israel ni ga’ngin, machane da ud nanged fan; dariy ban’en ni mit ngodad riy.

Isaiah 47:7

Ka mu leamnag ni yug bay um par ni gur e bpin ni pilung, ma dam tay e pin’ey u lanin’um ara mu leamnag rogon ni bayi yan i aw.

Malaki 2:2

Thingar mu liyor gad ngog ko ngongol romed. Fa’anra dab motoyilgad ko n’en ni gu be yog, ma aram e bay gu bucheg wa’athmed. Bay gu gagiyegnag nge dabki fel’ rogomed ko pin’en ni bfel’ ni be yag ngomed. Kug mu’ i gagiyegnag ni nge kireb, ya damur ted ngan’med e tin kugog ni ngam rin’ed.

2 Kronicles 35:24

Miyad chibiy ngar feked nga wuru’ fare chariot rok, ngar ted ngalan reb e chariot ni ku bay u rom, miyad fek nga Jerusalem. Me yim’ u rom mi ni k’eyag ngalan fapi low ko yam’ rok e pilung. Gubin e pi girdi’ nu Judah ngu Jerusalem nra yor niged nike yim’.

2 Kronicles 32:33

Me yim’ Hezekiah min k’eyag u ba’ ni talang ko fapi low ko yam rok e pilung. Gubin e pi girdi’ nu Judah ngu Jerusalem nrabad ra tedfan ko ngiyal’ nike yim’. Me Manasseh nib mo’on ni fak e yan nga luwan nge mang pilung.

1 Kings 14:13

Urngin e girdi’ nu Israel e yad ra yornag miyad k’eyeg. Kemus ni ir u chon e tabnaw rok Jeroboam e yira chibgiliy ni bfel’ rogon, ya kemus ni ir e bm’agan’ SOMOL ni Got rok yu Israel ngak.

Isaiah 57:11

I SOMOL e ga’ar, “Mini’ e tiney e got nike k’aring e marus ngomed, ni gimed be ban nigeg ma kug chuw u lanin’med? Fan ni dakmur liyorgad ngog e bochan e ke n’uw nap’an ni kug th’ab gulngag?

Numbers 23:10

Pi’in owchen yu Israel e yad bod e fiyath, yad pire’ ndabiyag i the’egrad. Mu pag nggu museg e pi rran rog ni bod reb e girdi’ rok Got; Mu pag nggum’ u fithik’ e gapas ni bod rogon e pi’in yad mmat’aw.”

Psalms 37:37

Mu tay fanamyan ko en dariy thibngin, ma ga yaliy e en nib yal’uw; be’ ni ba gapas e ra yib e pi’in owchen.

Isaiah 47:11

Riya’ e bayib nga dakenam, ma dariy reb e pig rom nrayag ni nge taleg. Ba tomgin nra machade’ nigem e gafgow — ni gafgow ni da i bit ngan’um!

Jeremiah 18:11

Ere mog ngak piyu Judah nge pi’in yad be par u Jerusalem ni gu be leamnag e togopluw ngorad, ma gu be fal’eg rogog ni nggu gechig nagrad. Mog ngorad ni ngar tal gad ndab ku ra pired u fithik’ e denen, miyad thiliyeg pangirad nge pin’en ni yad be rin’.

Jeremiah 22:10

Gimed e girdi’ nu Judah, dab mu yor niged i Josiah ni Pilung; ma dab mu mowaw niged e yam’ nike tay. Machane mu yor niged Joahaz nib mo’on ni fak nib almarin; bay nfeked ni dab ku ni fulweg, ni dabki guy bi’id e re nam nni gargaleg riy.

Ezekiel 21:3

ni Gag SOMOL, e gu be ga’ar: I gag e to’ogor romed. Bay gu girengiy e saydon rog nggu thang e pogofan romed ngay ni gimed gubin, ni pi’in ni bfel’ nge pi’in kireb ni ta’reb rogon.