Isaiah 54:7 - Bible Ni Thothup

⁷ “Kug pagem u lan ba talab, bay gu fulwegem ngog ya ri gab t’uf rog.

Isaiah 54:7 Referans Kwoze

Psalms 30:5

Ya damumuw rok e ta’boch ngiyal’, ma feni gol e nap’an e yafos. Ra map e lu’ nnep’, me yib e felelan’ ni kadbul.

2 Peter 3:8

Machane pi tafager rog ni gimed ba t’uf rog, dab mpaged talin e re bugithin ni ba’aray: rogon ko changar rok Somol e dariy ban’en nib thil u thilin ta’reb e rran nge bbiyu’ e duw, ya l’agruw ni ta’reb rogon u wan’.

Mikah 4:6

Be ga’ar SOMOL, “Bayi taw nga bangyal’ ni bay gu kunuy fapi girdi’ nug gechignag nra gafgow gad ko kalbus u wuru’ e nam.

Isaiah 26:20

Gimed girdi’eg, marod ngalan e naun romed ngam man’ niged e mab nga fitikeru’med. Mi gimed mith bochngiyal’ nge taw ngilan’ nike m’ay e damumumuw rok Got.

Isaiah 60:4

Mu sap u to’obem i yan ngam guy e pin’en ni yibe rin’: Be mu’ulung e girdi’ rom ni ngar sulod nga taferad! Pifakam ni pumo’on e bay rabad u mal’af, Pifakam ni ppin e bay ni fekrad i yib nrogon e bitir ni yima fek.

Deuteronomy 30:3

ma aram e SOMOL ni Got romed e bayi runguymed, bayi fulwegmed ngam chuwgad ko fapi nam ni weregmed riy, me gagiyeg nagmed nge fel’ rogomed bayay.

Isaiah 66:18

Gu manang e leam rorad nge ngongolrad. Bay gub nggu kunuy e girdi’ u gubin e nam. Nap’an ni yad ra mokun nga ta’bang ma aram e bay ra guyed e tin nge rin’ gelngig

2 Korinth 4:17

Re gafgow ney ni gadad be tay nib gafgow nib achig ma dabi n’uw nap’an me m’ay e bayi fek i yib ngodad ba fla’ab ni ba ga’ ni dabi m’ay bi’id, nri kab gel feni ga’ ko re gafgow ney.

Matthew 23:37

“Jerusalem, Jerusalem! Kam thang e pogofan rok e pi profet, ma kam malangnag e pi’in ni l’oegrad Got ngar feked e thin rok i yib ngom! Nge gaman e in yay ni kug guy rogon ni nggu kunuy urngin e girdi’ rom, ni bod ba alabal ni chugumiy pifak nga tan pon, machane da mpageg nggu rin’!

Isaiah 56:8

SOMOL ni Th’abi Tolang ni fek e girdi’ rok nu Israel ni u ra kalbusgad u wuru’ e nam rorad nga taferad, e micheg ni bay ki fek boch e girdi’ nge chagiy ngorad.

Ezekiel 36:24

Bay gu chuwegmed u gubin e nam mu gu fulwegmed ko nam romed.

Isaiah 60:10

Be ga’ar SOMOL ngak yu Jerusalem, “Girdi’en yugu boch e nam e bay ra ubunged bayay e yoror rom, Ma pi pilung rorad e bay ur pigpiggad ngom. Gu damumuw ngom mu gu gechig nigem, Ma chiney e bay gu dag ngom ni gab t’uf rog ma gu be runguyem.

Isaiah 40:11

Bay i ayuweg fa ran’ i saf rok ni bod rogon be’ nma gafaliy e saf; bayi kunuy fapi fak e saf nga ta’bang, ngi i fekrad nike dibeyrad; bayi pow’iy e pi chitiningrad nib saf’og.

Isaiah 27:12

Rofen nem, e feng Got e girdi’ rok ni be’ nge be’ ni tabab u Eufrates ngeb ko mathil nu Egypt, ni bod e parde’ wheat nma ki’eg lemmun ko keru’.

Psalms 106:47

SOMOL ni Got romad, mu ayuwegmad, ngam fulwegmad nggu chuwgad u fithik’ e pi nam, ya nge yag ni gu pininged e magaer magmad pining e sorok nga fithngam nib thothup.

Efesus 1:10

N’en nike mu’ i leamnag rok Got ni nge rin’ e bay fini taw nga nap’an me libguy, ni aram e nge kunuy urngin e tin ni sunumeg ban’en nga ta’bang, ni urngin ban’en ni bay u tharmiy ngu but’, me par Kristus ni ir e llug riy.

Isaiah 49:18

Mu sap i yan nga mu guy e n’en ni yibe rin’. Girdi’ rom e yad be mu’ulung ni ngar sulod nga taferad. Rogon feni riyul’ ni Gag fare Got ni gu be par ni gub fos, e aram rogon feni riyul’ ni bay mu felfelan’ ngak e girdi’ rom, bay mu felfelan’ ni bod gelngin e felfelan’ ni tay be’ ni bpin ko nunuw rok nnap’an ni nge mabgol!

