Isaiah 55:13 - Bible Ni Thothup

¹³ Yungi n’en ni go’ pan ni bay rachangalen e bayi tugul e gek’iy ni cypress riy; gek’iy ni myrtle e bayi tugul ko yungi n’en ni immoy e pan riy ni bay rachangalen. Ren’ey e ba pow ni bay i par ndariy n’umngin nap’an, ni ban’en ni ngi i puguran e pin’en ni Gag SOMOL e kug rin’.”

Isaiah 55:13 Referans Kwoze

Isaiah 41:19

Bay gu gagiyegnag e gek’iy ni cedar nge tugul u daken e ted ni desert, nge gek’iy ni acacia nge myrtle nge olive. Yu chuwo’ i gek’iy e bayi tugul u daken yungi ted nder ma tugul ban’en riy, ni yu chuwo’ i gek’iy ni pine nge juniper nge cypress.

Jeremiah 33:9

Jerusalem e bayi par ni tagil’ e felfelan’ nge liyor, ni gub uf ngay; ma gubin e nam u fayleng e bay rrusgad ngu’ur durru’gad ko marus ko ngiyal’ ni yad ra rung’ag murung’agen e pin’en nib manigil ni ku gu rin’ ngak e girdi’ nu Jerusalem nge murung’agen e fla’ab ni ku gu pi’ ko fare binaw.”

Isaiah 61:3

Mu gu pi’ e felfelan’, ngak e pi’in ni kar pired u Zion nike kireban’rad, nge yan nga luwan e kireban’ rorad. Ba tang ko ogmagaer e nge yan nga luwan e gafgowan’. Bay ra boded yuke gek’iy ni SOMOL e yung. Yad gubin ni bay rin’ed e n’en ni bfel’, mi ni pining e sorok ngak Got ko n’en ke rin’.

2 Korinth 5:17

Ngiyal’ nra ta’ab girdi’ be’ nge Kristus e aram e ngiyal’ nike mang fa’anem reb e girdi’ nib be’ech ni ka fin nsunumeg: bin kakrom i ir e ke chuw, ma bin nib be’ech i ir e ke yib i m’ug.

Isaiah 60:13

“Ren ko gek’iy ni pine nge juniper nge cypress, Ni tin th’abi fel’ e ren ni yibe fek ko Loway nu Lebanon, E bay ni fek i yib nga ni fulwegem nga rogom, i gur Jerusalem, Ya nga ni ngongliy e Tempel rog nge fel’ ya’an, Mi ni fal’eg e binaw rog nge maluplup’.

Roma 6:19

Gu be yog ngomed u fithik’ e thin nib mom ni yira nang fan, ya richey ma de yag ni mu nanged fan e n’en ni gu be yog. Bay ba ngiyal’ ni mpi’ed gimed ngam pired ni kam manged sib rok e tin nde machalbog nge tin nib kireb, ni fan ko tin nib kireb ban’en. Ere aram rogon nthingar mu paged gimed ngam manged sib rok e tin nib mat’aw, ni fan ko tin nib thothup ban’en.

1 Peter 4:11

Cha’ ni be machib e thingari machibnag e thin rok Got ngak e girdi’; ma cha’ ni be pigpig e thingari pigpig u gelngin nike pi’ Got ngak ni fan e nge urngin ban’en ni be rin’ ma nganog e sorok ngak Got riy u daken Jesus Kristus, ni ir e bayi par ni bay e fla’ab u pa’ ma bay gelngin ndariy n’umngin nap’an! Amen.

Jeremiah 50:5

Bay rabad ra fithed e wo’ nga Zion mranod ko re wo’ nem. Miyad ngogliy ba m’ag u thilmad ni manemus ni dariy bi’id ni yad ra th’ab.

John 15:8

Ara’ rogon min tayfan e en ni Chitamangiy ni fa’anra yib wom’ngimed ni pire’; aray kanawo’en mi gimed mang pi gachalpeg.

Luke 2:14

“Ke sorok Got ni bay ko thal nth’abi tolang e tharmiy! Ma nge yib e gapas nga fayleng ngak e pi’in yad bfel’ u wan’ Got!”

Jeremiah 13:11

Ri bod feni machache’ e yu lay i zubong ney nga luknguy, e aram rogon ni u gu leamnag ni nge urngin e girdi’ nu Israel ngu Judah ni ngar chichi’iyed pa’rad rog. Gu rin’ ni aray rogon ya ngar manged tirog e girdi’ mu dakenrad e ngan pining e sorok riy ngog mi ni mathangeluwolnag fithingag; machane dar folgad rog.”

Isaiah 63:12

Bu uw SOMOL, ni rin’ u gelngin bogi maang’ang u pa’ Moses, i sey e day u maday me gafaliy e girdi’ rok u t’ay e regur ya nge gilbuguwan SOMOL ndariy n’umngin nap’an?”

Isaiah 60:21

Urngin e girdi’ rom ni bay ur rin’ed e tin nib mat’aw, Miyad tafnay e nam ndariy n’umngin nap’an. I gag e gu yungrad, i gag e gu sunumiyrad, Ya nggu dag feni sorog ngak urngin e girdi’.

