Isaiah 56:7 - Bible Ni Thothup

⁷ “Bay gu fekmed i yan nga Zion, ko fare burey rog nib thothup, mu gu pi’ e felfelan’ ngomed u lan e naun rog ni yima meybil riy, me fel’ u wun’ug e maligach ni gimed be pi’ u daken e altar rog. Tempel rog e bay ni pining fithingan ni naun ko meybil ni fen e girdi’ u gubin e nam.”

Isaiah 56:7 Referans Kwoze

Mark 11:17

Me fil ko girdi’ ni ga’ar, “Bay ni kan yoloy u lan e babyor nib thothup nike ga’ar Got, ‘Naun rog e bay nog nib naun ntafen e meybil rok e girdi’ ko gubin e nam.’ Machane kam thiliyeged kam ted nike mang bangi n’en nma mith e moro’ro’ riy!”

Malaki 1:11

Girdi’ u gubin yang u fayleng e yad be liyor ngog. Gubin yang ni yad be urfiy e incense riy ngar pi’ed ngog ma yad be pi’ e tin ni bfel’ e maligach. Yad gubin ni yad be liyor ngog!

Luke 19:46

ni be ga’ar ngorad, “Bay ni kan yoloy u lan e babyor nib thothup nike ga’ar Got, ‘Naun rog e bay nog nib naun ntafen e meybil.’ Machane kam thiliyeged kam ted nike mang bangi n’en nma mith e moro’ro’ riy!”

Matthew 21:13

me ga’ar ngorad, “Bay ni kan yoloy u lan e babyor nib thothup nike ga’ar Got, Naun rog e bay nog nib naun ntafen e meybil. Machane gimed be tay ni bangi n’en nma mith e moro’ro’ riy!”

Roma 12:1

Ere pi walageg, bochan e ri be runguydad Got, ma aram fan ni nggu wenig ngomed ni ngam pi’ed gimed ngak Got, ngam manged maligach nib fos ngak, ni kam pi’ed gimed ko maruwel rok ma gimed bfel’ u wan’. Ireray e bin riyul’ e liyor ni susun e ngam pi’ed ngak Got.

Psalms 2:6

Ke ga’ar, “Kug tay e pilung rog nga daken yu Zion, ni aram fare burey rog nib thothup.”

Hebrews 12:22

Machane gimed e kambad ko burey ni Zion nge fare binaw rok fare Got ni be par nib fos, ni fare Jerusalem nu tharmiy, ni bay e engel riy ni bukum i biyu’.

Zekariah 8:3

Bay gu sul nga Jerusalem, ni fare binaw rog nib thothup, nggu par u rom. Re binaw nem e go’ bay nnang ni aram fare binaw nib yul’yul’, nge fare burey rok SOMOL ni Gubin ma Rayag Rok ni bay u nog ni fare burey nib thothup.

1 Peter 2:5

Mired nrogon e malang nib fos ngam pi’ed gimed ngan fanaymed ko Tempel ni yibe toy ni Tempel ni bfel’ u wan’ Got, ni ir e bay mu pigpiggad riy ni bod rogon e pi prist ni yad ba thothup, ni ngam pi’ed ngak Got lanin’med ni be gagiyegnag fare Kan Nthothup nge pi maligach nib m’agan’ Got ngay u daken Jesus Kristus.

Hebrews 13:15

Ere ngu’ud pininged e magaer nge sorok’ ngak Got ni gubin ngiyal’ ni ir e maligach rodad ngak u daken Jesus; ni aram e re maligach ni gad be pi’ u dap’ilangdad ni gadad be yog ni ir e Somol.

1 Timothy 2:8

Gubin yang ni yira mu’ulung ngay ma gub adag ni pumo’on e nge meybil riy, ni pumo’on ni kar pi’ed yad nga pa’ Got mrayag ni ngar puged pa’rad ngalang ngar meybilgad ndarir damumuwgad ara yad be tugthin.

Exodus 28:38

Aron e nge tay e ran’ey nga lolgen nib migid e madaliya riy nga peri’, ya aram e Gag SOMOL, e ra magan’ug nga urngin e pin’en nra pi’ yu Israel ni kar og niged ngog, ni yug ra mang e kar og niged nib kireb rogon ngog.

Isaiah 11:9

Zion, burey nib thothup rok Got e ra par ndariy e kireb riy ara ban’en nra maad’ad ngak be’. Ma girdi’ ko nam e ri bayi tamilangan’rad u murung’agen SOMOL ni bod rogon lan e yungi day nib sug ko day.

