Isaiah 54:6 - Bible Ni Thothup

⁶ Israel, ga bod ba rugod nike mabgol, ma kari kireban’ ya ke cheal figirngin ke n’ag. Machane SOMOL e ke piningem ni ngam sul ngak ma be ga’ar:

Isaiah 54:6 Referans Kwoze

Isaiah 62:4

Dakuriy e ngiyal’ ni yira pining ngachalem ni “Kan n’ag,” fa ni pining fithingan e nam rom ni “Fa En ni le’engiy ni Kan Tharbeg.” Bin ni be’ech e ngachal rom e ba’aray “Got e ba fel’uwan’ fare Pin.” Nam rom e bay ni pining ni “Felfelan’ ko Mabgol Rok,” ni bochan e SOMOL e gab fel’uwan’ ma bayi par ni bod nike figirngiy e nam rom.

Eklesiastes 9:9

Ngu’um par nib felan’um ko fare pin nib t’uf rom, u n’umngin nap’an e re yafos ney ni dariy gam’ingin ko gin’en nike pi’ Got ngom u roy u fayleng. Mu felfelan’ u gubin e rran ni dariy gam’ingin, ni bochane kemus e n’en rayag ngom ni puluwon gubin e magaer rom.

Proverbs 5:18

Ere nge fel’ u wun’um le’engim me par e felfelan’ rom ko re pin ni kam la’ay —

Malaki 2:14

Ma gimed be fith ko mangfan ni dakir fel e maligach romed. Bochan e manang ni kam th’ebed e michmich ni mu ted ngak pi le’engimed ni mu mabgol gad ni ki gimed bpagel. I ir chagilem, ma ka mu th’ab e n’en nim micheg ngak, ni yug aram rogon nim micheg u p’eowchen Got ni ga ra yul’yul’ ngak.

Matthew 11:28

“Mired ngog, ni gimed gubin e pi’in ke aw parowmed i fek e n’en nib tomal ni gimed be fek, mu gu pi’ e toffan ngomed.

2 Korinth 7:6

Machane Got nma pi’ e athamgil nga laniyan’ e pi’in ke mulan’rad e pi’ e athamgil nga lanin’mad ni bochan Titus ni yib ngomad.

Hosea 2:19

Israel, bay gu fekem ngam mang le’engig; bay gu par ni gub yul’yul’; bay gu dag ngom e t’ufeg rog ni derma thil nge marnguy rog ni dabimus, mu ug tem nike mil suwom ngog ndariy n’umngin nap’an.

Jeremiah 30:17

Bay ggol nagmed bayay; ma bay gu faseg e maad’ad u dowmed, ya pi to’ogor romed e yad be ga’ar, ‘Zion e kan tharbeg; ni dakriy be’ nma leamnag murung’agen.’ I Gag SOMOL e kugog e pi thin ney.”