Isaiah 55:1 - Bible Ni Thothup

¹ Be ga’ar SOMOL, “Mired, ni gimed gubin e pi’in ke yib e belel ngomed, ba’aray e ran! Mired e pi’in ndariy e salpiy romed, mu chuw’iyed e grain ngam koyed! Mired, mu chuw’iyed e wayin nge milik, dariy puluwon ni ngam pi’ed!

Isaiah 55:1 Referans Kwoze

Revelation 21:6

Me yog ni ga’ar, “Ke m’ay! I gag fare Alfa nge fare Omega, ni aram e tabolngin nge tungun. En nike yib e belel ngak e gu ra pi’ e ran ndariy puluwon ngak nge unum, ni ran ni yib ko fare alublub ni ran riy e ma pi’ e yafos.

Revelation 22:17

Fare Kan Nthothup nge fare pin ni nge mabgol e lungurow, “Moy!” Urngin e girdi’ ni yad ra rung’ag e re bugithin ney e thingar ki lungurad, “Moy!” Moy i gur e en nike yib e belel ngom; ngam fek fare ran ko yafos nib tow’ath ni yira pi’ ngak e en ni ba’adag ni nge yag ngak.

Isaiah 44:3

“Bay gu pi’ e ran ko fare but’ nike balel, mu gu gagiyegnag yu pa’ i lul’ nge yan u daken e but’ nike mlik. Bay gu pu’og e kan nthothup rog nga daken pifakmed, mu gu fal’eg wa’athan e pi’in owchemed.

Psalms 143:6

Gu be meybil ngom ni kug tining pa’ag ngalang; lanin’ug e ke balel ni be fineyem ni bod e but’ nike mlik’.

Revelation 22:1

Miki dag fare engel ngog fare lul’ ni bay e ran ko yafos riy, ni be galgal ram’en ni bod e krystal, ni yib u tagil’ Got nge fare Fak e Saf,

Matthew 13:44

“Gagiyeg nu tharmiy e bod ban’en nrib t’uf ma rib tolang puluwon nni k’eyag u daken bangi milay’ ni aram e kan mithag. Me pir’eg be’ nib mo’on, miki tharey bayay. Me ri gel e felfelan’ ngak me yan nge pi’ ni chuway’ urngin ban’en ni bay rok, me sul nge chuw’iy fa gi milay’.

Matthew 10:8

Mi gimed golnag e pi’in yad bm’ar, mi gimed faseg e yam’, mi gimed chuweg e daraw u downgin e pi’in yad ba daraw, mi gimed tuluf e mo’onyan’ ngar chuwgad ko pi’in ke ying e mo’onyan’ ngorad. Ke yag ngomed nda mpi’ed puluwon, ere mpi’ed ndab ni pi’ puluwon ngomed.

Joel 3:18

Yungi milay’ ni grapes e bayi peth u daken e pi burey e re ngiyal’ i n’em; ma gubin yang e flang ni bay ni pir’eg e garbaw riy; ma re ngiyal’ i n’em e bay e ran ni pire’ nra gaman yu Judah riy ni polo’. Ra yib ba lul’ u Tempel rok SOMOL, nge taren nag e Loway ni Akacia.

Psalms 63:1

A Got, i gur e Got rog, ku gum’ ni bocham. Polo’ i gag ni be yim’ ni bocham; ni bod rogon e belel nma yib, ni bod bangi binaw nike mlik, nike finey e ran.

Isaiah 52:3

Be ga’ar SOMOL ni Th’abi Tolang ngak e girdi’ rok, “Dani chuw’iymed ko salpiy ni ngam manged sib, ma ku aram rogon ni bay ni chuwegmed ko sib ni dab ni pi’ e salpiy ni puluwonmed ni ngan pagmed.

Revelation 3:18

Gu be fonow nigem ni ngam chuw’iy rog e gol, ni gol ni de ma’athuk ban’en ngay, ni bochan e nge yag ni fel’ rogom. Ma ka ga chuw’iy e mad nib wechwech ngam chuw ngay ngam upunguyem ngay ni kam par u tamilang nib tamra’ u sum. Ma ka ga chuw’iy boch e flay ngam tay ngalan owchem nge yag ni mu guy ban’en.

1 Peter 2:2

Mpired ni gimed bod e bitir ni kafin nni gargeleg, ni gubin ngiyal’ ma be yib lamen e milik ngomed, ni milik nib machalbog ni fan nga lanin’med, ya ra um unumed mi gimed ilal ngam thapgad ngak Got.

Roma 3:24

Machane u daken e tow’ath rok Got ndariy puluwon ni bochan e runguy rok ngak e girdi’, e ir e ke mat’awnag urngin e girdi’ riy ngak u daken Kristus Jesus, ni ir e ke pithigrad rok e denen.

Hosea 14:4

Be ga’ar SOMOL, “Bay gu fulweg e girdi’ rog ngog. Ma bay ra pired nri yad ba t’uf rog, ya dakugur damumuw ngorad.