Isaiah 54:10

Pi burey nge yungi ted e rayag ni nge puth, machane rogon nri gab t’uf rog e dariy e rofen nra mus; m’ag ko gapas ni kug micheg ngom e bay i par u gil’ ndariy n’umngin nap’an.” Irera’ rogon nike yog SOMOL ni ri gab t’uf rok.

Isaiah 43:21

Yad fapi girdi’ ni gu sunumiyrad ni ngar pired ni girdi’ rog, ma bay ur tanggad ni yad be pining e sorok ngog!”

Mikah 7:4

Mus ngak e pi’in nth’abi fel’ u fithik’rad nge pi’in ndarir sasaliyeb gad e yad bod e pan ni bay e rchangal riy ni dariy ban’en ni yad bfel’ ngay. Ke taw ko fare rran ni nge gechignag Got e girdi’ riy, ni bod ni ginangrad riy u l’ugun e pi’in u ra matanagiyedrad, ni fapi profet. Chiney e bay ra pired nike balyangan’rad.

Isaiah 5:6

Mu gu pag nge yib e pan ngay ni bay rchanglen. Dab kug theth’ab papa’ngin ni nge tamilang fithik’ ara ug gi’ e but’ riy, ya bay gu pag nge tugul e pan riy ni bay rchanglen nge upunguy. Mu gog ngak e manileng nge dabki aw e n’uw ngay.”

Psalms 96:12

mu fefelan’gad gimed gubin e pi flang, nge gubin ban’en ni bay u dakenmed! Pi gek’iy u magerger e bay ra tolul niged e felfelan’

Isaiah 7:11

“Mu wenig ngak SOMOL nge pi’ ba pow ngom. Rayag ni nge yib u ar ko fayleng ko yam’ ara u lang u tharmiy.”

Isaiah 7:19

Bay ra suggad u lan e pi loway ni pire’ e malang riy ngu lan e pi yiy ni bay u tan e war, ma bay ra sug niged fithik’ i ran’ urngin kaen e yochi ke gek’iy ni bay rachangalen nge urngin e yungin ma kay e gamanman e pan riy.

Isaiah 7:24

Dariy be’ nra yan ngay ndabi fek e gat’ing nge gan. Ya nam ni ga’ngin e bayi sug ko pan ni bay rachangalen.

Isaiah 19:20

Galin’ey e bay i mang pow u lan yu Egypt ni bay SOMOL ni Gubin ma Rayag Rok u rom. Nap’an nra gafgow e girdi’ u rom miyad pining SOMOL ni nge ayuw, ma ra pi’ be’ ni nge aywegrad.

Isaiah 32:13

ma pan ni bay rachangalen e be tugul u daken e but’ rok e tirog e girdi’. Mu yor niged urngin e naun ni i par e girdi’ riy ni yad ba felfelan’ nge fare binaw ni i yan e maruwel riy ni bfel’ rogon.

Isaiah 35:1

Bay i felfelan’ e ted ni desert, ma floras e bay i puf ko yungi binaw ni kan pag.

Isaiah 35:2

Ted ni desert e bayi tang ma be tolulnag e felfelan’; bayi bod feni fel’ ya’an e Burey nu Lebanon, ma ba yong’ol e but’ riy ni bod e ted u Karmel ngu Sharon. Gubin e girdi’ ni bayi guy e muluplup rok SOMOL, nge feni ga’ nge feni gel gelngin.

Isaiah 56:5

ma aram e fithingam e ra magach u wun’uy u lan e Tempel rog ngu fithik’ e girdi’ rog nib n’uw nap’an ko bitir ni ngam fakay. Ma gur e dab ni pag talinnem bi’id.”

Isaiah 63:14

Rogon ni yima fek e garbaw ngalan ba loway nib yong’ol e but’ riy, e aram rogon ni pi’ SOMOL e toffan ngak e girdi’ rok. Aray rogon ni i fek e girdi’ rok i yan, mu’un tay fan fithingan.

Ezekiel 28:24

I SOMOL e ga’ar, “Dakriy reb fapi nam nib chugur ni i togopluw nga Israel ni ku rayag ni mang ba rachangal fa makankan ni nge gafgownag yu Israel. Ma aram e bay ra nanged ni Gag fare SOMOL ni Th’abi Tolang.”

Zekariah 1:8

Gguy be’ ni be yan u daken ba os nib row. Yib i tal nga fithik’ yuke gek’iy ni myrtle u lan e loway, mu tomur rok e bay boch e os riy nib row, nge boch nib wupwupnun’, nge wechwech.

Isaiah 60:17

“Bay gu fek e gol i yib ngom ma gathi bronze, Ma silber nge bronze e nge yan luwan e wasey nge rean, Bay gu pi’ e wasey ngom ma gathi malang. Pi pilung rom e dab ku ra gafgow niged gur; Bay gu teg ngorad ngu’ur gagiyeggad u fithik’ e yal’uw nge gapas.