Isaiah 11:11

Rofen nem, e ra maruwel Somol nga gelngin nge fulweg e girdi’ rok nga tabinaw, ni pi’in nra magachgad u Assyria ngu Egypt, u lan fare nam nu Pathros ngu Sudan, ngu Elam, ngu Babylonia, ngu Hamath, nge pi binaw u charen e day nge pi donguch u lan e day.

James 4:6

Ya ayuw nma pi’ Got ngodad e rib gel. Ya be yog e babyor nib thothup ni be ga’ar, “I Got e ma togopluw ngak e pi’in nib tolangan’rad, ma ma ayuweg e pi’in nib sobut’an’rad.”

Isaiah 11:12

I Somol e bay i n’uf bang i flak ngalang ni nge dag ko pi nam ni be kunkunuy bayay nga ta’bang fapi girdi’ nu Israel ngu Judah nra werwergad ko fa aningeg i tabthung ko fayleng.

Isaiah 12:1

Bayib reb e rran ni bayi tang e girdi’ ni yad be ga’ar, “Gu be pining e sorok ngom, SOMOL! Um damumuw ngog, ma chiney e kam fal’eg lanin’ug ma ke chuw e damumuw rom.

Isaiah 14:1

I SOMOL e bayi kirban’ bayay ko girdi’ rok nu Israel me mel’egrad ni nge mil farad ngak. Bayi pagrad ngar pired bayay u lan e nam rorad, ma girdi’ u bang e bay rabad ngar pired rorad.

Isaiah 27:8

I SOMOL e gechignag e girdi’ rok ni pi’rad ni kalbus nga wuru’ e nam. I tharbegrad nga fithik’ e nifeng nib gel ni yib ko ngek.

Isaiah 49:13

Lanelang, mu tang! Fayleng, mu tolulnag e felfelan’! Me tang e pi burey! Ya SOMOL e bayi fal’eg laniyan’ e girdi’ rok; bayi runguy e girdi’ rok ko gafgow ni yad be tay.

Isaiah 49:21

Ma aram e bayi lungum ngom, I mini’ e ke gargeleg e pi bitir ney ni nggu fakay? I mul pifakag u pa’ag, mu gu par ndabkiyag ni gu diyen, nchuwegeg ko nam rog mi ni kalbus nigeg, ere mini’ e chuguliy e pi bitir ney? Ni pageg ngu’ug par ni go’ gag, ere uw e yib e pi bitir ney riy?”

Isaiah 50:1

Be ga’ar SOMOL, “Mogned, gimed be finey ma gu n’agmed e girdi’ rog ni bod be’ ni n’ag le’engin? Ere bu uw babyoren e machuw? Gimed be finey ma gu pi’med nchuway’ ngam kalbusgad ni bod be’ nib mo’on ni pi’ pifak nchuway’ ngar manged sib? Danga’, ni fekmed nga reb e nam ngan kalbus nagmed ni bochan e denen romed; ni fekmed ngam marod ni bochan e kireb romed.

Isaiah 62:4

Dakuriy e ngiyal’ ni yira pining ngachalem ni “Kan n’ag,” fa ni pining fithingan e nam rom ni “Fa En ni le’engiy ni Kan Tharbeg.” Bin ni be’ech e ngachal rom e ba’aray “Got e ba fel’uwan’ fare Pin.” Nam rom e bay ni pining ni “Felfelan’ ko Mabgol Rok,” ni bochan e SOMOL e gab fel’uwan’ ma bayi par ni bod nike figirngiy e nam rom.

Isaiah 63:7

Bay gu weliy rogon SOMOL ko runguy rok ni dabimus; kug pining e sorok ngak nga urngin e tin ke rin’ ngodad. Ya kari fal’eg wa’athan e girdi’ nu Israel, ni bochan e ba gel e runguy rok ma t’ufeg rok e dabimus.

Jeremiah 51:5

I Gag fare SOMOL ni Got ni Gubin ma Rayag Rok, e dag pag yu Israel nge yu Judah, ni yug aram rogon ni kar denengad nib togopluw ngog, I Gag Fare Thothup nu Israel.

Lamentations 3:31

I Somol e rib marunguy ma dabi n’ag dad ni manemus.

Psalms 30:6

I pagan’ug me lungug u wun’ug, “Ri dakuriy bi’id ni gu ra waer.”

Psalms 107:3

ke chuwegmed ko pi nam ni gathi nam romed, ke fulwegmed u lan e ngek nge ngal, ngu lan e lel’och nge yimuch.

Lamentations 3:32

Yug bay i feke kireban’ i yib ngodad, machane t’ufeg rok ngodad e rib mich ma ba gel.