Tang Ko Pitang 5:1

Kagub ngalan e milay’ rog, male’ rog, ma athibon an’ug. Gu be kunuy e pi spices rog nge myrrh; gu be kay e honeycomb nge honey rog; ma gu be unum e wayin rog nge milik. Gal fager mu abichgow migimew be garbod nge mada’ ko ngiyal’ ni ka mu chinggow ko adag romew.

Proverbs 8:4

“Gu be wenig ngomed e girdi’; gu be non ngak urngin e girdi’ nu fayleng.

Matthew 26:29

Nggog ngomed, ni gathi bay ku gu unum e re wayin ney bayay nge yan i mada’ ko chirofen ni bay gu un ngomed i unum e bin nib be’ech e wayin ko gin nsuwon e Chitamag.”

Zekariah 9:15

I SOMOL ni Gubin ma Rayag Rok e bayi yoror rok e girdi’ rok, ma bay ra thirifed e pi to’ogor rorad u but’. Bay ur tolulgad u fithik’ e mael ni gowa girdi’ nike balyang ko rrum, miyad pu’og racha’en e pi to’ogor rorad; ma bayi map’ nge yan ni gowa racha’en ba gamanman ni maligach nni kunuy ngalan baraba’ i ban’en min pu’og nga daken e altar.

Tang Ko Pitang 1:4

Mu fekeg nggu un ngom, ngad milgow nga darow; ngam mmang pilung rog ma ga fekeg nga senggil rom. Gadow ra felfelan’ u ta’bang, ngad unumew ngad talubgow nga aer, ngad li’ew gadow ko adag. Arfan ngay ni urngin e ppin ma ba adagem!

1 Korinth 3:2

Ere thingar gu pi’ e milik ngomed, ma gathi ggan nib el, ya dawori taw nga nap’an ni ngan pi’ ngomed. Ni mus ko chiney ma dawori taw nga nap’an ni nggu pi’ ngomed,

Zekariah 10:7

Girdi’ nu Israel e ra yib gelingrad ni bod e pi salthaw, ni yad ba felfelan’ ni bod e pi’in kar unumed e wayin. Pi’in owcharad e bay i par u wan’rad e re gel ney nra ted. miyad felan’ ni bochan e n’en nike rin’ SOMOL.

Zekariah 2:6

I ga’ar SOMOL ko girdi’ rok, “Gu werweregmed u gubin yang. Machane chiney e gimed e pi kalbus e kam thay gad u Babylon kam sulod nga Jerusalem.

Ruth 4:1

Me yan Boaz nga tagil’ e mu’ulung ni bay u to’oben e garog ko binaw, me yan i par nga but’. Ka chingiyal’ nem me yib e cha’ ni ir e th’abi chugur ngak Elimelek, ni fa’ani ir e i weliy Boaz murung’agen, me ga’ar Boaz ngak, “Fager rog, moy mu par iray.” Ma aram me yan i par nga but’.

Tang Ko Pitang 1:2

Dep’ilugnam e ke tharayeg ko kiss; adag rom e kabfel’ ko wayin.

Lamentations 5:4

Thingar gu pi’ed puluwon e ran ni nggu unumed; ma thingar gu chuwi’iyed e l’ud ni nggu lum gad ngay.

Matthew 5:6

“Nge felan’ e pi’in karm’ad ngan’rad ni tin ba m’agan’ Got ngay nib mat’aw e nge rin’ e girdi’, ya Got e ra chum’er nagrad ko tin urfineyed!

Acts 8:20

Machane me fulweg Peter ngak ni ga’ar, “Gur nge salpiy rom e ngam marow nga fithik’ e nifiy, ni fan e ga be leamnag nrayag ni ngam chuw’iy e tow’ath rok Got ko salpiy!

Proverbs 9:5

“Moy, ngam koy e ggan rog ma ga unum e wayin ni ku gu aruy.

Ezekiel 47:1

Fare mo’on e pow’iyeg nggu sulow nga langan e mab ko Tempel. Ma beyib e ran u tanggin e gin yima yan riy ngalan e Tempel be yan ni lul’ i yan ko ngek, ni aram e gin ba sap mit fare Tempel ngay. Fare ran e be yan ni lul’ u tanggin e ba’ ni yimuch ko fare Tempel ngeb i thumur u ba’ ni yimuch ko fare altar.

Ezekiel 47:9

Demturug e yungin be yan fare ran riy, ma be yib gubin mit e gamanman nge nig ngay. Ya fare lul’ e ma kak’lingnag e ran ko fare Dead Sea, ere demturug e gin be yan riy, ma be pi’ e yafos.

Proverbs 9:1

Gonop e toy e naun rok ni medlip e rumog riy.

Isaiah 1:19

Fa’an gimed ra fol rog, ma gimed ra kay e pin’en ni bfel’ ni be tugul ko nam romed.