Isaiah 55:10 - Bible Ni Thothup

¹⁰ “Thin rog e bod e ayis nge n’uw nma aw u lang nga but’ ya nge tarannag e but’. Nge ayuweg e woldug nge ga’; me yib awochngin ni ngan yung nge ggan ni ngan kay.

Isaiah 55:10 Referans Kwoze

Deuteronomy 32:2

Machib rog e bayi aw ni bod e n’uw, me ngal’ ni wa’angachal u but’ ni kadbul. Thin rog e bayi aw ni bod e n’uw ni aw ko woldug ni ka fini tugul, ma bod e n’uw ni be sa’aw’aw nga ran’ e pan ni kab mererey.

Isaiah 30:23

Demturug e ngiyal’ ni gimed ra yung e woldug romed, ma Somol e ra pi’ e n’uw ni nge tugulnag e pi woldug romed me yo’ornag wom’ngin, ma gamanman romed e bayi pire’ e yungi n’en ni ngu’ur abichgad riy.

Ezekiel 34:26

“Bay gu tow’ath nagrad mu gu tayrad ngu’ur pired ni kar liyeged fare burey rog nib thothup. Nu rom e bay gu tow’ath nagrad riy ko n’uw u nap’an nike t’uf rorad.

Hosea 10:12

Me lungug, ‘Mu gi’ed bang e but’ ni kab be’ech ni fenmed, mu yunged e tin bmat’aw, migmed t’ar wom’ngin ni fel’ wa’athan nma yib u fanmed yul’yul’ ngog. Ke taw nga nap’an ni ngam chealgad ngam sapgad ngog, ni Gag SOMOL romed, mu gub gu pu’og e fel’ wa’athan rog nga dakenmed.’

Isaiah 61:11

I SOMOL ni Th’abi Tolang e bayi ayuweg e girdi’ rok ni bod feni muduwgil nma tugul e awoch nge ga’. Ma urngin e nam ni bayi pining e sorok ngak.

Revelation 11:6

Ma bay mat’awrow ni ngar ningew lanelang ni nge dabki aw e n’uw ko ngiyal’ i n’en ni ba’aram ni bay ur weregew e thin rok Got riy. Ma bay mat’awrow nga gubin e alublub ni ngar pingegew nge ngal’ e ran riy nracha’; ma ku bay mat’awrow ni ngar gafgow nigew e fayleng nga gubin mit e gafgow ko yu ngiyal’ i n’en ni yow ra finey.

Isaiah 5:6

Mu gu pag nge yib e pan ngay ni bay rchanglen. Dab kug theth’ab papa’ngin ni nge tamilang fithik’ ara ug gi’ e but’ riy, ya bay gu pag nge tugul e pan riy ni bay rchanglen nge upunguy. Mu gog ngak e manileng nge dabki aw e n’uw ngay.”

1 Samuel 23:4

Ma aram miki fith David laniyan’ SOMOL bayay, me ga’ar SOMOL ngak, “Mman ngam cham nga Keilah, ya bay gu pi’ e pi Filistine nga pa’am.”

Hosea 2:21

Ra yan i taw ko ngiyal’nem ma bay ug fulweg taban e meybil rok yu Israel ni girdi’ rog. Bay gu l’oeg e n’uw nge aw nga daken e but’ me k’uf e woldug ni grain, nge grape nge olive.

Psalms 104:15

nge yib e wayin riy ni nge felfelan’ nagmad, nge gepgep ni olive ni nggu felan’gad ngay, nge flowa ni nge pi’ gelnginmad.