Isaiah 54:10 - Bible Ni Thothup

¹⁰ Pi burey nge yungi ted e rayag ni nge puth, machane rogon nri gab t’uf rog e dariy e rofen nra mus; m’ag ko gapas ni kug micheg ngom e bay i par u gil’ ndariy n’umngin nap’an.” Irera’ rogon nike yog SOMOL ni ri gab t’uf rok.

Isaiah 54:10 Referans Kwoze

Psalms 46:2

Fa’anra rur e fayleng me muchubu’ e pi burey nga t’ay e rigur, ma dab da tamdaggad;

Matthew 24:35

Tharmiy nge fayleng e bay chuw, ma thin rog e ri dabi math bi’id.

Roma 11:29

Ya Got e der ma piliyeg laniyan’ rok e en ni mel’eg nge tow’athnag.

Isaiah 55:3

“Gimed e girdi’ rog, mu telmed, mi gimed yib ngog; mired ngog, me yag e yafos ngomed! Bay gu ngongliy ba m’ag u thildad ni bay i par ni dariy n’umngin nap’an, mu gu pi’ ngomed e pi tow’ath ni gu micheg ngak David.

Malaki 2:5

“U lan fare m’ag rog e gu micheg ngorad e yafos nge fel’ rogon, ma irera’ e n’en nug pi’ ngorad, ya nge yag nra ted fag. Pi rran nem e ur ted fag mi i par madgug u wan’rad.

Isaiah 54:8

Gu pi’ keru’ug ngom u fithik’ e damumuw rog u lan ba talab; machane bay mu par ni gab t’uf rog ndariy n’umngin nap’an.” SOMOL nike biyuliyem e ara’ rogon nike yog.

Isaiah 49:10

ni dabki yib e bilig nge belel ngorad. Yal’ nge gowelngin e yal’ u lan e ted ni desert e dab ku ra gafgowgad riy, ya fa’anem ni yad bt’uf rok e bay i pow’iyrad. Bayi pow’iyrad nga bogi alublub.

2 Samuel 23:5

Irera’ rogon ni bay i ayuweg Got e pi’in owcheg, ya ke ngongliy ba m’ag u thilmow ndabi m’ay, ni urngin riy e be par ni ba yaram ma mmudugil. Kemus e n’en ni gu ba’adag; ni ir e bayi gel nigeg, ya Got e rib mudugil ni bayi gagiyegnag nge yib i m’ug ni aray rogon.

Titus 3:5

me chuwegdad ko kireb nge thapegdad ngak Got. Ma gathi rin’ ni aram rogon ni gomanga bochan e ngongol ni bfel’ ni kad ngongliyed, machane bochan e be runguydad, ma aram me chuwegdad ko kireb nge thapegdad ngak Got u daken e maluk ni tay ngodad, nu daken e re maluk ney e ir e pi’ fare Kan Nthothup e bin nib be’ech e gargel nge bin nib be’ech e pangin riy ngodad.

Matthew 16:18

Ere be lungug ngom: I gur Peter, ma daken e re war ney e nggu toy e galesiya rog nga daken ni mus ko yam’ ma dabiyag ni nge gel ngay.

Matthew 5:18

Mu ted ngan’med e re bugithin ney! N’umngin nap’an ni ka be par e tharmiy nge fayleng e dariy bochiyang u reb e yol ara bochiyang ko Motochiyel nra nn’ag — ya fin ra taw nga tomuren urngin ban’en.

Hebrews 12:27

Re bugithin ney nike ga’ar, “ku bayay” e be dag nib tamilang ni tin ni sunumiy Got ban’en e bayi rurug nge chuweg, ma aram e tin nde rurug ban’en e bayi par.

Revelation 6:14

Me yan lanelang nga bayang, ni gowa bangi babyor nni bichibichiy nge chuw, ma urngin e burey nge nam nib liyeg e day e nchuweg u tagil’.

Numbers 25:12

Ere mog ngak ni nggu ngongliy reb e m’ag ko gapas u thilmow ni nge par ni aram e pow riy e chiney i yan ngaram.

Psalms 102:26

Pin’ey e bayi m’ay, machane gur e bay mu par; gubin ni bayi wod ni bod e mad. Bay mu n’agrad ni bod e mad, ma bay ra m’aygad ngabang.

Isaiah 9:6

Ka ni gargeleg bochi tir ngodad! Ka ni pi’ bochi pagel ngodad! Me ir e bayi mang pilung rodad. Ma bay nog fithingan ni “Tafonow nrib Manigil,” nge “Got ni Gubin ma Rayag Rok,” nge “Chitamangiy ni Manemus,” nge “Pilung ko Gapas.”

Isaiah 55:7

Pi’in kireb e ngongol rorad e ngar paged, miyad thiliyeg rogon e leam ni yad be tay. Miyad sul ngak SOMOL, ni Got rodad; ya ri ma runguy e girdi’, ma ba gur ni ma n’ag fan ban’en u wan’.

Isaiah 55:12

“Bay mu chuwgad u Babylon u fithik’ e felfelan’; bay ni pow’iymed nga wuru’, e re binaw nem u fithik’ e gapas. Pi burey nge yochi burey e bay ra tanggad, ma pi gek’iy e bay ra tolul niged e felfelan’!

Isaiah 59:21

Mu gu ngongliy bm’ag u thildad: Ku gu pi’ gelngig ngomed nge machib rog ni ngam faned ni manemus, ma chiney i yan ngaram e ngam folgad rog mi gimed fil ngak pifakmed nge pifak pifakmed ni ngar pired ni yad be fol rog ni dariy n’umngin nap’an.”

Isaiah 61:8

Be ga’ar SOMOL, “Mat’aw e gu ba’adag ma gu ba fananikay e gafgow nge kireb ni yima tay ngak e girdi’. Ri bay gu pi’ e tow’ath ko tirog e girdi’, mu gu ngongliy ba m’ag u thilmad ndabi m’ay.

Isaiah 63:7

Bay gu weliy rogon SOMOL ko runguy rok ni dabimus; kug pining e sorok ngak nga urngin e tin ke rin’ ngodad. Ya kari fal’eg wa’athan e girdi’ nu Israel, ni bochan e ba gel e runguy rok ma t’ufeg rok e dabimus.

Jeremiah 31:36

Ke micheg nn’umngin nap’an ni ka be par e tin ni sunmiy u gil’, e aram n’umngin nap’an ni be par fare nam nu Israel.

Jeremiah 33:20

“Ku gu ngongliy bm’ag ko rran nge nep, ya nge yag ni ur m’ug gow ko ngilan’ nni duwgiliy; ma re m’ag nem e dabi math’ bi’id.

Ezekiel 16:42

Ma aram e bay i m’ay e damumuw rog, mug gapas. Bay dab kug damumuw ara gu talyeg bi’id.

Psalms 46:3

ara puw e day nga mada’ lingan ngalang, me rur e pi burey.

Isaiah 49:15

Me fulweg SOMOL ni ga’ar, “Gur rayag rok be’ ni bpin ni nge pag talin fak ni kabran ma dabi t’uf rok e re tir nem ni ir e gargeleg? Gomang e ra pag be’ ni bpin talin fak, machane gag e dab gu pag talimed.

Ezekiel 34:25

Bay gu ngongliy reb e m’ag u thilmad ni ir e bayi micheg ngorad ni dabki buch ban’en rorad. Bay gu chuweg ko nam rorad urngin e gamanman nra i maad’ad ngorad, ni fan e nge yag ni par e saf rog u daken e ted ma yad be mol u fithik’ e gerger ni dabki buch ban’en rorad.