Isaiah 54:1 - Bible Ni Thothup

¹ Jerusalem um par ni bod be’ ni bpin ndariy e bitir rok. Machane chiney e rayag ni ngam tang ma ga be garusnag e felfelan’. Ya chiney e bayi yag e bitir ngom nib pire’ boch ngak be’ ni bpin ni der chuw figirngin u charen!

Isaiah 54:1 Referans Kwoze

Galatia 4:27

Ya be yog e babyor nib thothup ni be ga’ar: “Mu felfelan’, i gur e re pin nir ndawor mu gargelnag e bitir bi’id! Mu tolul ma ga non ni ba ga’ lamam ni kam felfelan’, ni gur e cha’ ndawor mu thamiy e amith ko gargel! Ya fare pin nn’ag e bayi yo’or e bitir rok ngak fare pin ni ka be par ko pumo’on rok.”

Isaiah 62:4

Dakuriy e ngiyal’ ni yira pining ngachalem ni “Kan n’ag,” fa ni pining fithingan e nam rom ni “Fa En ni le’engiy ni Kan Tharbeg.” Bin ni be’ech e ngachal rom e ba’aray “Got e ba fel’uwan’ fare Pin.” Nam rom e bay ni pining ni “Felfelan’ ko Mabgol Rok,” ni bochan e SOMOL e gab fel’uwan’ ma bayi par ni bod nike figirngiy e nam rom.

1 Samuel 2:5

Pi’in ni yugu yad ma par ni yad ba fos e kranod ni yad be man maruwel ni fan ko ggan, machane pi’in ur m’ad ko bilig e kar pired ndakurir m’ad ko bilig. Fare pin nda i diyen e nga medlip e bitir nike diyennag, ma fare pin ni bo’or e bitir ni diyennag e ke par ni ta’reb ma dakuriy rok.

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

Psalms 113:9

I tolangnag be’ ni bpin ni dariy fak u lan e tabnaw rok, me felfelan’nag fare pin ko bitir ni pi’ ngak. Ke sorok SOMOL!

Zefaniah 3:14

Gimed e girdi’ nu Israel, mu tanggad mi gimed garusnag e felfelan’! Gimed yu Jerusalem, mu felfelan’ gad u polo’ i lanin’med!

Isaiah 49:13

Lanelang, mu tang! Fayleng, mu tolulnag e felfelan’! Me tang e pi burey! Ya SOMOL e bayi fal’eg laniyan’ e girdi’ rok; bayi runguy e girdi’ rok ko gafgow ni yad be tay.

Isaiah 49:20

Girdi’ rom nni gargelnag u yugu reb e nam ni um pired riy ni ka mu kalbusgad e bayi reb e rran me lungurad ngom, ‘Re nam ney e kayigi achig, thangri ga’ boch nge bung e par riy!’

Isaiah 44:23

Lan e lang, mu tolulnag e felfelan’! Yungi n’en nib to’ar u fayleng, mu tolulgad. Pi burey nge urngin kaen e gek’iy ko yungi gerger, mu garus niged e felfelan’! I SOMOL e ke biyuliy e girdi’ rok nu Israel, ni aram e ke dag feni gel nge feni sorok.

Tang Ko Pitang 8:8

Bay walagmad ni bpin ni kab bitir, ni dawori yib thuthun. Mang e ngad rin’ed ni fan ngak u nap’an nra par nga puluwon be’?

Genesis 21:6

Me ga’ar Sarah, “Ke pi’ Got e felfelan’ ngog nge minmin. Urngin e girdi’ ni yad ra rung’ag murung’agen e yad ra un ngog ko minmin.”

Isaiah 12:6

Urngin e girdi’ nma par u Zion e nge tolul ngalang me tang! Got nib thothup rok piyu Israel e ba sorok, mma par u fithik’ e girdi’ rok.”

Isaiah 24:14

Pi’in rfosgad e bay ra tang niged e felfelan’. Ma pi’in bay ko ngal e bay ra weliyed feni sorok SOMOL,

Isaiah 49:19

“Nam rom e ni kirebnag min n’ag, machane chiney e bay yan i aw ni kayigi achig, ya pi’in bay rabad ni ngar pired riy e yad bpire’! Ma pi’in ra kireb niged gur e ri bay ni mal’af nagrad rom.

Isaiah 66:7

“Binaw rog nib thothup e bod be’ ni bpin ni gargeleg bbitir nib tomgin ni de fal amith.