Isaiah 19:19

Ra taw ko ngiyal’nem, ma bay ba altar rok SOMOL u lan fare nam nu Egypt nge ba malang ni ka ni suweg nib n’uw ko mathil nu Egypt ni ka ni ognag ngak SOMOL.

Isaiah 19:21

I SOMOL e bayi dag ko ir mini’ ko girdi’ nu Egypt, ma aram miyad nang miyad liyor ngak, miyad fek i yib ngak e maligach ni mo’oruf. Bay ra mowgad ngak miyad rin’ e n’en ni kar mow niged.

Isaiah 25:6

U roy u daken e Burey ni Zion e bayi fel’eg SOMOL ni Gubin ma Rayag Rok ba mur ni fan ko gubin e nam u fayleng — ba mur ni ggan nge wayin th’abi fel’ e yira pi’ riy.

Isaiah 56:5

ma aram e fithingam e ra magach u wun’uy u lan e Tempel rog ngu fithik’ e girdi’ rog nib n’uw nap’an ko bitir ni ngam fakay. Ma gur e dab ni pag talinnem bi’id.”

Isaiah 60:7

Urngin e saf nu Kedar ngu Nebayoth E bay ni fek i yib ngom ni nge mang maligach, Ni ngan pi’ ngak SOMOL u daken e altar ya nge felan’ SOMOL. SOMOL e bayi gelnag feni maluplup’ e Tempel rok.

Isaiah 60:11

Pi garog rom e bay i par nib mab ni rran nge nep’, Ya pi pilung ko pi nam E bay ur feked e machaf rorad i yib ngom.

Isaiah 61:10

Jerusalem e be felfelan’ ni bochan e n’en ke rin SOMOL. Ir e bod be’ ni bpin nike chuw nga madan e m’agpa’. Rogon nike yib Got i ayuweg ke mat’awnag ngak e bod ba mad nike yin’ Got nga daken e re pin nem!

Isaiah 65:25

Gamanman ni wolf nge pifak e saf e bay ur abichgad u ta’bang, ma pi gamanman ni layon e bay ur ked kenggin e grain ni bod e garbaw. Pi porchoyog e dab kur maad’adgad ngak e girdi’. Zion ni fare burey rog nib thothup e bayi par ndakuriy e kireb riy ma dariy ban’en riy ni yira maad’ad ngay.”

Jeremiah 7:11

Gimed be finey ma Tempel rog e aram e gin tagil’ e mith ko pi’in ma moro’ro’ u fithik’ e yargel? Kug guy e n’en ni gimed be rin’.

Ezekiel 20:40

U rom u lan fare nam, ko fare burey rog nib thothup, ni fare burey nib tolang nu Israel, e gimed gubin e girdi’ nu Israel ni bay um liyorgad ngog. Bayi falan’ug ngomed ma gu be sap ngomed ni ngam feked e maligach romed i yib, ni tin th’abi fel’, nge pi tow’ath romed nib thothup.

Ezekiel 47:22

ra par ni tafenmed ni dariy n’umngin nap’an. Girdi’ nu bang nma par u fithik’med ni kar fakyed e bitir u roy e ku yad ra un ko f’oth binaw u nap’an ni gimed ra f’oth. Ngan sap ngorad ni bod rogon nri yad girdi’en yu Israel ma yad ra un ko pi genong nu Israel ngar girngiyed e pow ni nge duwgil riy e an nge tafnay bang nge bang.

Joel 3:17

“Gimed piyu Israel, e aram e bay mu nanged ni Gag e SOMOL ni Got romed. Gu be par u Zion, u daken e burey rog nib thothup. Jerusalem e bayi par nib binaw nib thothup; ma girdi’ nu bang e dabkiyag ni ngar koled yu Jerusalem bayay.

1 Kings 8:41

“Mra par be’ u ba nam nib orel ni yugu be’ u bang me rung’ag murung’agem nga feni sorom, nge pi maang’ang ni kam rin’ ni fan ngak e girdi’ rom, me yib ni nge liyor ngom me yib ko re Tempel ney ni nge meybil,

Isaiah 57:13

Ngiyal’ ni gimed ra ning e ayuw, ma bayi mang fapi liyos romed e aywegmed! Ma bbuwchuth i nifeng e ra changag nagrad! Machane pi’in ma pagan’rad ngog e yad ra magach u daken e binaw mu ur liyorgad ngog u lan e Tempel rog.”

Isaiah 65:11

“Machane rib thil ngomed e pi’in kam pi’ed keru’med ngog, ni kam feked yathin yu Zion, ni fare burey rog nib thothup, gimed be meybil ngak Gad nge Meni, ni fagal got ko wol nge wa’athey.